TRP Game Zone Fire: હાઈકોર્ટનો ઐતિહાસિક ચુકાદો, મનસુખ સાગઠીયા સહિત 5 અધિકારીઓ નોકરીમાંથી ડિસમિસ

રોહિત વિગોરા અને ગૌતમ જોશી સહિતના અધિકારીઓ બરતરફ

આ ચુકાદા અંતર્ગત જે અધિકારીઓને ફરજ પરથી તાત્કાલિક પ્રભાવથી ડિસમિસ કરવામાં આવ્યા છે, તેમાં મ્યુનિસિપલ ફાયર સ્ટેશન ઓફિસર (Municipal Fire Station Officer) રોહિત વિગોરા (Rohit Vigora) અને ટાઉન પ્લાનિંગ (TP) વિભાગના (Town Planning Department) અધિકારી ગૌતમ જોશીના (Gautam Joshi) નામ સામેલ છે. આ ઉપરાંત ગેરકાયદેસર બાંધકામો અને મંજૂરીઓમાં સંડોવાયેલા અન્ય કર્મચારીઓ જેવા કે મુકેશ મકવાણા (Mukesh Makwana), જયદીપ ચૌધરી (Jaydeep Choudhary) અને રાજેશ મકવાણાને (Rajesh Makwana) પણ નોકરીમાંથી બરતરફ કરી દેવાયા છે.

મનસુખ સાગઠીયાના પેન્શન અંગે મોટો નિર્ણય

આ અગ્નિકાંડના મુખ્ય આરોપીઓ પૈકીના એક એવા પૂર્વ ચીફ ટીપીઓ (Chief TPO) મનસુખ સાગઠીયા (Mansukh Sagathia) અગાઉથી જ પોતાની વયમર્યાદાને કારણે નિવૃત્ત થઈ ચૂક્યા છે. જો કે, તેમની સામે ચાલી રહેલી કાનૂની કાર્યવાહી અને તપાસને ધ્યાનમાં રાખીને મોટો નિર્ણય લેવાયો છે. સાગઠીયા હવે માત્ર પ્રોવિઝનલ પેન્શનના જ હકદાર રહેશે. તેમની અન્ય તમામ નિવૃત્તિ સહાય અને લાભો પર હાલ પૂરતી રોક લગાવી દેવામાં આવી છે.

તંત્રનો કડક સંદેશ

રાજકોટના 28 નિર્દોષ નાગરિકોનો ભોગ લેનાર આ દુર્ઘટના બાદ હાઈકોર્ટે લીધેલા આ કડક સ્ટેન્ડથી સ્પષ્ટ સંદેશ ગયો છે કે જનતાના જીવ સાથે રમત કરનાર કોઈપણ ચમરબંધીને છોડવામાં આવશે નહીં. આ પ્રકારની કડક સજા ભવિષ્યમાં અન્ય અધિકારીઓ માટે એક દાખલો બેસાડશે તેવું કાનૂની નિષ્ણાતોનું માનવું છે.

આ પણ વાંચો: HNGUનો ઐતિહાસિક નિર્ણય: પાટણ-મહેસાણાની 17 કોલેજોનું જોડાણ રદ, નવા એડમિશન પર પ્રતિબંધ