Rajkot Crime News: રાજકોટમાં અસામાજિક તત્વોનો આતંક, યુનિવર્સિટી રોડ પર લુખ્ખાઓ કરી ફિલ્મી સ્ટાઇલે તોડફોડ

યુનિવર્સિટી રોડ પર ગેંગવોર જેવા દ્રશ્યો

રાજકોટના ગીચ અને પોશ ગણાતા યુનિવર્સિટી રોડ પર મોડી રાત્રે અંધાધૂંધી સર્જાઈ હતી. અસામાજિક તત્વોના એક ટોળાએ આ વિસ્તારમાં આતંક મચાવ્યો હતો. જાહેરમાં ધોકા અને પથ્થર સાથે ઉતરી આવેલા કેટલાક શખ્સોએ વિસ્તારને લગભગ બે કલાક સુધી બાનમાં લીધો હતો. આ ઘટનાને નજરે જોનારા લોકો ડરી ગયા હતા. શહેરના મુખ્ય માર્ગો પર આવી રીતે ખુલ્લેઆમ હિંસા થતા લોકોની સુરક્ષા જોખમમાં મુકાઈ છે.

ફિલ્મી ઢબે વાહનોમાં તોડફોડ

ઘટના દરમિયાન અસામાજિક તત્વોએ ફિલ્મી ઢબે દ્વિચક્રી વાહનોને નિશાન બનાવ્યા હતા. રસ્તા પર ઉભેલા વાહનો પર ધોકા મારીને ભારે નુકસાન પહોંચાડ્યું હતું. આ ટોળું લાંબા સમય સુધી જાહેરમાં તોડફોડ કરતું રહ્યું હતું. આસપાસના લોકો આ દ્રશ્યો જોઈને ઘરના દરવાજા બંધ કરવા મજબૂર બન્યા હતા. કાયદો અને પોલીસના ડર વગર આવા તત્વો બેફામ બનીને ફરી રહ્યા છે તે ચિંતાનો વિષય છે.

અંદાજિત 2 કલાક સુધી ચાલી લુખ્ખાગીરી

યુનિવર્સિટી રોડ પર આ હિંસક ઘટના અંદાજિત 2 કલાક સુધી સતત ચાલુ રહી હતી. પોલીસની પેટ્રોલિંગ વ્યવસ્થા હોવા છતાં આ તત્વો બેખોફ હતા. સ્થાનિક પોલીસની કામગીરી સામે હવે અનેક સવાલો ઉભા થયા છે. રાત્રિના સમયે પોલીસની ગેરહાજરીનો લાભ લઈને ગુનેગારો શહેરમાં આતંક ફેલાવી રહ્યા છે. સ્થાનિકો હવે વિસ્તારમાં વધારાની સુરક્ષા અને કડક પોલીસ પેટ્રોલિંગની માંગ કરી રહ્યા છે.

આ પણ વાંચો--- Khambhalia Jamnagar Highway પર ચાલતી XUV કારમાં બની આગનો ગોળો, 2 લોકો દાઝ્યા