Rajkot Rain: ઉપલેટામાં આફતનો વરસાદ: વેણુ-2 ડેમના 2 દરવાજા ખોલાયા, નીચાણવાળા ગામોને હાઈએલર્ટ

ડેમની સપાટી 54.01 મીટર પર પહોંચી: નદીમાં 1,428 ક્યુસેક પાણી છોડાયું

ફ્લડ કંટ્રોલ રૂમ (Flood Control Room) ના સત્તાવાર અહેવાલ મુજબ, વેણુ-2 ડેમની સપાટી 54.01 મીટરપર પહોંચી ગઈ હતી. ડેમની ભયજનક જળસપાટીને નિયંત્રણમાં રાખવા અને સુરક્ષાના ભાગરૂપે વેણુ-2 ડેમના 2 દરવાજા 0.3 મીટર સુધી ખોલવામાં આવ્યા છે. ડેમમાંથી વેણુ નદીના પટમાં 1,428 ક્યુસેક પાણી છોડવામાં આવી રહ્યું છે. નદીમાં પાણી છોડાતા જ વહેણ અત્યંત તીવ્ર બન્યું છે અને નદી બંને કાંઠે વહેવા લાગી છે.

ગધેથળ, મેખા-ટીંબી અને નીલાખા ગામો એલર્ટ: તંત્રની અપીલ

નદીમાં મોટા પ્રમાણમાં પાણી છોડાવાના કારણે કાંઠાના વિસ્તારો અને નીચાણવાળા ગામો પર પૂરનું જોખમ વધ્યું છે. આપત્તિ વ્યવસ્થાપન તંત્ર (Disaster Management) દ્વારા તાકીદે પગલાં ભરીને વેણુ નદીના કિનારે આવેલા ગધેથળ (Gadhethala), મેખા-ટીંબી (Mekha-Timbi) અને નીલાખા (Nilakha) ગામોને હાઈએલર્ટ (High Alert) કરી દેવામાં આવ્યા છે. સ્થાનિક મામલતદાર અને વહીવટી તંત્ર (Administration) દ્વારા ગ્રામજનોને નદીના પટમાં કે આસપાસના નીચાણવાળા વિસ્તારોમાં અવરજવર ન કરવા તેમજ પશુઓને સુરક્ષિત સ્થળે ખસેડવા કડક સૂચના અને અપીલ કરવામાં આવી છે.

આ પણ વાંચો: Gir Somnath Rain: આભ ફાટ્યું! ગીર સોમનાથના સુત્રાપાડામાં 24 કલાકમાં 12 ઇંચ વરસાદ, રોડ બન્યા નદી!