Rajkot: નારી શક્તિનું સન્માન! આજે રાજકોટમાં મહિલાઓ માટે બસ સેવા તદ્દન મફત

• રાજકોટ (Rajkot) માં આંતરરાષ્ટ્રીય મહિલા દિવસ (International Women's Day) ની ઉજવણી
• મનપાની આંતરરાષ્ટ્રીય મહિલા દિવસે મોટી ભેટ
• સીટી બસમાં બહેનો માટે મુસાફરી તદ્દન મફત
• BRTS બસમાં આખો દિવસ ફ્રી મુસાફરી
• ગમે ત્યાં ગમે તેટલી વાર ફ્રી સવારીની સુવિધા
• રાજકોટ મનપા દ્વારા નારી શક્તિનું સન્માન

Rajkot: રાજકોટ મહાનગરપાલિકા (RMC) દ્વારા આંતરરાષ્ટ્રીય મહિલા દિવસ (International Women's Day) નિમિત્તે શહેરની નારી શક્તિ (Women Power) માટે એક વિશેષ અને પ્રશંસનીય ભેટની જાહેરાત કરવામાં આવી છે. આજે આંતરરાષ્ટ્રીય મહિલા દિવસ (International Women's Day) ના અવસરે રાજકોટ (Rajkot) શહેરની તમામ બહેનો અને દીકરીઓ માટે મનપા સંચાલિત પરિવહન સેવાઓમાં મુસાફરી તદ્દન મફત રાખવામાં આવી છે. આ નિર્ણય મુજબ શહેરના રાજમાર્ગો પર દોડતી સિટી બસ (City Bus) તેમજ બીઆરટીએસ (BRTS) બસ સેવામાં મહિલાઓ આજે આખો દિવસ એક પણ રૂપિયો ખર્ચ્યા વિના મુસાફરી કરી શકશે.

રાજકોટ (Rajkot) માં આંતરરાષ્ટ્રીય મહિલા દિવસ (International Women's Day) ની અનોખી ઉજવણી

રાજકોટ મહાનગરપાલિકા (Rajkot Municipal Corporation) દ્વારા લેવાયેલા આ નિર્ણયનો મુખ્ય ઉદ્દેશ્ય મહિલાઓનું સન્માન કરવાનો અને તેમને જાહેર પરિવહનનો ઉપયોગ કરવા પ્રોત્સાહિત કરવાનો છે. મહિલાઓ આજે આખો દિવસ શહેરના કોઈપણ રૂટ પર ગમે તેટલી વાર અને ગમે તે સ્થળે નિઃશુલ્ક મુસાફરીનો આનંદ માણી શકશે. નોકરી કરતી મહિલાઓ, અભ્યાસ કરતી વિદ્યાર્થિનીઓ અને ગૃહિણીઓ માટે આ એક મોટી રાહત અને સન્માન સમાન છે. સવારથી જ શહેરના વિવિધ બસ સ્ટોપ (Bus Stop) પર મહિલા મુસાફરોની ભારે ભીડ જોવા મળી રહી છે અને બહેનોમાં આ ભેટને લઈને ભારે ઉત્સાહ જોવા મળી રહ્યો છે.

મનપાના પગલાની પ્રશંસા

રાજકોટ મનપા દ્વારા સંચાલિત બીઆરટીએસ (BRTS) અને સિટી બસમાં દરરોજ હજારો મુસાફરો અવરજવર કરતા હોય છે, પરંતુ આજના ખાસ દિવસે મહિલાઓને અગ્રતા આપીને તેમના સ્વાવલંબન અને ગૌરવમાં વધારો કરવામાં આવ્યો છે. મનપાના આ પગલાની ચારેકોર પ્રશંસા થઈ રહી છે. મહિલા સશક્તિકરણની દિશામાં આ એક સચોટ અને અસરકારક પ્રયાસ માનવામાં આવી રહ્યો છે.

આ પણ વાંચો :  Ahmedabad માં કાર્યક્રમ દરમિયાન લપસી પડેલા યુવાનની મદદે દોડ્યા CM ભૂપેન્દ્રભાઈ પટેલ