Sabardairy News : સાબરડેરીની પશુપાલકોને મોટી ભેટ, 29 જૂને 560 કરોડ રૂપિયાનો ભાવફેર થશે ચૂકવણી

Sabardairy News :  560 કરોડ રુપિયા ચુકવવામાં આવશે

ઉલ્લેખનીય છે કે સાબરડેરી ખાતે મળેલી બોર્ડ મીટિંગમાં લેવાયેલા નિર્ણય મુજબ પશુપાલકોને કુલ 560 કરોડ રુપિયા ભાવફેર પેટે ચૂકવવામાં આવશે. જો કે આ રકમ આગામી 29 જૂને બંને જિલ્લાની 1800 જેટલી દૂધ ઉત્પાદક સહકારી મંડળીઓ મારફતે પશુપાલકોના ખાતામાં જમા કરી દેવામાં આવશે.

1009 રૂપિયા પ્રતિ કિલો ફેટનો ભાવ જાહેર

મહત્વનું છે કે ડેરી સંચાલકોએ આ વર્ષ માટે દૂધનો વાર્ષિક સરેરાશ ભાવ 1007 રુપિયા પ્રતિ કિલો ફેટ જાહેર કર્યા છે. ગત વર્ષે પણ જાહેર સભા પહેલા જ પશુપાલકોને આ રકમ ચૂકવવામાં આવે છે. જો કે આ વર્ષે પણ સાધારણ સભા યોજાય તે પહેલા જ પશુપાલકોને આ રકમ ચૂકવવાનો નિર્ણય લેવાયો છે, જેથી પશુપાલકોને આર્થિક રીતે મોટી મદદ મળી રહે. આ ઉપરાંત સાબરડેરીના આ નિર્ણયથી બંને જિલ્લાના ગ્રામીણ અર્થતંત્રમાં ખુશીની લહેર દોડી ગઈ છે. દૂધ ઉત્પાદકો માટે આ રકમ તેમના પશુપાલન વ્યવસાયને વધુ વેગ આપવા માટે મહત્વની સાબિત થશે.

આ પણ વાંચો : Ahmedabad News : નવા વાડજમાં BRTS ટ્રેકમાં અકસ્માત, AMTS બસની ટક્કરથી રાહદારીનું મોત