Sabarkantha Rain: મેઘરાજાની તોફાની બેટિંગ, હિંમતનગરમાં માત્ર 1 કલાકમાં 2 ઇંચ વરસાદથી જળબંબાકાર

હિંમતનગરમાં ઠેર-ઠેર પડ્યા ભૂવા: પોશ વિસ્તારોમાં વાહનચાલકો ફસાયા

ભારે વરસાદના કારણે હિંમતનગર શહેરના રોડ-રસ્તાઓની પોલ ખૂલી ગઈ છે. શહેરમાં ખેડ તસીયા રોડ પર મસમોટા ભૂવા પડવાની ઘટનાઓ સામે આવી છે. શહેરના પોશ ગણાતા વિસ્તારોના મુખ્ય માર્ગો પર ગંભીર ભૂવા પડી જતાં વાહનચાલકો વચચ્ચે જ અટવાઈ પડ્યા હતા. આ ઉપરાંત, બેરણા રોડ પર પણ અનેક વિસ્તારોમાં રસ્તાઓ બેસી જતાં અને ભૂવા પડવાના કારણે કેટલાય વાહનો ફસાઈ ગયા હોવાના અહેવાલો સાંપડ્યા છે.

હાથમતી પુલ અને સરકારી કચેરીઓ બહાર નદી જેવા દ્રશ્યો

વરસાદી આફતની સૌથી વધુ અસર હિંમતનગરના બાયપાસ રોડ પર આવેલા હાથમતી પુલ (Hathamati Bridge) પર જોવા મળી હતી. પુલ પર મોટા પ્રમાણમાં વરસાદી પાણી ભરાઈ જવાના કારણે વાહન વ્યવહાર ખોરવાયો હતો અને વાહનચાલકો ભારે પરેશાન થયા હતા. આ ઉપરાંત, શહેરના મુખ્ય હાર્દ સમાન ટાવરચોક, છોટાલાલ શાહ માર્ગ, નવી પાલિકા અને સેવા સદન જેવા વીઆઈપી અને સરકારી કચેરીઓ વાળા વિસ્તારોમાં પણ ઘૂંટણસમા પાણી ભરાઈ જતાં વહીવટી કામકાજ અર્થે આવતા નાગરિકો ભારે મુશ્કેલીમાં મુકાયા હતા.

આ પણ વાંચો: Surat સહિત દક્ષિણ ગુજરાતમાં મેઘતાંડવ: આંગણવાડીથી લઈ કોલેજો સુધી બધું જ બંધ, તંત્ર સજ્જ