Sabarkantha: શાળાના ભોજનમાંથી ગરોળી નીકળી, દાળ ખાધા પછી 45 બાળકોની તબિયત બગડી!

બાળકોને તાત્કાલિક હોસ્પિટલ ખસેડાયા

માહિતી મુજબ વિદ્યાર્થીઓએ મધ્યાહન ભોજન દરમિયાન મગની દાળ ખાધી હતી. થોડા સમય બાદ બાળકોને ઊલટી, ચક્કર અને બેચેની જેવી તકલીફો શરૂ થતાં શિક્ષકોએ તાત્કાલિક આરોગ્ય તંત્રને જાણ કરી હતી. ત્યારબાદ તમામ અસરગ્રસ્ત બાળકોને સારવાર માટે ઇડર સિવિલ હોસ્પિટલમાં ખસેડવામાં આવ્યા હતા.

બેદરકારીના આક્ષેપો

આ ઘટનાએ મધ્યાહન ભોજન યોજનાની ગુણવત્તા અને દેખરેખ સામે ગંભીર સવાલો ઉભા કર્યા છે. સ્થાનિક લોકો અને વાલીઓએ આક્ષેપ કર્યો હતો કે મધ્યાહન ભોજન વિભાગની બેદરકારીના કારણે નિર્દોષ બાળકોને ભોગ બનવું પડ્યું છે. ભોજન બનાવતી વખતે સ્વચ્છતા અને ગુણવત્તાની પૂરતી ચકાસણી કરવામાં આવી હતી કે નહીં તે મુદ્દે ચર્ચા તેજ બની છે.

Lizard found in Mid-Day Meal at Hasanpura Primary School in Idar, Sabarkantha

Sabarkantha | Idar ના Hasanpura Primary School માં Mid-Day Meal માં ગરોળી નીકળી | Gujarat First

સાબરકાંઠાના ઇડરમાં મધ્યાહન ભોજનમાં ગરોળી નીકળી
હસનપુરા પ્રાથમિક શાળાની મગ દાળમાં ગરોળી નીકળી
45 જેટલા… pic.twitter.com/oGk4TYMIgC

— Gujarat First (@GujaratFirst) August 10, 2026

 તંત્ર દોડતું થયું

ફૂડ પોઇઝનિંગની આશંકા ઉભી થતાં આરોગ્ય વિભાગ, પુરવઠા વિભાગ અને મધ્યાહન ભોજન વિભાગના અધિકારીઓ ઘટનાસ્થળે પહોંચ્યા છે. દાળના નમૂનાઓ તપાસ માટે મોકલવાની કાર્યવાહી હાથ ધરવામાં આવી છે. ઘટનાની વાસ્તવિક કારણ જાણવા માટે તપાસ શરૂ કરવામાં આવી હોવાનું જાણવા મળ્યું છે.

વાલીઓમાં ચિંતા, જવાબદારો સામે કાર્યવાહીની માગ

હાલ ઇડર સિવિલ હોસ્પિટલમાં સારવાર હેઠળ રહેલા બાળકોની સ્થિતિ પર તબીબો સતત નજર રાખી રહ્યા છે. ઘટનાને પગલે વાલીઓમાં ભારે ચિંતા ફેલાઈ છે અને જવાબદાર અધિકારીઓ તથા કોન્ટ્રાક્ટરો સામે કડક કાર્યવાહી કરવાની માગ ઉઠી છે.

 આ પણ વાંચોઃ Banaskantha Accident: દૂધ ટેન્કર અને ઈકો કાર વચ્ચે થયેલા અકસ્માતમાં એકનું મોત, પાંચ ઈજાગ્રસ્ત

આ પણ વાંચોઃ Gandhinagar NEWS : કુપોષણ અને અનેમિયા સામે મહાઅભિયાન