સ્વીફ્ટ કારની પાછળની સીટમાંથી લાશ મળી
મળતી માહિતી મુજબ, લીમલા ગામ નજીક રોડ પર શંકાસ્પદ હાલતમાં સ્વીફ્ટ કાર જોવા મળી હતી. સ્થાનિકોની નજર કાર પર પડતા તેમણે તપાસ કરતાં કારની પાછળની સીટમાંથી એક વ્યક્તિનો મૃતદેહ મળી આવ્યો હતો. ઘટનાની જાણ થતાં પ્રાંતિજ પોલીસની ટીમ તાત્કાલિક ઘટનાસ્થળે પહોંચી હતી અને તપાસ શરૂ કરી હતી.
Advertisement ![Navratri Banner]()
ગળાના ભાગે તીક્ષ્ણ હથિયારથી હુમલાની શંકા
પ્રાથમિક માહિતી મુજબ મૃતક ભરતભાઈ ચૌધરીના ગળાના ભાગે તીક્ષ્ણ હથિયારથી ઈજા કરવામાં આવી હોવાની શંકા વ્યક્ત કરવામાં આવી રહી છે. જોકે, મોતનું ચોક્કસ કારણ પોસ્ટમોર્ટમ રિપોર્ટ બાદ જ સ્પષ્ટ થશે. પોલીસે મૃતદેહને કબજે કરીને સરકારી દવાખાનામાં પોસ્ટમોર્ટમ માટે ખસેડ્યો છે.
અજાણ્યા લોકો કાર મૂકીને ફરાર
મળતી માહિતી પ્રમાણે અજાણ્યા ઇસમો સ્વીફ્ટ કાર લઈને વડવાસાથી લીમલા તરફના રોડ પર આવ્યા હતા. રાત્રિના સમયે સ્થાનિકોએ શંકાસ્પદ હિલચાલ જોઈ હતી. સ્થાનિકોની નજર પડતા અજાણ્યા ઇસમો કારને રસ્તા પર મૂકીને ત્યાંથી ફરાર થઈ ગયા હોવાનું જાણવા મળ્યું છે. સમગ્ર ઘટનાને પગલે પોલીસ દ્વારા અજાણ્યા ઇસમોની શોધખોળ શરૂ કરવામાં આવી છે.
પ્રાંતિજ પોલીસની તપાસ શરૂ
ઘટનાની જાણ થતાં પ્રાંતિજ પોલીસ દ્વારા મૃતદેહનો કબજો લઈ કાયદેસરની કાર્યવાહી હાથ ધરવામાં આવી છે. પોલીસે પોસ્ટમોર્ટમ સહિતની કાર્યવાહી શરૂ કરી છે. સાથે જ મૃતક કઈ રીતે અને કોની સાથે કારમાં આવ્યો હતો, કાર કોણ ચલાવી રહ્યું હતું અને હત્યા પાછળનું કારણ શું છે તે સહિતના વિવિધ મુદ્દે તપાસ કરવામાં આવી રહી છે.
હત્યા પાછળનું કારણ જાણવા તપાસ તેજ
ફાઈનાન્સ મેનેજરના મૃતદેહની કારમાંથી થયેલી મળતીએ અનેક સવાલો ઉભા કર્યા છે. હત્યા કયા સ્થળે થઈ હતી, મૃતદેહને લીમલા રોડ પર કેમ લાવવામાં આવ્યો અને કાર મૂકીને ફરાર થયેલા અજાણ્યા ઇસમો કોણ હતા તે અંગે પોલીસ તપાસ કરી રહી છે. હાલ સમગ્ર મામલે પોલીસની તપાસ અને પોસ્ટમોર્ટમ રિપોર્ટ બાદ જ ઘટનાની હકીકત સ્પષ્ટ થશે.
આ પણ વાંચોઃ Morbi Suicide Case: મોરબીમાં વ્યાજના ત્રાસથી યુવાનનો આપઘાત, બે આરોપીની ધરપકડ, જાણો હચમચાવતી ઘટના
આ પણ વાંચોઃ Jamnagar ના ખ્યાતનામ બિલ્ડરના મૃત્યુ કેસમાં 1 વર્ષ બાદ મોટો વળાંક, આકસ્મિક નહીં પરંતુ...!
