Sabarkantha News: પોળો ફોરેસ્ટમાં નદીમાં ડૂબી જતા બે યુવકના મોત, એકનો જીવ બચ્યો

ત્રણમાંથી બે યુવકના મોત

ઘટનાની જાણ થતા જ સ્થાનિક તંત્ર અને ફાયર બ્રિગેડ (Fire Brigade) ની ટીમ તાત્કાલિક ઘટનાસ્થળે દોડી આવી હતી. બચાવ કામગીરી દરમિયાન નદીમાં ડૂબી રહેલા ત્રણ યુવકો પૈકી એક યુવાનનો સમયસર બચાવ કરવામાં સફળતા મળી હતી, જેને સુરક્ષિત રીતે બહાર કાઢવામાં આવ્યો હતો. જોકે, અન્ય બે યુવકો નદીના ઊંડા પાણીમાં લાપતા થઈ ગયા હતા. ફાયર બ્રિગેડની ટીમે ભારે જહેમત બાદ બંને યુવાનોના મૃતદેહ (Dead Bodies) શોધી કાઢીને નદીમાંથી બહાર કાઢ્યા હતા.

વિજયનગર પોલીસે તપાસ હાથ ધરી

આ ઘટના બાદ વિજયનગર પોલીસ (Vijaynagar Police) નો કાફલો તુરંત ઘટનાસ્થળે પહોંચી ગયો હતો. પોલીસે મૃતદેહોને પોસ્ટમોર્ટમ માટે મોકલી આપીને આગળની કાયદેસરની કાર્યવાહી હાથ ધરી છે. પ્રાથમિક તપાસમાં બે મૃતક યુવક અરવલ્લીના ટીંટોઈ વિસ્તારના રહેવાસી હોવાનું જાણવા મળ્યું છે. રવિવાર કે રજાના દિવસે ફરવા માટે આવતા પ્રવાસીઓ માટે આ ઘટના એક મોટી ચેતવણી સમાન છે, જેણે સ્થાનિક લોકોમાં શોકનું મોજું ફેલાવી દીધું છે.

આ પણ વાંચોઃ Vadodara Breaking: માંજલપુર વિધાનસભાની પેટા ચૂંટણી લડવા કોંગ્રેસે ભીખાભાઈ રબારીને આપી ટિકિટ

આ પણ વાંચોઃ Kheda: સિંહ હુમલામાં મોતને ભેટલા બાળકનો મૃતદેહ મોદજ ગામે લવાયો, કરાયા અંતિમ સંસ્કાર, પરિવારમાં ભારે આક્રંદ