Sabarkantha News:કંકોડા વીણવાની લ્હાયમાં યુવકે જીવ ગુમાવ્યો, ખેતરમાં 24 કલાક કરંટ મૂકવાનો આક્ષેપ

Sabarkantha માં કંકોડા વીણવા ગયેલ યુવક નુ કરંટ લાગતા મોત

પ્રાપ્ત વિગતો અનુસાર, યુવક ખેતરમાં કંકોડા વીણવા માટે ગયો હતો, પરંતુ મોડી રાત સુધી તે પોતાના ઘરે પરત ફર્યો ન હતો. યુવક લાંબા સમય સુધી ઘરે ન પહોંચતા પરિવારજનો ચિંતામાં મૂકાયા હતા અને તેની ભારે શોધખોળ હાથ ધરી હતી. પરિવારજનોએ તપાસ કરતા પીપળીયા ગામે આવેલા એક ખેતરમાંથી યુવકનો શંકાસ્પદ હાલતમાં મૃતદેહ મળી આવ્યો હતો.

યુવકનું વીજ કરંટથી મૃત્યુ  થયું હોવાનું અનુમાન

ઘટનાની જાણ થતા જ ગાંભોઈ પોલીસ સ્ટેશનનો કાફલો તાત્કાલિક ઘટના સ્થળે દોડી ગયો હતો અને મૃતદેહનો કબજો મેળવીને આગળની તપાસ હાથ ધરી હતી. પોલીસના પ્રાથમિક તારણ મુજબ યુવકનું મૃત્યુ વીજ કરંટ લાગવાથી થયું હોવાનું અનુમાન લગાવવામાં આવી રહ્યું છે.

સ્થાનિકોમાં ભારે રોષ

બીજી બાજુ, આ ઘટનાને લઈને સ્થાનિક લોકોમાં ભારે રોષ જોવા મળી રહ્યો છે. સ્થાનિકોએ ગંભીર આક્ષેપ કરતા જણાવ્યું છે કે આ ખેતરમાં અવારનવાર અથવા  24 કલાક ખુલ્લો કરંટ મૂકવામાં આવતો હતો, જેના કારણે આ ગંભીર દુર્ઘટના સર્જાઈ છે. હાલ તો પોલીસે આ માને લઈને ઊંડાણપૂર્વક તપાસ શરૂ કરી છે.

આ પણ વાંચો: Jamnagar News: હોમગાર્ડ જવાનની નજર ચૂકવી ચાલુ બાઈક પરથી કુદીને ભાગ્યો કુખ્યાત આરોપી મીતલો બારીયા