ઉનામાં લોહીયાળ રાજકારણ: આપ નેતા Ajay Bambhaniya પર અજાણ્યા શખ્સો દ્વારા ફાયરિંગ
ઉનામાં AAPના ઉમેદવાર Ajay Bambhaniya પર ફાયરિંગ
અજાણ્યા શખ્સોએ વકીલ અજય બાંભણિયા પર ચલાવી ગોળી
ઈજાગ્રસ્ત અજયભાઈને સારવાર માટે એેપેક્ષ હોસ્પિટલ ખસેડાયા
ઉનાના ધારાસભ્ય કે.સી. રાઠોડ સામે કરાયા ગંભીર આક્ષેપો
ભોગ બનનાર અજય બાંભણિયા છે ધારાસભ્યના જ કુટુંબી
અગાઉ ધારાસભ્યના વીડિયો જાહેર કરવા બાબતે વિવાદમાં હતા
Firing on Ajay Bambhaniya: ગીર સોમનાથ (Gir Somnath) જિલ્લાના ઉના (Una) શહેરમાં આજે એક ચોંકાવનારી ઘટના સામે આવી છે, જેમાં આમ આદમી પાર્ટી (AAP) ના ઉમેદવાર અને જાણીતા વકીલ અજય બાંભણિયા (Ajay Bambhaniya) પર અજાણ્યા હુમલાખોરો દ્વારા ગોળીબાર કરવામાં આવ્યો છે. આ હુમલાને પગલે સમગ્ર પંથકમાં ચકચાર મચી જવા પામી છે.
વકીલ અજય બાંભણિયા હોસ્પિટલમાં દાખલ
પ્રાપ્ત વિગતો અનુસાર, અજય બાંભણિયા (Ajay Bambhaniya) જ્યારે પોતાના કામમાં વ્યસ્ત હતા, ત્યારે અચાનક અજાણ્યા શખ્સોએ આવીને તેમના પર ગોળીઓ ચલાવી હતી. આ ગંભીર હુમલામાં ઈજાગ્રસ્ત થયેલા અજયભાઈને તાત્કાલિક સારવાર માટે ઉના (Una) સ્થિત એપેક્ષ હોસ્પિટલ (Apex Hospital) ખાતે ખસેડવામાં આવ્યા છે, જ્યાં તેમની હાલત સ્થિર હોવાનું જાણવા મળી રહ્યું છે.
ધારાસભ્ય સાથે જૂનો વિવાદ
આ ઘટના બાદ રાજકીય ગરમાવો તેજ બન્યો છે. ભોગ બનનાર અજય બાંભણિયા (Ajay Bambhaniya) એ ઉના (Una) ના ભાજપના ધારાસભ્ય (MLA) કે.સી. રાઠોડ (K.C. Rathod) પર ગંભીર આક્ષેપો કર્યા છે. નોંધનીય છે કે, અજય બાંભણિયા (Ajay Bambhaniya) સ્વયં ધારાસભ્યના જ કુટુંબી છે. અગાઉ, ધારાસભ્ય (MLA) નો એક વિવાદાસ્પદ વીડિયો જાહેર કરવાને લઈને બંને પક્ષો વચ્ચે ઘર્ષણ થયું હતું. તે સમયે પણ આ મામલે ખૂબ ચર્ચાઓ જાગી હતી.
પોલીસ તપાસનો ધમધમાટ
ઘટનાની જાણ થતા જ ઉના (Una) પોલીસનો કાફલો તાત્કાલિક ઘટનાસ્થળે અને હોસ્પિટલે પહોંચી ગયો હતો. પોલીસે હુમલાખોરોને પકડવા માટે તપાસના ચક્રો ગતિમાન કર્યા છે. આસપાસના સીસીટીવી (CCTV) ફૂટેજ પણ તપાસવામાં આવી રહ્યા છે. સ્થાનિક લોકોમાં આ ઘટનાને લઈને ભારે રોષ જોવા મળી રહ્યો છે. લોકોએ આ હુમલા પાછળ રાજકીય ઈશારો હોવાની આશંકા વ્યક્ત કરી છે. હાલ તો હોસ્પિટલની બહાર મોટી સંખ્યામાં કાર્યકરો અને સમર્થકો એકઠા થઈ ગયા છે. આ હુમલો પૂર્વ-આયોજિત કાવતરાનો ભાગ છે કે કેમ, તે તો પોલીસ તપાસ બાદ જ સ્પષ્ટ થશે, પરંતુ આ ઘટનાએ રાજકારણમાં ગંભીર સવાલો ઉભા કર્યા છે.
આ પણ વાંચો: Gujarat Elections 2026: યુવા નેતાથી માંડીને સોશિયલ મીડિયા સ્ટાર્સ સુધી, કયા ચહેરાઓ બન્યા ચર્ચાનું કેન્દ્ર?