Asian Games 2026 : એશિયન ગેમ્સ 2026 ના 14મા દિવસે ભારતીય રમતવીરોએ અખાડામાં ભવ્ય ઈતિહાસ રચી દીધો છે. પુરૂષોની 57 કિગ્રા ફ્રીસ્ટાઇલ કેટેગરીની રોમાંચક ફાઇનલમાં અમન સેહરાવતે શાનદાર પ્રદર્શન કરતાં ઉત્તર કોરિયાના વર્લ્ડ નંબર 1 પહેલવાન ચોંગ સોંગને 11-7 થી પરાજય આપીને ભારતને 20મો ગોલ્ડ મેડલ અપાવ્યો છે.
એશિયન ગેમ્સ 2026 માં 14મો દિવસ સુવર્ણમય: ભારતની જોળીમાં 20મો ગોલ્ડ મેડલ
એશિયન ગેમ્સ 2026 માં ભારતીય દળ માટે 14મો દિવસ અત્યંત યાદગાર સાબિત થયો છે. કુશ્તીના મેટ પર ભારતીય ધ્વજ ફરી એકવાર સૌથી ઊંચો લહેરાયો છે. પુરૂષોની 57 કિગ્રા ફ્રીસ્ટાઇલ કુશ્તીના હાઇ-વોલ્ટેજ ફાઇનલ મુકાબલામાં ભારતના યુવા સ્ટાર અમન સેહરાવતે પોતાની આક્રમક ટેકનિક અને અડગ મનોબળથી સમગ્ર દેશને ગૌરવાનવિત કર્યો છે.
આ ગોલ્ડ મેડલ સાથે ભારતે આ એડિશનમાં કુલ 20 ગોલ્ડ, 26 સિલ્વર અને 36 બ્રોન્ઝ સાથે પોતાના મેડલ અભિયાનને નવી ઊંચાઈ આપી છે.
aman sehrawat asian games 2026 wrestling gold medal: છેલ્લા 60 સેકન્ડનો હાઇ-વોલ્ટેજ ડ્રામા અને કાઉન્ટર એટેક
ફાઇનલ મુકાબલો શ્વાસ થંભાવી દે તેવો રોમાંચક રહ્યો હતો. અમન સેહરાવતે મેચની શરૂઆતમાં જ 2-0 ની લીડ મેળવીને વિરોધી પર દબાણ બનાવી દીધું હતું. જોકે ઉત્તર કોરિયાના વર્લ્ડ નંબર 1 રેસલર ચોંગ સોંગે ચોથી અને પાંચમી મિનિટે આક્રમક વળતો પ્રહાર કરીને અમનને થકવી નાખ્યો હતો અને 7-6 ની સરસાઈ મેળવી લીધી હતી.
ટર્નિંગ પોઇન્ટ અને રેફરી ચેલેન્જ:
છેલ્લી 1 મિનિટ: મેચ સમાપ્ત થવાને માત્ર 60 સેકન્ડ બાકી હતી અને ચોંગ સોંગ 7-6 થી આગળ ચાલી રહ્યા હતા.
શાનદાર કાઉન્ટર એટેક: કોરિયન રેસલરે અમનને ટેકડાઉન કરવાનો આક્રમક પ્રયાસ કર્યો, પરંતુ અમને સમયસૂચકતા વાપરી અદભૂત કાઉન્ટર એટેક કર્યો અને નિર્ણાયક 2 પોઇન્ટ્સ પોતાના નામે કર્યા.
નિષ્ફળ વિરોધ: ઉત્તર કોરિયાના કોચિંગ સ્ટાફે રેફરીના નિર્ણય સામે રિવ્યૂ લીધો, પરંતુ ચેલેન્જ નિષ્ફળ જતાં નિયમ મુજબ અમનને વધુ પોઈન્ટ્સ મળ્યા.
વિજયી સ્કોર: આખરે અમન સેહરાવતે 11-7 ના શાનદાર સ્કોર સાથે ગોલ્ડ મેડલ પોતાને નામ કરી લીધો.
2022 ના બ્રોન્ઝથી 2026 ના ગોલ્ડ સુધીની અદભૂત સફર: અધૂરું સપનું થયું સાકાર
ગત 2022 ની એશિયન રમતોમાં અમન સેહરાવતને સેમિફાઇનલમાં હાર બાદ બ્રોન્ઝ મેડલથી સંતોષ માનવો પડ્યો હતો. તે સમયે ગોલ્ડ ન જીત્યાનો વસવસો અમનના મનમાં સતત રહ્યો હતો. છેલ્લા ચાર વર્ષો દરમિયાન અથાક મહેનત, કડક ફિટનેસ શિસ્ત અને વિશ્વસ્તરીય વિરોધીઓ સામેની તૈયારીઓનું સુખદ પરિણામ આ વખતે મેટ પર જોવા મળ્યું છે. વર્લ્ડ નંબર 1 પહેલવાનને હરાવી પોડિયમના ટોચના સ્થાને પહોંચી અમને પોતાની જૂની કસર વ્યાજ સહિત પૂરી કરી છે.
સુજીત કલકલ પછી અમનનો કમાલ: ભારતીય રેસલિંગ જગતમાં સુવર્ણ યુગનો પ્રારંભ
એશિયન ગેમ્સમાં ભારતીય રેસલિંગ માટે આ ટૂર્નામેન્ટ અત્યંત યાદગાર બની ગઈ છે. અમનના આ ગોલ્ડ પહેલાં 65 કિગ્રા કેટેગરીમાં સુજીત કલકલે તાજિકિસ્તાનના અબ્દુલમાઝિદ કુદિએવ સામે 2-9 થી પાછળ રહ્યા બાદ ચમત્કારિક વાપસી કરીને 10-9 થી ગોલ્ડ મેડલ જીત્યો હતો.
સુજીતના એ ઐતિહાસિક મુકાબલા બાદ અમન સેહરાવતે દેશને કુશ્તીમાં બીજો ગોલ્ડ મેડલ અપાવીને પુરવાર કર્યું છે કે ભારતીય કુશ્તીમાં હવે યુવા પેઢી વૈશ્વિક મંચ પર રાજ કરવા સંપૂર્ણ સક્ષમ બની ચૂકી છે.
આ પણ વાંચો : Asian Games 2026 INDvsPAK : ટીમ ઇન્ડિયાએ રચ્યો ઇતિહાસ, પાકિસ્તાનને ફરી ઘમરોળ્યું, જીત્યો Gold મેડલ
