આ મુકાબલામાં પ્લેઇંગ-11માં સામેલ તમામ 11 ખેલાડીઓએ એકસાથે ભારત તરફથી અંડર-19 વનડેમાં ડેબ્યૂ (Debut) કર્યું છે. એટલે કે મેદાન પર ભારતની તદ્દન નવી અને યુવા સેના (Young Army) ઉતરી છે. આ આખી નવી ટીમમાં સૌથી મોટું અને ચર્ચાસ્પદ નામ ભારતના દિગ્ગજ બેટ્સમેન અને પૂર્વ હેડ કોચ રાહુલ દ્રવિડના નાના પુત્ર અન્વય દ્રવિડનું છે, જેમણે બ્લુ જર્સીમાં પોતાની નવી શરૂઆત કરી છે.

પિતાના પગલે ચાલ્યો અન્વય દ્રવિડ

કેપ્ટન યશવર્ધન ચૌહાણની આગેવાની હેઠળની આ ટીમમાં અન્વય દ્રવિડનો વિકેટકીપર-બેટ્સમેન (Wicketkeeper-Batsman) તરીકે સમાવેશ કરવામાં આવ્યો છે. અન્વયે સ્થાનિક (Domestic Cricket) અને જુનિયર લેવલના ક્રિકેટમાં છેલ્લા કેટલાક સમયથી સતત શાનદાર પ્રદર્શન (Performance) કર્યું છે, જેના ઇનામ સ્વરૂપે તેની ભારતીય અંડર-19 ટીમમાં પસંદગી (Selection) થઈ છે. રાહુલ દ્રવિડના મોટા પુત્ર સમિત દ્રવિડ પહેલેથી જ ક્રિકેટ સર્કિટમાં સારું નામ કમાઈ રહ્યા છે, અને હવે નાના પુત્ર અન્વયે પણ દેશનું પ્રતિનિધિત્વ (Representation) કરીને દ્રવિડ પરિવારના ક્રિકેટ વારસાને (Legacy) આગળ ધપાવ્યો છે.

તમામ 11 ખેલાડીઓનું એકસાથે અનોખું ડેબ્યૂ

ક્રિકેટ જગતમાં એવું બહુ ઓછું જોવા મળે છે જ્યારે કોઈ મેચમાં આખેઆખી ટીમ જ એકસાથે ડેબ્યૂ કરી રહી હોય. આપને જણાવી દઈએ કે, ભારતીય અંડર-19 ટીમ હાલમાં શ્રીલંકાના પ્રવાસે (Sri Lanka Tour) છે, જ્યાં બંને ટીમો વચ્ચે 3 મેચની વનડે સિરીઝ (ODI Series) રમાઈ રહી છે. આ સિરીઝ પૂરી થયા બાદ બંને દેશોના યુવા ખેલાડીઓ વચ્ચે 2 યુથ ટેસ્ટ મેચ (Youth Test Matches) પણ રમાશે. ક્રિકેટ ચાહકોને (Fans) આશા છે કે રાહુલ દ્રવિડની જેમ જ તેમનો પુત્ર અને દેશના આ અન્ય યુવા સિતારાઓ શ્રીલંકાની ધરતી પર દમદાર પ્રદર્શન કરીને ભારતનો ધ્વજ લહેરાવશે.

ભારતની પ્લેઇંગ-11

યશવર્ધન ચૌહાણ (કેપ્ટન), લક્ષ્ય રાયચંદાની, સાગર વિર્ક, કુશાગ્ર ઓઝા, અન્વય દ્રવિડ (વિકેટકીપર), યશવીર ગૌડ, અર્જુન રાજપૂત, શાવિન વિનોદ, મોહિત ઉલ્વા, કાવ્ય પરેશ પટેલ અને રોહિત યાદવ.

આ પણ વાંચો : Vaibhav Suryavanshi New Chapter: વૈભવ સૂર્યવંશીનું ટીમ ઇન્ડિયામાં ડેબ્યૂ નક્કી? 'New Chapter' પોસ્ટથી ફેન્ચમાં વધ્યો ઉત્સાહ