• સંજુ સેમસને Dhoni નામની જર્સી કેમ પહેરી? કારણ ચોંકાવનારું
• સંજુ સેમસનની સદીથી Team India નું ટેન્શન વધ્યું
• કેરળ લીગમાં સંજુ સેમસનની તોફાની બેટિંગ
• સંજુની જર્સી પર 'Dhoni' નામ જોઈ ચાહકો આશ્ચર્યચકિત 

Sanju Samson wears a jersey with Dhoni name on it : Asia Cup 2025 ને હવે ગણતરીના દિવસો બાકી છે, ત્યારે ભારતીય ક્રિકેટ સ્ટાર સંજુ સેમસન ફરી એકવાર ચર્ચામાં આવી ગયો છે. કેરળ ક્રિકેટ લીગ (KCL) 2025 દરમિયાન તેણે એવી ઇનિંગ્સ રમી કે ચાહકો મંત્રમુગ્ધ થઈ ગયા. સાથે જ તેની જર્સી પર લખાયેલું એક નામ—'Dhoni'—પણ ખાસ ચર્ચાનો વિષય બની ગયું. આ નામ પાછળની હકીકત જાણીને અનેક ચાહકોને આશ્ચર્ય લાગ્યું છે. તો આવો જાણીએ આ પાછળનું કારણ શું છે?

તિરુવનંતપુરમના ગ્રીનફિલ્ડ સ્ટેડિયમમાં ઐતિહાસિક ઇનિંગ્સ

25 ઓગસ્ટ 2025ના રોજ KCL માં કોચી બ્લુ ટાઇગર્સ અને એરીઝ કોલ્લમ સેઇલર્સ વચ્ચેનો મુકાબલો થયો હતો. તિરુવનંતપુરમના ગ્રીનફિલ્ડ ઇન્ટરનેશનલ સ્ટેડિયમમાં યોજાયેલી આ મેચમાં 11 હજારથી વધુ ચાહકો હાજર રહ્યા હતા. સંજુ સેમસને બ્લુ ટાઇગર્સ માટે રમતા તોફાની સદી ફટકારી. 51 બોલમાં તેણે 121 રન બનાવ્યા, જેમાં 14 ચોગ્ગા અને 7 છગ્ગાનો સમાવેશ હતો. આ ઇનિંગ્સ એટલી જોરદાર રહી કે આખું સ્ટેડિયમ સંજુના નામે ગૂંજી ઉઠ્યું. આ મેચ માત્ર સંજુની સદી માટે જ નહીં, પણ તેના રોમાંચક અંત માટે પણ યાદગાર બની. કોચી બ્લુ ટાઇગર્સે છેલ્લો બોલ રમતા જ જીત મેળવી. આ જીતમાં સંજુની ઇનિંગ્સ મુખ્ય ભૂમિકા ભજવી ગઈ.

કોચી બ્લુ ટાઇગર્સનો સૌથી મોંઘો ખેલાડી

કેરળમાં સંજુ સેમસનને સૌથી મોટો ક્રિકેટ સ્ટાર માનવામાં આવે છે. KCL 2025ની હરાજીમાં તેને કોચી બ્લુ ટાઇગર્સે રેકોર્ડ 26.75 લાખ રૂપિયામાં ખરીદ્યો હતો. આ કારણે તે લીગનો સૌથી મોંઘો ખેલાડી બન્યો છે. તેની ટીમની કેપ્ટનશીપ તેના મોટા ભાઈ સેલી સેમસન સંભાળી રહ્યા છે, જ્યારે સંજુ બેટિંગથી ટીમ માટે મહત્ત્વની ભૂમિકા ભજવી રહ્યો છે.

Dhoni નામની જર્સી પહેરી તો ઊભા થયા પ્રશ્નો

સંજુની ઇનિંગ જેટલી ચર્ચામાં રહી, તેટલી જ ચર્ચા તેની જર્સી પર લખાયેલા 'Dhoni' નામને લઈને પણ થઈ. સોશિયલ મીડિયામાં ચાહકો વચ્ચે પ્રશ્નો ઉઠવા લાગ્યા કે શું આનો કોઈ સીધો સંબંધ મહેન્દ્ર સિંહ ધોની સાથે છે? શું સંજુ ખાસ ટ્રિબ્યુટ આપી રહ્યો છે? અસલમાં આ 'Dhoni' નામ ખેલાડીની વ્યક્તિગત પસંદગી નહોતું, પરંતુ કોચી બ્લુ ટાઇગર્સનો સત્તાવાર સ્પોન્સર છે. ટીમની જર્સી પર 'Dhoni App'નો લોગો છપાયેલો છે, જે દરેક ખેલાડી પહેરે છે. તેથી સંજુની જર્સી પર પણ આ લોગો જોવા મળ્યો.

Dhoni App શું છે?

'ધોની એપ' પૂર્વ ભારતીય કેપ્ટન એમ.એસ. ધોની દ્વારા લોન્ચ કરાયેલું એક વિશેષ પ્લેટફોર્મ છે. આ એપ ચાહકોને તેમના પ્રિય ખેલાડી ધોની સાથે વધુ નજીક લાવવાનો પ્રયત્ન કરે છે. અહીં ધોનીના જીવનની ખાસ ક્ષણો, સ્મૃતિઓ અને અપડેટ્સ શેર થાય છે. સોશિયલ મીડિયા જેવી જ રીતથી આ એપ કામ કરે છે, પરંતુ તેનો ફોકસ માત્ર ધોનીના ફેન્સ પર છે. હાલ આ એપ ગૂગલ પ્લે સ્ટોર અને એપલ એપ સ્ટોર પર મફત ડાઉનલોડ કરી શકાય છે. એક તરફ સંજુની ઐતિહાસિક સદી અને બીજી તરફ જર્સી પર 'Dhoni' નામ—બન્નેએ આ મેચને ખાસ બનાવી દીધી. ચાહકો માટે આ એક ડબલ ઉત્સાહનો વિષય રહ્યો. સંજુની બેટિંગ અને ધોની સાથેનો અપ્રત્યક્ષ જોડાણ, બંનેને લઈને સોશિયલ મીડિયા પર ચર્ચાઓનો માહોલ સર્જાયો.

સંજુ સેમસનની તોફાની ઇનિંગ્સે ટીમ ઈન્ડિયાને મૂંઝવણમાં નાખી

સંજુ સેમસન તાજેતરમાં કેરળ ક્રિકેટ લીગમાં રમેલી પોતાની વિસ્ફોટક સદી બાદ ફરી ચર્ચામાં આવ્યો છે અને તેના આ ફોર્મે ટીમ ઈન્ડિયાને નવી મૂંઝવણમાં નાખી છે. છેલ્લા એક વર્ષથી તે અભિષેક શર્મા સાથે ટીમ માટે ઓપનિંગ કરી રહ્યો છે અને આ જોડી સફળ સાબિત થઈ છે, પરંતુ શુભમન ગિલની વાપસી પછી પરિસ્થિતિ બદલાઈ રહી છે.

તોફાની ઇનિંગ્સે સાબિત કર્યું શું છે સંજુનું મહત્વ

મીડિયા રિપોર્ટ્સ મુજબ, આવનારી મેચોમાં ગિલને ઓપનર તરીકે મોકલવામાં આવી શકે છે, જેના કારણે સેમસનનું સ્થાન જોખમમાં છે. તેમ છતાં, તાજેતરની આ તોફાની ઇનિંગ્સે સાબિત કરી દીધું છે કે તેને બહાર રાખવો સહેલો નથી અને તે હજી પણ ટીમ માટે મહત્વનો વિકલ્પ બની શકે છે. હવે નજરો 9 સપ્ટેમ્બરથી શરૂ થનારા Asia Cup પર છે, જ્યાં ભારત 10 સપ્ટેમ્બરે પોતાની પહેલી મેચ રમશે અને તે સમયે સંજુની ભૂમિકા શું રહેશે એ જોવાનું રસપ્રદ બનશે.

આ પણ વાંચો :   Asia Cup 2025 પહેલા ક્રિકેટ જગતથી આવ્યા ખરાબ સમાચાર, આ ક્રિકેટરનું અકસ્માતમાં નિધન