દિગ્ગજ ક્રિકેટર Brain Fever માં સપડાયો, આ લક્ષણો અવગણવા જોખમી
- ઓસ્ટ્રેલિયાના ક્રિકેટરને લઇને માઠા સમાચાર સામે આવ્યા
- ડેમિયન માર્ટિનને ગંભીર હાલતમાં દાખલ કરવામાં આવ્યા
- બ્રેઇન ફિવર જીવને મોટું જોખમ ઉભુ કરી શકે છે
Cricketer Suffering Brain Fever : શું તમે ક્યારેય મેનિન્જાઇટિસ (Meningitis - Brain Fever) વિશે સાંભળ્યું છે ? નહીં, તો ચાલો તમને જણાવી દઈએ કે, તે એક જીવલેણ અને ગંભીર રોગ છે. તાજેતરમાં અહેવાલમાં સામે આવ્યું કે, ઓસ્ટ્રેલિયાના પૂર્વ બેટ્સમેન ડેમિયન માર્ટિન મેનિન્જાઇટિસથી (Bain Fever) પીડાઈ રહ્યા છે. એવું કહેવામાં આવી રહ્યું છે કે, ક્રિકેટરને કોમામાં સારવાર હેઠળ મૂકવામાં આવ્યો છે. જો તમે હજુ પણ આ રોગથી અજાણ છો, તો તમારે ચોક્કસપણે કેટલાક લક્ષણો વિશે જાણવું જોઈએ, જે આ જીવલેણ બીમારી સૂચવી શકે છે.
મેનિન્જાઇટિસ શું છે ?
આરોગ્ય નિષ્ણાતોના મતે, મેનિન્જાઇટિસ ત્યારે થાય છે, જ્યારે મગજ અને કરોડરજ્જુને આવરી લેતી પટલ, મેનિન્જીસમાં સોજો આવે છે. આ બળતરા બેક્ટેરિયલ, વાયરલ અથવા ફંગલ ચેપને કારણે થઈ શકે છે. વધુમાં, ઇજાઓ અથવા ચોક્કસ દવાઓ પણ આ જીવલેણ રોગનું કારણ બની શકે છે.
મગજના તાવના લક્ષણો આ રહ્યા
જો તમને અસહ્ય માથાનો દુખાવો થઈ રહ્યો છે, તો તમને મેનિન્જાઇટિસ અથવા મગજનો તાવ થયો હોઈ શકે છે. વધારે તાવ પણ આ રોગની નિશાની હોઈ શકે છે. વધુમાં, ઉબકા અને મૂંઝવણ જેવા લક્ષણોને અવગણવા, તેમને નાના માનવા, તમારા સ્વાસ્થ્ય માટે હાનિકારક હોઈ શકે છે, કારણ કે, આ લક્ષણો મગજના તાવથી પીડાતા દર્દીઓ જોડે મળતા આવે છે.
ગરદનમાં જડતાને અવગણશો નહીં
શું તમને તમારી ગરદનમાં જડતા લાગે છે? જો હા, તો આ લક્ષણ મેનિન્જાઇટિસ, એટલે કે મગજના તાવ તરફ પણ ઈશારો કરી શકે છે. તમારે તમારી દાઢીને છાતી સુધી લાવવાનો પ્રયાસ કરવો જોઈએ. જો દાઢી છાતી સુધી પહોંચી શકતી નથી, તો મેનિન્જાઇટિસ થવાની શક્યતા વધી જાય છે. જો શરીરમાં આવા લક્ષણો એકસાથે દેખાય છે, તો વ્યક્તિએ તાત્કાલિક સાવધાન થઇ જવું જોઇએ, નહીં તો તમારે ગંભીર પરિણામોનો સામનો કરવો પડી શકે છે.
Disclaimer : આ લેખમાં દર્શાવેલ ટિપ્સ, સૂચનો અને માહિતી માત્ર સામાન્ય માહિતીના હેતુ માટે છે, અને તેને વ્યાવસાયિક તબીબી સલાહ તરીકે સમજવી જોઈએ નહીં. Gujarat First News તેની સત્યતા, ચોકસાઈ અને અસરકારકતા માટે જવાબદારી લેતું નથી. કોઈપણ પ્રશ્નો અથવા ચિંતાઓ માટે હંમેશા તમારા નિષ્ણાંત ડોક્ટરની સલાહ લો.
આ પણ વાંચો ------- સલમાનની પાર્ટીમાં ધોનીની કારમાં શું દેખાયું? વાયરલ વીડિયોએ સોશિયલ મીડિયા ગજવ્યું