મહિલા ક્રિકેટ માટે BCCI નું મોટું પગલું! 3 નિષ્ણાત મહિલા કોચની નિમણૂક
- મહિલા ક્રિકેટ માટે BCCI નો ઐતિહાસિક નિર્ણય
- મહિલા ક્રિકેટને મળશે 3 નિષ્ણાત મહિલા કોચ
- મહિલા ખેલાડીઓને હવે મળશે સ્પેશિયલ કોચિંગ
ભારતીય ક્રિકેટ કંટ્રોલ બોર્ડ (BCCI – Board of Control for Cricket in India) એ મહિલા ક્રિકેટ (Women’s Cricket)ને વધુ મજબૂત અને વ્યાવસાયિક બનાવવા માટે એક ઐતિહાસિક નિર્ણય લીધો છે. BCCI એ બેંગલુરુ (Bengaluru) સ્થિત સેન્ટર ઓફ એક્સેલન્સ (Centre of Excellence) ખાતે પ્રથમ વખત 3 નિષ્ણાત મહિલા કોચ (Specialist Women Coaches) ની નિમણૂક કરી છે. આ પગલું મહિલા ક્રિકેટના વિકાસ માટે ખૂબ મહત્વપૂર્ણ માનવામાં આવી રહ્યું છે. BCCI દ્વારા નુશીન અલ ખાદીર (Nooshin Al Khadeer) ને બોલિંગ કોચ (Bowling Coach), સુનેત્રા પરાંજપે (Sunetra Paranjpe) ને બેટિંગ કોચ (Batting Coach) અને વી. રામુ વનિતા (V. Ramu Vanitha) ને ફિલ્ડિંગ કોચ (Fielding Coach) તરીકે નિયુક્ત કરવામાં આવ્યા છે. મહિલા ક્રિકેટરો માટે આ પ્રકારની સ્પેશિયાલિસ્ટ કોચિંગ વ્યવસ્થા પહેલીવાર શરૂ થઈ છે.
નુશીન અલ ખાદીર બન્યા બોલિંગ કોચ
પૂર્વ ભારતીય મહિલા ક્રિકેટર નુશીન અલ ખાદીરે ભારત માટે 78 વનડે (ODI) મેચમાં 100 વિકેટ ઝડપી હતી. ઉપરાંત, તેણીએ 5 ટેસ્ટ મેચમાં 14 વિકેટ લીધી હતી. 2 T20 આંતરરાષ્ટ્રીય (T20I) મેચમાં પણ તેણીએ 1 વિકેટ મેળવી હતી. જમણા હાથની ઓફ-સ્પિનર (Off Spinner) નુશીન 2003માં વિશ્વ નંબર-1 બોલર રહી ચૂકી છે. 2005ના મહિલા વર્લ્ડ કપ (Women’s World Cup) દરમિયાન તેણીનો ઇકોનોમી રેટ (Economy Rate) માત્ર 3.05 રહ્યો હતો અને ભારત ફાઇનલ સુધી પહોંચ્યું હતું. કોચ તરીકે પણ નુશીને ભારતીય મહિલા અંડર-19 ટીમને T20 વર્લ્ડ કપ જીતાડવામાં મહત્વની ભૂમિકા ભજવી હતી.
સુનેત્રા પરાંજપેને મળી બેટિંગ કોચની જવાબદારી - BCCI
મુંબઈમાં જન્મેલી સુનેત્રા પરાંજપેએ ભારત માટે 3 ટેસ્ટ અને 28 ODI મેચ રમી હતી. તેણીએ ODI ક્રિકેટમાં 322 રન બનાવ્યા હતા અને પોતાની કારકિર્દીમાં એક અડધી સદી નોંધાવી હતી. સાથે જ તેણીએ 11 વિકેટ પણ લીધી હતી. સુનેત્રાએ 2002માં આંતરરાષ્ટ્રીય ક્રિકેટમાં ડેબ્યૂ કર્યું હતું અને 2007માં છેલ્લી મેચ રમી હતી. હવે બેટિંગ કોચ તરીકે તેઓ યુવા મહિલા ખેલાડીઓને માર્ગદર્શન આપશે.
વી. રામુ વનિતા બન્યા ફિલ્ડિંગ કોચ
વી. રામુ વનિતા (V. Ramu Vanitha) ભૂતપૂર્વ ભારતીય મહિલા ક્રિકેટર છે. તેમણે ભારત માટે 6 ODI અને 16 T20I મેચ રમી હતી. ODIમાં 85 અને T20Iમાં 216 રન બનાવ્યા હતા. 32 વર્ષની ઉંમરે નિવૃત્તિ લીધા બાદ વનિતાએ કોચિંગ ક્ષેત્રમાં પ્રવેશ કર્યો હતો. તેમણે કર્ણાટકની મહારાજા ટ્રોફી (Maharaja Trophy)માં શિવમોગા લાયન્સ (Shivamogga Lions) નું કોચિંગ કર્યું હતું. ઉપરાંત, તેઓ RCB (Royal Challengers Bengaluru) ની મેન્સ સ્કાઉટ ટીમ અને મહિલા પ્રીમિયર લીગ (WPL – Women’s Premier League) માં ફિલ્ડિંગ કોચ તરીકે પણ કામ કરી ચૂક્યા છે.
View this post on Instagram
મહિલા ખેલાડીઓને શું ફાયદો થશે?
BCCIના આ ઐતિહાસિક નિર્ણયથી મહિલા ક્રિકેટરોને હવે વિશેષ અને વ્યાવસાયિક કોચિંગ મળશે. બોલિંગ, બેટિંગ અને ફિલ્ડિંગ માટે અલગ-અલગ નિષ્ણાત કોચ માર્ગદર્શન આપશે, જેના કારણે ખેલાડીઓની રમત વધુ મજબૂત બનશે. સાથે જ આ પગલું યુવા મહિલા ખેલાડીઓ અને મહિલા કોચ માટે પણ પ્રેરણારૂપ સાબિત થશે. છેલ્લા 5 વર્ષમાં BCCIએ મહિલા ક્રિકેટના વિકાસ માટે અનેક મહત્વપૂર્ણ પગલાં લીધાં છે.
છેલ્લા પાંચ વર્ષમાં મહિલા ક્રિકેટ માટે BCCI ના મોટા પગલાં
છેલ્લા પાંચ વર્ષમાં BCCIએ મહિલા ક્રિકેટને નવી ઊંચાઈ પર પહોંચાડવા અનેક ઐતિહાસિક પગલાં લીધાં છે. મહિલા પ્રીમિયર લીગ (WPL)ની શરૂઆતથી ખેલાડીઓને મોટું પ્લેટફોર્મ મળ્યું છે, જ્યારે મહિલા અને પુરુષ ક્રિકેટરોની મેચ ફી સમાન કરવામાં આવી છે. સાથે જ સેન્ટ્રલ કોન્ટ્રાક્ટ, ડોમેસ્ટિક ક્રિકેટમાં વધારેલી મેચ ફી, ગ્રાસરૂટ ટુર્નામેન્ટ અને હાઇ-પરફોર્મન્સ કેમ્પ જેવી સુવિધાઓથી મહિલા ક્રિકેટ વધુ મજબૂત બન્યું છે.
આ પણ વાંચો : IPL ની ટીમના આ 3 ખેલાડીઓ પર Yuvraj Singh ભડક્યા! ત્રણેયને ચપ્પલ મારવાની કહી વાત