• BCCI માં મોટો ફેરફાર થશે
• ઘણા પસંદગીકારોને બરતરફ કરવામાં આવશે
• નવા લોકોને તક મળશે, BCCIમાં 7 ખાલી જગ્યાઓ માટે ભરતી શરૂ

BCCI invites applications to fill vacant posts : ભારતીય ક્રિકેટ કંટ્રોલ બોર્ડ (BCCI)એ સિનિયર મેન્સ, વુમન્સ અને જુનિયર મેન્સ સિલેક્શન કમિટીઓમાં સિલેક્ટર પદો માટે કુલ 7 ખાલી જગ્યાઓ માટે અરજીઓ મંગાવી છે. લાયક ઉમેદવારો 10 સપ્ટેમ્બર 2025, સાંજે 5 વાગ્યા સુધી ઓનલાઈન અરજી કરી શકશે. બોર્ડની તરફથી અરજીની લિંક જાહેર કરવામાં આવી છે અને અરજી બાદ શોર્ટલિસ્ટિંગ–સ્ક્રીનિંગ પ્રક્રિયા પૂર્ણ થયા પછી ઉમેદવારોને ઇન્ટરવ્યુ માટે બોલાવવામાં આવશે.

સિનિયર પુરુષોની પસંદગી સમિતિ : 2 જગ્યાઓ, કડક પાત્રતા

સિનિયર મેન્સ સિલેક્શન કમિટીમાં 2 પદો માટે ભરતી થશે. આ સમિતિનો મુખ્ય હેતુ ભારતીય પુરુષ ક્રિકેટ ટીમની પસંદગી કરવો છે. ઉમેદવારો માટે પાત્રતા નીચે મુજબ છે:

• અરજદાર ખેલાડીએ ઓછામાં ઓછા 7 ટેસ્ટ અથવા 30 ફર્સ્ટ-ક્લાસ મેચ રમી હોવી જોઈએ; અથવા 10 ODI અને 20 ફર્સ્ટ-ક્લાસ મેચ રમી હોય.
• ઉમેદવાર ઓછામાં ઓછા 5 વર્ષ પહેલાં નિવૃત્ત થયો હોવો જોઈએ.
• BCCIની કોઈપણ ક્રિકેટ સમિતિમાં કુલ 5 વર્ષથી વધુ સભ્ય તરીકે કાર્યકાળ ન કર્યો હોય.

હાલની પુરુષોની પસંદગી પેનલમાં મુખ્ય પસંદગીકાર અજિત અગરકર સાથે શિવસુંદર દાસ, સુબ્રતો બેનર્જી, અજય રાત્રા અને એસ. શરત સામેલ છે. ઉલ્લેખનીય છે કે અજિત અગરકરનો કાર્યકાળ જૂન 2026 સુધી લંબાવવામાં આવ્યો છે.

BCCI માં મહિલા પસંદગી સમિતિ : 4 પદો

વુમન્સ સિલેક્શન કમિટીમાં 4 જગ્યાઓ માટે અરજીઓ માંગવામાં આવી છે. સમિતિના મુખ્ય કાર્યોમાં સામેલ છે:

• ભારતીય મહિલા ટીમ માટે ખેલાડીઓની પસંદગી.
• કોચ અને સપોર્ટ સ્ટાફની કામગિરીનું નિરીક્ષણ અને મૂલ્યાંકન અહેવાલ તૈયાર કરવો.
• લાંબા ગાળે ટીમ માટે મજબૂત બેંચ સ્ટ્રેન્થ વિકસાવવી.

પાત્રતા માટે શરતો:

• અરજદારે આંતરરાષ્ટ્રીય સ્તરે ભારતીય મહિલા ટીમનું પ્રતિનિધિત્વ કર્યું હોવું જોઈએ.
• ઓછામાં ઓછા 5 વર્ષ પહેલાં નિવૃત્તિ લીધી હોવી જોઈએ.
• BCCIની કોઈપણ ક્રિકેટ સમિતિમાં 5 વર્ષથી વધુ કાર્યકાળ ન હોવો જોઈએ.

જુનિયર પુરુષોની સમિતિ: 1 પદ

જુનિયર મેન્સ સિલેક્શન કમિટીમાં 1 જગ્યા માટે ભરતી થશે. આ સમિતિ અંડર-22 સ્તર સુધીની ટીમોની પસંદગી માટે જવાબદાર રહેશે. સાથે જ સમિતિ:

• જુનિયર ટુર્નામેન્ટનું આયોજન અને મોનિટરિંગ કરશે,
• ટીમ માટે કેપ્ટન અને સપોર્ટ સ્ટાફની નિમણૂકમાં સહભાગી રહેશે,
• યુવા ખેલાડીઓમાં નૈતિક મૂલ્યો અને વ્યાવસાયિકતાને પ્રોત્સાહન આપશે.

પાત્રતા શરતો:

• ઉમેદવારોને ઓછામાં ઓછા 25 ફર્સ્ટ-ક્લાસ મેચનો અનુભવ હોવો જોઈએ.
• 5 વર્ષ પહેલાંથી નિવૃત્ત હોવું જરૂરી.
• BCCIની કોઈપણ ક્રિકેટ સમિતિમાં કુલ 5 વર્ષથી વધુનો સભ્યપદ કાર્યકાળ ન કર્યો હોય.
• અરજી પ્રક્રિયા અને આગળની કડીઓ

ઉલ્લેખનીય છે કે, રસ દાખવતા ઉમેદવારોએ BCCI દ્વારા શેર કરેલી અધિકૃત લિંક મારફતે નક્કી સમયમર્યાદા પહેલાં અરજી કરવાની રહેશે. ત્યારબાદ બોર્ડ દ્વારા દસ્તાવેજોની ચકાસણી, શોર્ટલિસ્ટિંગ અને સ્ક્રીનિંગ થશે. યોગ્ય ઉમેદવારોને ઇન્ટરવ્યુ માટે બોલાવવામાં આવશે અને અંતે મેરિટ, અનુભવ અને દૃષ્ટિ આધારિત પસંદગી થશે.

આ પણ વાંચો :   Asia Cup 2025 : ટીમ ઈન્ડિયાના સિલેક્શન પર પાકિસ્તાની પૂર્વ ક્રિકેટરને કેમ પેટમાં દુખ્યું? જાણો શું કહ્યું