Cricket Retirement:ચેમ્પિયન્સ ટ્રોફી પહેલા ધાકડ ક્રિકેટરે કર્યુ સંન્યાસનું એલાન!
- શ્રીલંકાના ઓપનરે નિવૃત્તિની કરી જાહેરાત
- દિમુથ કરુણારત્ને તમામ ફર્મેટ માંથી નિવૃત્તિની
- આંતરરાષ્ટ્રીય કારકિર્દીની છેલ્લી ટેસ્ટ રમશે
Retirement: શ્રીલંકાના સૌથી સફળ ઓપનરોમાંના એક અને ભૂતપૂર્વ કેપ્ટન દિમુથ કરુણારત્ને (Dimuth Karunaratne Retirement) એ પોતાની 100મી ટેસ્ટ મેચ બાદ ક્રિકેટમાંથી નિવૃત્તિની(Retirement) જાહેરાત કરી છે. ગુરુવારથી ગાલે ઇન્ટરનેશનલ ક્રિકેટ સ્ટેડિયમ ખાતે શરૂ થનારી ઓસ્ટ્રેલિયા સામેની તેમની બીજી ટેસ્ટ તેમની આંતરરાષ્ટ્રીય કારકિર્દીની છેલ્લી ટેસ્ટ હશે. આ રીતે, 2012 માં ટેસ્ટ ડેબ્યૂ કરનાર કરુણારત્ને રમતના તમામ ફોર્મેટથી દૂર રહેશે.
દિમુથ કરુણારતનેનું ટેસ્ટ કરિયર
પોતાની શાનદાર કારકિર્દીમાં તેમણે 16 ટેસ્ટ સદી અને 39 અર્ધશતક ફટકાર્યા. આ રીતે, તેણે શ્રીલંકાના શ્રેષ્ઠ બેટ્સમેનોમાંના એક તરીકે પોતાનો વારસો છોડી દીધો છે. તેમણે ટીમ માટે 50 વનડે મેચોમાં પણ ભાગ લીધો અને 31 થી વધુની સરેરાશથી 1316 રન બનાવ્યા. આ ફોર્મેટમાં ઓપનિંગ બેટ્સમેને એક સદી અને 11 અડધી સદી ફટકારી હતી. તે ICC વર્લ્ડ કપ 2019 દરમિયાન ટીમનો કેપ્ટન પણ રહ્યો હતો.
🚨 DIMUTH KARUNARATNE RETIRING FROM CRICKET 🚨
- Karunaratne will be playing his 100th Test against Australia during the 2nd Test and he will be retiring from International cricket after the match. [Sportspavilion] pic.twitter.com/n3gt91FLx6
— Johns. (@CricCrazyJohns) February 4, 2025
આ પણ વાંચો-બાંગ્લાદેશમાં રૂપિયા ન મળતા બસ ડ્રાઈવરે ક્રિકેટરોનો સામાન પડાવી લીધો
કરુણારત્ને છેલ્લી ટેસ્ટમાં સદી ફટકારવા માંગશે
પોતાની 50 મી ટેસ્ટ મેચમાં સદી ફટકારવાનો રેકોર્ડ ધરાવતા દિમુથ કરુણારત્ને(Dimuth Karunaratne) ઓસ્ટ્રેલિયા સામેની આગામી ટેસ્ટમાં સદી ફટકારવા માટે તૈયારી કરી રહ્યો છે. તેણે કહ્યું કે જો તે સદી ફટકારે તો તે તેના માટે ખૂબ જ સારી વાત હશે. તેણે કહ્યું, 'માત્ર મારા 100મા ટેસ્ટમાં જ નહીં, પરંતુ હું દરેક મેચમાં સદી ફટકારવા અને મારી ટીમમાં યોગદાન આપવા માટે ઉત્સુક છું. જો હું મારી 100 મી ટેસ્ટમાં સદી ફટકારી શકું તો તે એક મોટી સિદ્ધિ હશે મારા માટે.
આ પણ વાંચો-ધનશ્રી સાથે ચીટિંગ કરી રહ્યા હતા યજુવેન્દ્ર ચહલ? જેણે કર્યું હતું પ્રપોઝ તે અભિનેત્રીએ કર્યો ખુલાસો
100 ટેસ્ટ રમવી એ એક મોટી સિદ્ધિ છે
દિમુથ કરુણારત્નેએ એમ પણ કહ્યું કે તે પોતાની કારકિર્દીથી સંતુષ્ટ છે અને તેની ટીમ માટે 100 ટેસ્ટ મેચ રમવી એ તેના માટે મોટી સિદ્ધિ છે. તેમણે આગળ કહ્યું, 'કોઈપણ ક્રિકેટરનું સ્વપ્ન 100 ટેસ્ટ રમવાનું અને 10,000 રન બનાવવાનું હોય છે.' આ એક મોટી સિદ્ધિ છે. જ્યારે તમે ક્રિકેટ રમવાનું શરૂ કરો છો, ત્યારે તમે તે લક્ષ્યો વિશે વિચાર્યું નથી. પરંતુ જેમ જેમ તમે રમવાનું ચાલુ રાખો છો તેમ તેમ તમારી સામે જુદા જુદા લક્ષ્યો આવે છે.