WTC 2027 Final: વર્લ્ડ ટેસ્ટ ચેમ્પિયનશિપ પર ICC મોટો નિર્ણય લેવાની તૈયારીમાં, ચોંકાવનારી અપડેટ આવી સામે

WTC ના ફાઈનલનું બદલાઈ શકે છે સ્થળ?

એક સમાચાર અહેવાલ મુજબ, આઈસીસી અને ઈંગ્લેન્ડ એન્ડ વેલ્સ ક્રિકેટ બોર્ડ (ECB) વચ્ચે હવે ફાઈનલ મેચ લોર્ડ્સને બદલે 'ધ ઓવલ' (The Oval) મેદાન પર યોજવા બાબતે ગંભીર ચર્ચાઓ ચાલી રહી છે. જોકે, હજુ સુધી આ અંગે કોઈ અંતિમ નિર્ણય લેવાયો નથી, પરંતુ વેન્યુ (Venue) બદલવા અંગેની ચર્ચાઓ ઘણા આગળના તબક્કે પહોંચી ગઈ છે.

WTC 2027 Final: લોર્ડ્સની પિચને કારણે ICC નારાજ

આ નિર્ણય પાછળનું મુખ્ય કારણ લોર્ડ્સની પિચ (Lord's Pitch) છે, જેના કારણે આઈસીસી નારાજ હોવાનું મનાય છે. તાજેતરમાં ઈંગ્લેન્ડ અને ન્યુઝીલેન્ડ વચ્ચે લોર્ડ્સ પર રમાયેલી ટેસ્ટ મેચ માત્ર બીજા જ દિવસે સમાપ્ત થઈ ગઈ હતી. આ પિચની ભારે ટીકા થઈ હતી અને ઈંગ્લેન્ડના કેપ્ટન બેન સ્ટોક્સ (Ben Stokes) પણ તેનાથી નાખુશ હતા. આઈસીસી દ્વારા તે મેચ બાદ લોર્ડ્સની પિચને એક 'ડિમેરિટ પોઈન્ટ' (Demerit Point) પણ આપવામાં આવ્યો હતો.

ફાઈલન 'ધ ઓવલ'  માં રમાય તેવી શક્યતા

અત્રે ઉલ્લેખનીય છે કે, 2021 ની ફાઈનલ સાઉધમ્પ્ટન (Southampton) માં રમાયી હતી, જ્યાં ન્યુઝીલેન્ડે ભારતને હરાવ્યું હતું. 2023 નો ફાઈનલ ઓવલના મેદાનમાં રમાયો હતો, જેમાં ઓસ્ટ્રેલિયા વિજેતા બન્યું હતું. જ્યારે WTC 2025 ની ફાઈનલ લોર્ડ્સ પર રમાઈ હતી, જેમાં દક્ષિણ આફ્રિકાએ ચેમ્પિયન બનવાનું ગૌરવ પ્રાપ્ત કર્યું હતું. હવે જો લોર્ડ્સ પાસેથી યજમાની છીનવાય છે, તો કેનિંગ્ટન ઓવલ ફરી એકવાર ફાઈનલનું યજમાન બની શકે છે.

આ પણ વાંચો: Jalpaiguri Accident: જલપાઈગુડીમાં ભયાનક માર્ગ અકસ્માત, બસ અને ટ્રક વચ્ચે ટક્કરમાં 5 ના મોત 17 ઘાયલ