ICC Post-Pregnancy Return Policy: નવી માર્ગદર્શિકા 16-અઠવાડિયાનો કાર્યક્રમ
ICC એ મહિલા ખેલાડીઓના વાપસીને સરળ બનાવવા માટે 16 અઠવાડિયાનો એક વિશેષ પ્રોગ્રામ તૈયાર કર્યો છે. આ સમગ્ર પ્રક્રિયાનું નિરીક્ષણ એક નિયુક્ત કેસ મેનેજર કરશે. માર્ગદર્શિકામાં સિક્સ આર ફ્રેમવર્કનો સમાવેશ કરવામાં આવ્યો છે જેમાં રેડી, સમીક્ષા, રીસ્ટોર, રિકન્ડિશન, રીટર્ન અને રિફાઇન્ડ તબક્કાઓનો સમાવેશ થાય છે. આ દરેક તબક્કા દરમિયાન મહિલા ખેલાડીઓના શારીરિક અને માનસિક સ્વાસ્થ્યનું નિયમિત મૂલ્યાંકન કરવામાં આવશે, જેથી તેઓ સંપૂર્ણપણે સ્વસ્થ થઈ શકે.
ICC Post-Pregnancy Return Policy: કેસ મેનેજરની ભૂમિકા અને તબીબી દેખરેખ
દરેક ખેલાડી માટે એક સમર્પિત કેસ મેનેજરની નિમણૂક કરવામાં આવશે, જે ડૉક્ટર અથવા ફિઝિયોથેરાપિસ્ટ હશે. પ્રારંભિક તબક્કે ખેલાડીના માનસિક સ્વાસ્થ્ય અને માતૃત્વમાં સમાયોજન પર ખાસ ભાર મૂકવામાં આવશે. લગભગ 8 અઠવાડિયા પછી ડૉક્ટરની દેખરેખ હેઠળ દોડવાની અને ક્રિકેટ સંબંધિત તાલીમ શરૂ થશે. મેદાનમાં પરત ફરતા પહેલા હાડકા, સ્નાયુઓ અને પેલ્વિક ફ્લોરની તપાસ કરવામાં આવશે. તમામ તબીબી ધોરણો પૂર્ણ થયા બાદ જ ખેલાડી સ્પર્ધાત્મક ક્રિકેટમાં ભાગ લઈ શકશે.
મહિલા ક્રિકેટરો માટે સહાયક વાતાવરણ
ICC ચેરમેન જય શાહે ભારપૂર્વક જણાવ્યું કે, કોઈપણ મહિલા ખેલાડીએ માતૃત્વ અને ક્રિકેટ કારકિર્દી વચ્ચે પસંદગી કરવી જોઈએ નહીં. આ માર્ગદર્શિકા મહિલા ક્રિકેટ માટે વધુ સહાયક વાતાવરણ ઉભું કરશે. ICC મેડિકલ એડવાઇઝરી કમિટીના ડૉ. ફિલિપા ઇંગે જણાવ્યું છે કે સભ્ય દેશોએ ખેલાડીઓને લવચીક તાલીમ સમયપત્રક આપવું જોઈએ. આ ઉપરાંત બાળ સંભાળ, સ્તનપાન માટેની સુવિધા અને મુસાફરીમાં મદદરૂપ સહાય પૂરી પાડવાની ભલામણ પણ કરવામાં આવી છે.
ખેલાડીઓનો પ્રતિસાદ અને ભવિષ્યની દ્રષ્ટિ
વેસ્ટ ઈન્ડિઝની ક્રિકેટર એફી ફ્લેચરે આ નિર્ણયનું હાર્દિક સ્વાગત કર્યું છે. તેમણે 2021 માં પુત્રને જન્મ આપ્યા બાદ આંતરરાષ્ટ્રીય ક્રિકેટમાં સફળ વાપસી કરી હતી. તેમણે પોતાના અનુભવ પરથી જણાવ્યું કે, માતા બન્યા પછી ક્રિકેટમાં પાછા ફરવું પડકારજનક છે, પણ પરિવારના સહયોગથી તે શક્ય બને છે. આ નીતિ સભ્ય દેશોના સ્થાનિક શ્રમ કાયદાને ધ્યાનમાં રાખીને તૈયાર કરાઈ છે. ઉલ્લેખનીય છે કે, ભારતમાં હાલમાં મહિલાઓને 6 મહિનાની ચૂકવણી કરેલ પ્રસૂતિ રજા મળે છે. જે આ પ્રક્રિયાને વધુ વેગ આપશે.
આ પણ વાંચો---- Vaibhav Sooryavanshi debut : ક્યાંક સચિન જેવી ઈજાનો શિકાર ન બને! 15 વર્ષના ધાકડ બેટ્સમેન માટે દિગ્ગજ ખેલાડીની ચેતવણી
