ICC Womens T20 World Cup 2026 : મહિલા ક્રિકેટના મહાકુંભની શરૂઆત થવામાં હવે ગણતરીના દિવસો જ બાકી રહ્યા છે. આઇસીસી મહિલા T20 વર્લ્ડ કપ 2026 (ICC Women's T20 World Cup 2026) માટે ક્રિકેટ ચાહકોમાં જબરદસ્ત ઉત્સાહ જોવા મળી રહ્યો છે. આ ભવ્ય ટુર્નામેન્ટની શરૂઆત થાય તે પહેલાં, વિશ્વની સર્વોચ્ચ ક્રિકેટ સંસ્થા ઇન્ટરનેશનલ ક્રિકેટ કાઉન્સિલ એટલે કે આઇસીસી (ICC - International Cricket Council) દ્વારા એક ઐતિહાસિક અને મોટી જાહેરાત કરવામાં આવી છે. ICCએ આગામી વર્લ્ડ કપ માટે મેચ અધિકારીઓની પેનલ (Match Officials Panel) જાહેર કરી દીધી છે. સૌથી નોંધપાત્ર બાબત એ છે કે, આંતરરાષ્ટ્રીય ક્રિકેટમાં મહિલા સશક્તિકરણને પ્રોત્સાહન આપતાં, સતત ત્રીજા વર્ષે આખી ટુર્નામેન્ટમાં માત્ર મહિલા અમ્પાયર અને મેચ રેફરી જ મેદાન પર કમાન સંભાળશે.

33 મેચોનું સંચાલન કરશે માત્ર મહિલા અધિકારીઓ

આ મેગા ઇવેન્ટનું (Mega Event) આયોજન 12 જૂનથી ઇંગ્લેન્ડ અને વેલ્સમાં (England and Wales) થવા જઈ રહ્યું છે. આ ટુર્નામેન્ટ દરમિયાન કુલ 33 મેચો રમાશે, જેનું સફળ સંચાલન 14 અમ્પાયરો અને 4 મેચ રેફરીની સક્ષમ ટીમ દ્વારા કરવામાં આવશે. ICC આ ટૂર્નામેન્ટને માત્ર એક રમતગમતની સ્પર્ધા તરીકે નહીં, પરંતુ ક્રિકેટ જગતમાં મહિલાઓનો વધતો પ્રભાવ અને તેમના વાસ્તવિક પ્રતિનિધિત્વના (Representation) એક મજબૂત પ્રતીક તરીકે જુએ છે. ICC ના સીઇઓ (CEO) સંજોગ ગુપ્તાએ આ નિર્ણય અંગે ગર્વ વ્યક્ત કરતા જણાવ્યું હતું કે, આ પેનલ ક્રિકેટ રમતની દરેક ભૂમિકામાં મહિલાઓને આગળ લાવવાની આઇસીસીની અતૂટ પ્રતિબદ્ધતાને (Commitment) દર્શાવે છે. તેમણે વધુમાં ઉમેર્યું કે તમામ અધિકારીઓની પસંદગી તેમના ઉત્કૃષ્ટ પ્રદર્શન, સચોટ નિર્ણય લેવાની ક્ષમતા (Decision Making) અને લાંબા સમયથી જાળવી રાખેલા ઉચ્ચ ધોરણોના આધારે કરવામાં આવી છે.

ભારતીય મહિલાઓનો દબદબો - ICC Womens T20 World Cup 2026

આ વખતે ICC ની જાહેરાતમાં ભારત માટે ગૌરવની વાત એ છે કે 4 ભારતીય અધિકારીઓને આ મેગા ટુર્નામેન્ટ માટે પસંદ કરવામાં આવ્યા છે. તેમાં સૌથી જાણીતું નામ જીએસ લક્ષ્મી (GS Lakshmi) નું છે, જેમણે વર્ષ 2019માં ICC ની પ્રથમ મહિલા મેચ રેફરી બનીને ઇતિહાસ રચ્યો હતો. હવે તેઓ પોતાની કારકિર્દીમાં છઠ્ઠી વખત ICC મહિલા ટુર્નામેન્ટમાં જવાબદારી સંભાળશે. ભારતની જનાની એન (Janani N), વૃંદા રાઠી (Vrinda Rathi) અને ગાયત્રી વેણુગોપાલન (Gayathri Venugopalan) ને અમ્પાયરોની યાદીમાં સ્થાન મળ્યું છે. ખાસ કરીને ગાયત્રી માટે આ ટુર્નામેન્ટ ખૂબ ખાસ રહેશે કારણ કે તે ICC મહિલા T20 વર્લ્ડ કપમાં પ્રથમ વખત ડેબ્યૂ કરશે.

 

View this post on Instagram

 

A post shared by Gujarat First (@gujaratfirst)

અનુભવી અમ્પાયરોની વાપસી

આ વર્લ્ડ કપમાં વિશ્વભરની અનુભવી મહિલા અમ્પાયરો પણ ભાગ લઈ રહી છે. ઓસ્ટ્રેલિયાની ક્લેર પોલોસાક (Claire Polosak) આ ટુર્નામેન્ટમાં સૌથી વધુ અનુભવી અમ્પાયર તરીકે મેદાન પર ઉતરશે. આ તેમની કારકિર્દીનો સતત છઠ્ઠો મહિલા T20 વર્લ્ડ કપ હશે. તેમની સાથે ન્યુઝીલેન્ડના કિમ કોટન અને વેસ્ટ ઈન્ડિઝના જેક્લીન વિલિયમ્સ જેવા અનુભવી આંતરરાષ્ટ્રીય ચહેરાઓ પણ મેચનું સંચાલન કરતા જોવા મળશે. મેચ રેફરીની પેનલમાં પણ જૂના 9 સભ્યોમાંથી જીએસ લક્ષ્મી, શાંડ્રે ફ્રિટ્ઝ અને મિશેલ પરેરાની વાપસી થઈ છે, જ્યારે ન્યુઝીલેન્ડના ટ્રુડી એન્ડરસન (Trudi Anderson) પ્રથમ વખત આ મોટી ભૂમિકામાં ડેબ્યૂ કરશે.

A distinguished group of 14 umpires and four match referees will feature on the @emirates ICC International Panel of Match Officials at the upcoming Women's #T20WorldCup 🏆https://t.co/exyPdDYvHf

— ICC (@ICC) May 28, 2026

ટુર્નામેન્ટનું સમયપત્રક અને ઓફિશિયલ યાદી

ICC મહિલા T20 વર્લ્ડ કપ 2026 આગામી 12 જૂનથી શરૂ થઈને 5 જુલાઈ સુધી ચાલશે. ICCને અપેક્ષા છે કે આ ટુર્નામેન્ટ વૈશ્વિક સ્તરે મહિલા રમતગમતની (Women's Sports) સૌથી મોટી ઘટનાઓમાંથી એક સાબિત થશે અને મહિલા ક્રિકેટને લોકપ્રિયતાના નવા શિખરો પર લઈ જશે.

અમ્પાયરોની સંપૂર્ણ યાદી

લોરેન એજેનબેગ, કિમ કોટન, અન્ના હેરિસ, શાથિરા ઝાકીર જેસી, કરીન ક્લાઉસ્ટે, કેન્ડેસ લા બોર્ડે, જનાની એન, નિમાલી પરેરા, ક્લેર પોલોસાક, વૃંદા રાઠી, સુઝાન રેડફર્ન, એલોઇસ શેરિડન, જેક્લીન વિલિયમ્સ અને ગાયત્રી વેણુગોપાલન.

મેચ રેફરીની સંપૂર્ણ યાદી

ટ્રુડી એન્ડરસન, શાંડ્રે ફ્રિટ્ઝ, જીએસ લક્ષ્મી અને મિશેલ પરેરા.

આ પણ વાંચો : Vaibhav Sooryavanshi breaks records : વૈભવ સૂર્યવંશીની તોફાની ઇનિંગ જોઇ Gayle-Russell-Jayasuriya બન્યા તેના ફેન