IND vs AFG 1st ODI: ભારતે જીતી પહેલી વન-ડે, ગુરબાઝની શતક પર ફળી વળ્યું પાણી, ગિલ-રાહુલની ધમાકેદાર બેટિંગ

IND vs AFG 1st ODI: ટીમ ઈન્ડિયાનો શાનદાર વિજય

ટોસ હાર્યા બાદ પ્રથમ બેટિંગ કરવા ઉતરેલા અફઘાનિસ્તાનની શરૂઆત અત્યંત નબળી રહી હતી. માત્ર ૨૬ રનમાં જ ટીમે ૩ મુખ્ય વિકેટ ગુમાવી દીધી હતી, પરંતુ ઓપનર રહેમાનુલ્લાહ ગુરબાઝ (Rahmanullah Gurbaz) એ મેદાનમાં ઉતરીને અદભૂત વળતો પ્રહાર કર્યો હતો. તેણે 51 બોલમાં 102 રન ફટકારીને પોતાની કારકિર્દીની સૌથી ઝડપી સદી નોંધાવી હતી. ભારત માટે ડેબ્યૂ કરી રહેલા યુવા બોલરો ગુરનૂર બ્રાર (Gurnoor Brar) અને હર્ષ દુબે (Harsh Dubey) એ પ્રભાવશાળી બોલિંગ કરી 3-3 વિકેટ ઝડપી અફઘાનિસ્તાનને 194 રનના સ્કોર પર રોકી રાખ્યું હતું.

ગિલની જોરદાર બેટિંગ

195 રનના લક્ષ્યાંકનો પીછો કરવા ઉતરેલી ભારતીય ટીમે પણ શરૂઆતમાં રોહિત શર્મા (Rohit Sharma) ની વિકેટ ગુમાવી હતી, પરંતુ કેપ્ટન શુભમન ગિલે ઇશાન કિશન (Ishan Kishan) સાથે મળીને સ્થિતિ સંભાળી હતી. ગિલે અંત સુધી ક્રિઝ પર ટકી રહીને 66 બોલમાં અણનમ 84 રન બનાવ્યા હતા. અંતિમ ઓવરોમાં કેએલ રાહુલે માત્ર 19 બોલમાં 39 રનની તાબડતોડ ઇનિંગ રમીને ભારતને 13 બોલ બાકી રહેતા જીત અપાવી હતી. આ જીત સાથે ભારતીય ટીમનો જુસ્સો આસમાને પહોંચ્યો છે.

આ પણ વાંચો: કચ્છ પોલીસનો મોટો સપાટો: વાડીમાં ચાલતા દારૂના કટિંગ પર ત્રાટકી LCB, 1 કરોડનો મુદ્દામાલ જપ્ત

Sublime ball-striking 👌💥

🎥 Easy on the eye shots from Captain Shubman Gill and KL Rahul en route to a fine victory 👏

Updates ▶️ https://t.co/lCuohEZYAl #TeamIndia | #INDvAFG | @IDFCFIRSTBank | @ShubmanGill | @klrahul pic.twitter.com/hXHuxGC5yL

— BCCI (@BCCI) June 13, 2026