IND vs ENG: રોહિતે ODIમાં હાંસલ કરી વિશેષ સિદ્ધિ,MS ધોનીને પાછળ છોડ્યા

• રોહિત શર્માની વધુ એક સિધ્ધી
• વનડે ક્રિકેટમાં એક ખાસ સિદ્ધિ નોંધાઈ
• કેપ્ટન તરીકે ms dhoniને પાછળ છોડ્યા

Rohit sharma: ભારત અને ઇંગ્લેન્ડ (India vs England)વચ્ચે બીજી વનડે મેચ 9 ફેબ્રુઆરીએ કટકમાં રમાશે. આ મેચ જીતીને, રોહિત શર્મા (Rohit sharma)અને કંપની શ્રેણી પર કબજો કરવા માંગે છે. હવે, રોહિતના નામે વનડે ક્રિકેટમાં એક ખાસ સિદ્ધિ નોંધાઈ છે. રોહિત શર્મા હવે કેપ્ટન તરીકે એમએસ ધોનીને પાછળ છોડી ચૂક્યા છે. જોકે, આ બાબતમાં વિરાટ કોહલી હજુ પણ રોહિતથી આગળ છે.

રોહિતે ધોનીને પાછળ છોડી દીધો

રોહિત શર્માએ નાગપુરમાં કેપ્ટન તરીકે પોતાની 49મી મેચ રમી. રોહિતે 49 મેચોમાં કેપ્ટનશીપ કરી છે, જ્યારે 35 મેચ જીતી છે. જ્યારે એમએસ ધોનીએ(ms dhoni) 49 વનડેમાં ટીમ ઈન્ડિયાનું નેતૃત્વ કર્યું અને 30 મેચ જીતી. આ ઉપરાંત, વિરાટ કોહલીએ 49 ODI મેચોમાં ભારતીય ટીમનું નેતૃત્વ કર્યું અને 38 મેચ જીતી. હવે રોહિત શર્મા કટકમાં કેપ્ટન તરીકે પોતાની ૫૦મી મેચ રમશે.

આ પણ  વાંચો - IND vs ENG: નાગપુરમાં ભારતીય ટીમનો દબદબો, ગિલ-ઐયર અને અક્ષરે મચાવી તબાહી, ઇંગ્લેન્ડ 4 વિકેટથી હાર્યું

રોહિત ફરી બેટિંગમાં નિષ્ફળ

રોહિત શર્માની બેટિંગમાં નિષ્ફળતા ચાલુ છે. રોહિતનું નબળું પ્રદર્શન ન્યુઝીલેન્ડ અને ઓસ્ટ્રેલિયા સાથે રમાયેલી ટેસ્ટ શ્રેણીમાં જોવા મળ્યું હતું, જ્યારે હિટમેન રણજી ટ્રોફીમાં કંઈ ખાસ કરી શક્યો ન હતો. આ પછી, પહેલી ODI મેચમાં ચાહકોને રોહિત પાસેથી ઘણી અપેક્ષાઓ હતી પરંતુ નાગપુર ODIમાં પણ રોહિતે ચાહકોને નિરાશ કર્યા. આ મેચમાં રોહિતે 7 બોલનો સામનો કર્યો અને ફક્ત 2 રન બનાવ્યા.

આ પણ  વાંચો - WPL 2025: ગુજરાત ઝાયન્ટ્સની ટીમ છે ટકરાવા માટે તૈયાર, નવા ટીશર્ટનું અનાવરણ ખેલાડીઓએ શેર કર્યા અનુભવ

ટીમ ઇન્ડિયા શ્રેણીમાં 1-0 થી આગળ છે.

નાગપુરમાં રમાયેલી પહેલી ODI મેચમાં ટીમ ઈન્ડિયાએ ઈંગ્લેન્ડને 4 વિકેટે હરાવીને શ્રેણીમાં 1-0થી લીડ મેળવી લીધી છે. આ મેચમાં ભારતીય ટીમ તરફથી બેટિંગ કરતી વખતે શુભમન ગિલે સૌથી વધુ ૮૭ રન બનાવ્યા હતા, જ્યારે બોલિંગ કરતી વખતે રવિન્દ્ર જાડેજા અને હર્ષિત રાણાએ ૩-૩ વિકેટ લીધી હતી.