IND vs PAK Live Score : અભિષેક અને તિલક મચાવ્યો તરખાટ, 212 નો ટાર્ગેટ, પાક. 3 વિકેટ ગુમાવી બેકફૂટ પર!

અભિષેક શર્માની શાનદાર ઇનિંગ્સ

વૈભવ સૂર્યવંશી અને અભિષેક શર્માએ ભારત માટે ઇનિંગ્સની શરૂઆત કરી હતી. જોકે, વૈભવે 9 બોલમાં ઝડપી 15 રન જ બનાવ્યા અને આઉટ થયો હતો. પરંતુ, અભિષેક શર્માએ આક્રમક અભિગમ અપનાવ્યો અને માત્ર 28 બોલમાં 3 ચોગ્ગા અને 7 સિક્સર ફટકારીને 217.86 ના સ્ટ્રાઈક રેટ સાથે ધમાકેદાર 61 રન બનાવ્યા હતા. તેઓ અરાફાત મિન્હાસના બોલ પર સ્ટમ્પ આઉટ થયો હતો.

તિલક વર્મા અને શિવમ દુબેનું શાનદાર ફિનિશિંગ

તિલક વર્મા અને શિવમ દુબેએ પણ અંતિમ ઓવરોમાં પાકિસ્તાની બોલરોની જોરદાર ધોલાઈ કરી હતી અને ટીમ ઈન્ડિયાના સ્કોરને 200 રનની પાર પહોંચાડ્યો. દુબેએ 15 બોલમાં 27 રન બનાવ્યા (2 ચોગ્ગા અને 2 સિક્સર સાથે), જ્યારે તિલક વર્માએ 51 રનની ધમાકેદાર અણનમ ઇનિંગ્સ રમી.

પાકિસ્તાની બોલરોની ધોલાઈ

ભારતીય બેટ્સમેનો સામે પાકિસ્તાની બોલરો મોંઘા સાબિત થયા. સ્પિનર ​​અરાફાત મિન્હાસે 3 ઓવરમાં 8.30 ના ઈકોનોમી રેટ સાથે 25 રન આપીને 2 મહત્વપૂર્ણ વિકેટ ઝડપી. અહેમદ દાનિયાલે પણ 2 વિકેટ લીધી પરંતુ પોતાની 3 ઓવરમાં 43 રન આપ્યા. સાઈમ અયુબે ૪ ઓવરમાં 11.80 ના મોંઘા ઈકોનોમી રેટ સાથે 47 રન આપીને 1વિકેટ ઝડપી, જ્યારે લેગ-સ્પિનર ​​અબરાર અહેમદે પોતાની 4 ઓવરમાં માત્ર 29 રન આપીને 1 વિકેટ મેળવી. બીજી તરફ, સાદ મસૂદ (3 ઓવરમાં 33 રન) અને સુફિયાન મુકીમ (3 ઓવરમાં 33 રન) બંને ખૂબ મોંઘા સાબિત થયા અને કોઈ વિકેટ લઈ શક્યા નહીં.

India vs Pakistan Asian Games T20 Final Live Update: Maaz Sadaqat and Usman Khan lost their wicket. Pak at 43/3 after 7 overs.

— ANI (@ANI) October 3, 2026

પાકિસ્તાનની કફોડી હાલત

આ સમાચાર લખાય ત્યાં સુધીમાં પાકિસ્તાનની બેટિંગની વાત કરીએ તો સ્કોર 7 ઓવરમાં 3 વિકેટે 45 રન છે. ભારતીય બોલર અક્ષર પટેલે પોતાની 3 ઓવરમાં 14 રન આપીને 2 વિકેટ ઝડપી છે, જ્યારે વોશિંગ્ટન સુંદરે 2 ઓવરમાં 13 રન આપીને 1 વિકેટ લીધી છે. આ મેચમાં હાલની સ્થિતિમાં પાકિસ્તાન બેકફૂટ પર દેખાઈ રહ્યું છે.

આ પણ વાંચો - India vs Pakistan Gold Medal Match : ભારતીય ટીમને પહેલો ઝટકો, વૈભવ સૂર્યવંશી 15 રન બનાવીને આઉટ