IND W vs SA W : સાઉથ આફ્રિકાનો ભારત સામે 6 વિકેટે વિજય, કેપ્ટન મારીજાને કરી તોફાની ઈનિંગ

IND W vs SA W: મેન્ચેસ્ટરમાં સાઉથ આફ્રિકા સામે ભારતનો વિજયી રથ રોકાયો

મહિલા ટી20 વિશ્વ કપમાં સતત બે મેચ જીતીને મજબૂત સ્થિતિમાં રહેલી ભારતીય મહિલા ક્રિકેટ ટીમનો વિજયી રથ આખરે અટકી ગયો છે. સાઉથ આફ્રિકા સામે રમાયેલી આ મેચમાં ટીમ ઇન્ડિયાને પરાજયનો સ્વાદ ચાખવો પડ્યો છે. ભારતે ટોસ જીતીને પહેલા બેટિંગ કરવાનો નિર્ણય લીધો હતો, પરંતુ મોટો સ્કોર બનાવવામાં બેટિંગ લાઇન-અપ નિષ્ફળ રહી હતી. સાઉથ આફ્રિકાની ટીમે 19.1 ઓવરમાં 4 વિકેટ ગુમાવીને 161 રન બનાવી મેચ આસાનીથી જીતી લીધી હતી. આ જીત સાથે પ્રોટિયાઝ ટીમે સેમીફાઇનલની રેસ વધુ રસપ્રદ બનાવી દીધી છે.

ભારતીય બેટ્સમેનોનો નબળો દેખાવ અને સ્કોરબોર્ડની સ્થિતિ

પ્રથમ બેટિંગ કરવા ઉતરેલી ભારતીય ટીમની શરૂઆત ખરાબ રહી હતી. માત્ર 30 રનના સ્કોર પર ઓપનર શૈફાલી વર્મા 15 બોલમાં 31 રનની આક્રમક ઇનિંગ રમીને આઉટ થઈ ગઈ હતી. ત્યારબાદ વાઇસ કેપ્ટન સ્મૃતિ મંધાના 17 રન, યાસ્તિકા ભાટિયા 15 રન અને જેમિમા રોડ્રિગ્સ 12 રન બનાવીને ખૂબ જ સસ્તામાં પેવેલિયન ભેગા થયા હતા. ભારતે 83 રનમાં પોતાની 4 મોટી વિકેટો ગુમાવી દીધી હતી. મિડલ ઓર્ડરમાં દીપ્તિ શર્માએ 29 રન અને ઋચા ઘોષે 15 રન બનાવીને સ્કોરને 20 ઓવરમાં 7 વિકેટે 158 રન સુધી પહોંચાડ્યો હતો. સાઉથ આફ્રિકા તરફથી મારીજાન કેપ અને શબનીમ ઇસ્માઇલે 2-2 વિકેટ ઝડપી હતી.

કેપ્ટન હરમનપ્રીત કૌરની યાદગાર 200મી મેચ અને નબળી કિસ્મત

ભારતીય કેપ્ટન હરમનપ્રીત કૌર માટે રવિવારનો આ મેચ તેમના ક્રિકેટ કરિયરનો સૌથી મોટો અને ઐતિહાસિક દિવસ હતો. હરમનપ્રીત આંતરરાષ્ટ્રીય ક્રિકેટમાં 200 ટી20 મેચ રમનારી વિશ્વની એકમાત્ર ખેલાડી બની છે. આ મેચમાં તે ટીમની કેપ્ટનશીપ પણ કરી રહી હતી. જોકે, પોતાની આ યાદગાર મેચને તે મોટી ઇનિંગથી સેલિબ્રેટ કરી શકી નહીં અને 24 રન બનાવીને આઉટ થઈ ગઈ હતી. ટીમની હારને કારણે હરમનપ્રીતનો આ ઐતિહાસિક દિવસ થોડો નિરાશાજનક સાબિત થયો હતો.

મારીજાન કેપની વિસ્ફોટક ઇનિંગ અને શ્રી ચરણીની શાનદાર ફાઈટ

159 રનના ટાર્ગેટનો પીછો કરવા ઉતરેલી સાઉથ આફ્રિકાની શરૂઆત પણ ખરાબ રહી હતી અને 25 રનમાં 2 વિકેટ પડી ગઈ હતી. કેપ્ટન લોરા વોલ્વાર્ડ્ટ 20 રને આઉટ થઈ હતી. પરંતુ ત્યારબાદ સ્ટાર ઓલરાઉન્ડર મારીજાન કેપે મોરચો સંભાળ્યો હતો. કેપે માત્ર 45 બોલમાં 7 ચોગ્ગા અને 4 છગ્ગાની મદદથી અણનમ 81 રનની વિસ્ફોટક ઇનિંગ રમીને ભારત પાસેથી મેચ છીનવી લીધી હતી. તાજમીન બ્રિટ્સે પણ 40 રનનું યોગદાન આપ્યું હતું. ભારત તરફથી બોલર શ્રી ચરણીએ સૌથી વધુ ૩ વિકેટ ઝડપીને લડત આપી હતી, પરંતુ તે ટીમને જીત અપાવવા માટે પૂરતી ન હતી.

South Africa win by 6 wickets. #TeamIndia will now shift their focus to the next game against Bangladesh!

Scorecard ▶️ https://t.co/cIrb7Ekn0x#T20WorldCup | #WomenInBlue | #SAvIND pic.twitter.com/AfxIJJgxXh

— BCCI Women (@BCCIWomen) June 21, 2026

આ પણ વાંચો : India A Won : તિલક વર્માની સેનાએ લંકાના ગઢમાં મચાવી તબાહી, ઇન્ડિયા એ ટીમ બની ચેમ્પિયન!