U19 World Cup 2026 : ભારતે એકતરફી મેચમાં ઝિમ્બાબ્વેને 204 રને હરાવ્યું , વિહાન મલ્હોત્રાની શાનદાર સદી, આયુષ-ઉદ્ધવની ઘાતક બોલિંગ

• અંડર-19 વર્લ્ડ કપની સુપર સિક્સ મેચમાં ભારતે નોંધાવી ઐતિહાસિક જીત (U19 World Cup 2026 ) 
• 353 રનના લક્ષ્યાંક સામે ઝિમ્બાબ્વેની આખી ટીમ 148 રનમાં ઓલઆઉટ
• વિહાન મલ્હોત્રાએ 109 રનની શાનદાર સદી ફટકારી
• આયુષ મ્હાત્રે અને ઉદ્ધવ મોહને 3-3 વિકેટ ઝડપી

દક્ષિણ આફ્રિકામાં રમાઈ રહેલા અંડર-19 વર્લ્ડ કપ 2026 (U-19 World Cup 2026) માં ભારતીય યુવા ટીમે પોતાનું વિજયી અભિયાન જારી રાખતા ઝિમ્બાબ્વેને 204 રનના વિશાળ અંતરથી પરાજય આપ્યો છે. સુપર સિક્સ રાઉન્ડની ( Super Six Match) આ મેચમાં ભારતે આપેલા 353 રનના પહાડી લક્ષ્યાંક સામે યજમાન ઝિમ્બાબ્વેની ટીમ માત્ર 148 રનમાં ઓલઆઉટ થઈ ગઈ હતી.

U19 World Cup 2026 :  બેટ્સમેનોનો તરખાટ: વિહાન મલ્હોત્રાની સેન્ચુરી

ટોસ હાર્યા બાદ પ્રથમ બેટિંગ કરવા ઉતરેલી ભારતીય ટીમે (Team India) નિર્ધારિત 50 ઓવરમાં 8 વિકેટે 352 રનનો તોતિંગ સ્કોર બનાવ્યો હતો. ભારતના વિહાન મલ્હોત્રાએ (Vihaan Malhotra)શાનદાર બેટિંગ કરતા 107 બોલમાં 109 રનની સદી ફટકારી હતી. ઓપનર વૈભવ સૂર્યવંશી [Vaibhav Suryavanshi] એ માત્ર 30 બોલમાં 52 રન અને વિકેટકીપર અભિત્રણ કુંડુએ [Abhitran Kundu] 61 રનની આક્રમક અડધી સદી ફટકારી હતી. અંતિમ ઓવરોમાં ખિલન પટેલે [Khilan Patel] માત્ર 12 બોલમાં 30 રન ફટકારી સ્કોર 350ને પાર પહોંચાડ્યો હતો.

For his superb century, Vihaan Malhotra is named the Player of the Match 🏅

India U19 register a commanding victory of 204 runs over Zimbabwe U19 👏

Scorecard ▶️ https://t.co/juFENSDomr#U19WorldCup pic.twitter.com/gH89E5dSgE

— BCCI (@BCCI) January 27, 2026

આયુષ અને ઉદ્ધવની કાતિલ બોલિંગ

353 રનના વિશાળ લક્ષ્યાંકનો પીછો કરવા ઉતરેલી ઝિમ્બાબ્વેની ટીમ (Zimbabwe Team) શરૂઆતથી જ મુશ્કેલીમાં જોવા મળી હતી. પાવરપ્લેમાં જ 3 વિકેટ ગુમાવ્યા બાદ ટીમ ફરી બેઠી થઈ શકી નહોતી. ભારતીય કેપ્ટન આયુષ મ્હાત્રે [Ayush Mhatre] અને ઉદ્ધવ મોહને ( Uddhav Mohan) 3-3 વિકેટ ઝડપી ઝિમ્બાબ્વેની બેટિંગ લાઈનઅપને વેરવિખેર કરી નાખી હતી. ઝિમ્બાબ્વે તરફથી લેરોય ચિવોલાએ ( Leroy Chiwola) સૌથી વધુ 62 રન બનાવ્યા હતા, પરંતુ તે ટીમને હારથી બચાવી શક્યા નહોતા.

પાકિસ્તાન સામે હાઈ-વોલ્ટેજ મુકાબલો

આ ભવ્ય જીત સાથે ભારતે સેમીફાઈનલ તરફ મજબૂત ડગલું માંડ્યું છે. હવે ભારતીય ટીમ 1 ફેબ્રુઆરીએ પોતાના પરંપરાગત હરીફ પાકિસ્તાન [Pakistan U-19] સામે સુપર સિક્સની આગામી મેચ રમશે.

 આ પણ વાંચો :  Sir Don Bradman ની Green Cap ની કિંમત જાણીને તમે ચોંકી ઉઠશો !