India Tour of New Zealand 2026 : ભારતીય ક્રિકેટ ટીમ (Team India) માટે વર્ષ 2026ના અંતિમ મહિનાઓ ખૂબ જ વ્યસ્ત રહેવાના છે. ન્યૂઝીલેન્ડ ક્રિકેટ (New Zealand Cricket) બોર્ડે ભારત અને ન્યૂઝીલેન્ડ (New Zealand) વચ્ચે યોજાનારી લાંબી દ્વિપક્ષીય શ્રેણી (Bilateral Series)નું સંપૂર્ણ સમયપત્રક જાહેર કર્યું છે. આ પ્રવાસ દરમિયાન ભારતીય ટીમ ત્રણેય ફોર્મેટ એટલે કે T20I, ODI અને ટેસ્ટ (Test) ક્રિકેટમાં ટક્કર આપશે. કુલ 12 મેચની આ શ્રેણી 22 ઓક્ટોબરથી શરૂ થઈને 1 ડિસેમ્બર સુધી ચાલશે.

ભારત-ન્યૂઝીલેન્ડ ક્રિકેટ મહાસંગ્રામ

ન્યૂઝીલેન્ડ ક્રિકેટ બોર્ડ દ્વારા જાહેર કરવામાં આવેલા કાર્યક્રમ મુજબ ટીમ ઈન્ડિયા લગભગ 7 અઠવાડિયા સુધી ન્યૂઝીલેન્ડમાં રહેશે. 22 ઓક્ટોબરથી શરૂ થનારી આ શ્રેણી 1 ડિસેમ્બર સુધી ચાલશે, એટલે કે બંને દેશો વચ્ચે લગભગ 41 દિવસ સુધી સતત સ્પર્ધાત્મક ક્રિકેટ (Competitive Cricket) રમાશે. આ પ્રવાસમાં ભારત 5 T20I, 5 ODI અને 2 ટેસ્ટ મેચ રમશે. ખાસ વાત એ છે કે ટેસ્ટ શ્રેણી ICC વર્લ્ડ ટેસ્ટ ચેમ્પિયનશિપ (ICC World Test Championship 2026-27)ના ચક્રનો મહત્વનો ભાગ હશે.

T20I શ્રેણીથી થશે પ્રવાસની શરૂઆત

ભારત અને ન્યૂઝીલેન્ડ વચ્ચે 5 મેચની T20I શ્રેણી 22 ઓક્ટોબરે ક્રાઈસ્ટચર્ચ (Christchurch)માં શરૂ થશે. ત્યારબાદ બંને ટીમો વેલિંગ્ટન (Wellington), ઓકલેન્ડ (Auckland) અને હેમિલ્ટન (Hamilton)માં પણ T20 મુકાબલા રમશે.

T20I શ્રેણીનું schedule

• પ્રથમ T20I – 22 ઓક્ટોબર, ક્રાઈસ્ટચર્ચ
• બીજો T20I – 24 ઓક્ટોબર, ક્રાઈસ્ટચર્ચ
• ત્રીજો T20I – 27 ઓક્ટોબર, વેલિંગ્ટન
• ચોથો T20I – 30 ઓક્ટોબર, ઓકલેન્ડ
• પાંચમો T20I – 1 નવેમ્બર, હેમિલ્ટન

ત્યારબાદ રમાશે પાંચ મેચની ODI શ્રેણી

T20 શ્રેણી પૂર્ણ થયા બાદ બંને ટીમો વચ્ચે 5 મેચની વન-ડે આંતરરાષ્ટ્રીય (ODI) શ્રેણી રમાશે. આ શ્રેણીની શરૂઆત 4 નવેમ્બરે ઓકલેન્ડમાં થશે.

ODI શ્રેણીનું schedule

• પ્રથમ ODI – 4 નવેમ્બર, ઓકલેન્ડ
• બીજો ODI – 7 નવેમ્બર, વેલિંગ્ટન
• ત્રીજો ODI – 10 નવેમ્બર, હેમિલ્ટન
• ચોથો ODI – 13 નવેમ્બર, તૌરંગા (Tauranga)
• પાંચમો ODI – 15 નવેમ્બર, તૌરંગા

ICC વર્લ્ડ ટેસ્ટ ચેમ્પિયનશિપ માટે મહત્વપૂર્ણ ટેસ્ટ શ્રેણી

વન-ડે શ્રેણી બાદ બંને ટીમો 2 મેચની ટેસ્ટ શ્રેણીમાં આમને-સામને આવશે. આ ટેસ્ટ મેચો ICC વર્લ્ડ ટેસ્ટ ચેમ્પિયનશિપ 2026-27 માટે મહત્વપૂર્ણ સાબિત થશે.

ટેસ્ટ શ્રેણીનું schedule

• પ્રથમ ટેસ્ટ – 19 થી 23 નવેમ્બર, વેલિંગ્ટન
• બીજો ટેસ્ટ – 27 નવેમ્બર થી 1 ડિસેમ્બર, ક્રાઈસ્ટચર્ચ

ટીમ ઈન્ડિયા માટે અનોખો પ્રવાસ

ઉલ્લેખનીય છે કે, આ પ્રવાસ અનેક કારણોસર ખાસ માનવામાં આવી રહ્યો છે. પ્રથમ વખત ભારતીય ટીમ કોઈ દ્વિપક્ષીય શ્રેણી માટે એક જ દેશમાં આટલા લાંબા સમય સુધી રોકાશે. છેલ્લા કેટલાક વર્ષોમાં ભારતના ન્યૂઝીલેન્ડ પ્રવાસો મર્યાદિત ફોર્મેટ અથવા ટૂંકી શ્રેણી સુધી જ સીમિત રહ્યા હતા, પરંતુ આ વખતે ત્રણેય ફોર્મેટની સંપૂર્ણ શ્રેણી યોજાશે. ક્રિકેટ ચાહકો (Cricket Fans) માટે આ પ્રવાસ રોમાંચથી ભરેલો રહેશે, કારણ કે બંને ટીમો વિશ્વ ક્રિકેટ (World Cricket)ની મજબૂત ટીમોમાં સામેલ છે. 12 મેચની આ મેગા શ્રેણી ખેલાડીઓની ક્ષમતા, સહનશક્તિ અને સતત પ્રદર્શનની કસોટી બનવાની છે. ભારત અને ન્યૂઝીલેન્ડ વચ્ચેની આ લાંબી ક્રિકેટ શ્રેણી પર સમગ્ર ક્રિકેટ જગતની નજર રહેશે.

આ પણ વાંચો : BCCI announces punishment : RCBને મોટો ઝટકો! આ ખેલાડી 2027 ની પહેલી મેચ નહીં રમી શકે