India vs Afghanistan સિરીઝ માટે ટીમ ઈન્ડિયામાં મોટા ફેરફાર, રોહિત-હાર્દિકના સિલેક્શન પર સંકટ!
- IPL 2026 બાદ ભારત-અફઘાનિસ્તાન વચ્ચે જંગ
- મંગળવારે ગુવાહાટીમાં થશે ટીમ ઈન્ડિયાની જાહેરાત
- સિરાજ-શમીની વાપસી નક્કી, સંજુ સેમસનને મળશે મોટી ભેટ
- રિષભ પંતનું પત્તું કપાઈ શકે, બુમરાહને આરામ મળવાની શક્યતા
- ફિટનેસના કારણે કેપ્ટન રોહિત શર્માના સિલેક્શન પર લટકતી તલવાર
IPL 2026 ની સમાપ્તિ બાદ ભારતીય ક્રિકેટ ટીમ (Indian Cricket Team) અફઘાનિસ્તાન સામે એક ટેસ્ટ અને 3 વનડે મેચની સિરીઝ રમવા જઈ રહી છે. આ સિરીઝ માટે મંગળવારે ગુવાહાટીમાં પસંદગી સમિતિની બેઠક યોજાશે. મીડિયા રિપોર્ટ્સ મુજબ, આ વખતે ટીમમાં કેટલાક ચોંકાવનારા નિર્ણયો લેવામાં આવી શકે છે. ખાસ કરીને ફિટનેસ ઇશ્યુને કારણે કેપ્ટન રોહિત શર્મા (Rohit Sharma) ના સિલેક્શન પર સવાલો ઉભા થયા છે.
🚨INDIA'S LIKELY SQUAD FOR ONE-OFF TEST VS AFGHANISTAN 🚨
1. KL Rahul (VC]
2. Yashasvi Jaiswal
3. Devdutt Padikkal
4. Shubman Gill [C]
5. Rishabh Pant(wk)
6. Washington Sundar
7. Ravindra Jadeja
8. Nitish Reddy
9. Kuldeep Yadav
10. Mohammed Siraj
11. Prasidh Krishna
12.… pic.twitter.com/gkezi3nNct— Cricket Central (@CricketCentrl) May 18, 2026
આ ખેલાડીઓની થશે વાપસી
પસંદગી સમિતિની બેઠક પહેલા સમાચાર છે કે મોહમ્મદ સિરાજ (Mohammed Siraj) વનડે ટીમમાં પરત ફરશે. IPL માં સૌથી વધુ ડોટ બોલ ફેંકનાર બોલર તરીકે તેણે પોતાની દાવેદારી મજબૂત કરી છે. બીજી તરફ, રણજી ટ્રોફીમાં શાનદાર પ્રદર્શન કરનાર મોહમ્મદ શમીની (Mohammed Shami) ટેસ્ટ ટીમમાં વાપસી લગભગ નક્કી છે. વિકેટકીપર તરીકે સંજુ સેમસનને (Sanju Samson) તેના શાનદાર ફોર્મનું ઈનામ મળી શકે છે, જ્યારે રિષભ પંતને વનડે ટીમમાંથી બહાર રાખવામાં આવી શકે છે.
રોહિત-હાર્દિકની ફિટનેસ પર સવાલ
સૌથી મોટી ચિંતા રોહિત શર્મા અને હાર્દિક પંડ્યાની (Hardik Pandya) ફિટનેસને લઈને છે. રોહિત શર્મા ઈજાને કારણે IPL ની કેટલીક મેચોમાં 'ઈમ્પેક્ટ પ્લેયર' તરીકે રમ્યો હતો, જેના કારણે તે વનડે ફોર્મેટ માટે કેટલો ફિટ છે તે અંગે ચર્ચા થશે. જો તે ફિટ નહીં હોય તો ટીમમાં સ્થાન મેળવવું મુશ્કેલ છે. આ સિવાય જસપ્રીત બુમરાહને ટેસ્ટ મેચમાં આરામ આપવામાં આવી શકે છે.
આ પણ વાંચો : પાકિસ્તાન સામે બાંગ્લાદેશના Mushfiqur Rahim નો 'મહા-રેકોર્ડ', ટેસ્ટ ક્રિકેટમાં રચ્યો નવો ઈતિહાસ!