India Vs SA T20I : દક્ષિણ આફ્રિકા સામે ભારતની કારમી હાર, તિલક વર્માની દમદાર બેટિંગ બેઅસર

• દક્ષિણ આફ્રિકા સામે બીજી મેચમાં ભારતે કારમી હારનો સામનો કરવો પડ્યો
• ભારતીય ખેલાડીઓ અને બોલરોનો જાદુ આ વખતે પીચ પર ના ચાલ્યો
• ક્રિકેટ રસિકો નારાજ થાય તેવી સ્થિતીનું સર્જન થયું

India Vs SA T20I : દક્ષિણ આફ્રિકાએ બીજી T20 આંતરરાષ્ટ્રીય મેચમાં ભારતને 51 રનથી હરાવ્યું છે. જે બાદ પાંચ મેચની T20I શ્રેણી 1-1 થી બરાબર થઇ છે. બંને ટીમો ન્યુ ચંદીગઢના મુલ્લાનપુર સ્થિત મહારાજા યાદવિન્દ્ર સિંહ ક્રિકેટ સ્ટેડિયમ ખાતે એકબીજા સામે રમી હતી. ટીમ ઈન્ડિયાને 215 રનનો મોટો લક્ષ્યાંક મળ્યો હતો, જે આફ્રિકન બોલરો સામે હાંસલ કરવામાં નિષ્ફળ રહ્યા છે. ભારતીય કેપ્ટન સૂર્યકુમાર યાદવ ફરી એકવાર ઓછા રનમાં આઉટ થયો, જ્યારે ઉપ-કેપ્ટન શુભમન ગિલ પોતાનું ખાતું ખોલવામાં નિષ્ફળ ગયો હતો. આ સાથે જ ભારતીય બોલિંગ પણ સામાન્ય દેખાઈ હતી.

દક્ષિણ આફ્રિકાએ એક વિશાળ લક્ષ્યાંક નક્કી કર્યો

ટોસ હાર્યા બાદ, દક્ષિણ આફ્રિકાએ પ્રથમ બેટિંગ કરવાનો નિર્ણય લીધો હતો. સંપૂર્ણ 20 ઓવર રમ્યા બાદ, ટીમે 4 વિકેટ ગુમાવીને 213 રન બનાવ્યા હતા. ઓપનર ક્વિન્ટન ડી કોકે ભારતીય બોલરોને પરસેવો પડાવ્યો હતો. તેણે 195.65 ની સરેરાશથી 46 બોલમાં 90 રન બનાવ્યા હતા, જેમાં 5 ચોગ્ગા અને 7 છગ્ગાનો સમાવેશ થાય છે. તેમના સિવાય, ડેનોવન ફરેરાએ 16 બોલમાં 1 ચોગ્ગા અને 3 છગ્ગાની મદદથી 30 રન બનાવ્યા હતા. કેપ્ટન એડમ માર્કરામે 29 રન બનાવ્યા હતા, જ્યારે બ્રેવિસ (14) અને રીઝા હેન્ડ્રિક્સ (8) એ રન બનાવ્યા હતા.

ટીમ ઈન્ડિયાના બેટ્સમેન ઈતિહાસ રચવામાં નિષ્ફળ રહ્યા

ટીમ ઈન્ડિયા પાસે T20 આંતરરાષ્ટ્રીય ક્રિકેટમાં સૌથી વધુ લક્ષ્ય હાંસલ કરવાની તક હતી, પરંતુ તેઓ નિષ્ફળ રહ્યા હતા. ભારતીય ઇનિંગ્સ 19.1 ઓવરમાં 162 રનમાં સમેટાઈ ગઈ હતી. તિલક વર્મા (34 બોલમાં 62 રન) સિવાય, કોઈ પણ બેટ્સમેન પચાસ સુધી પહોંચી શક્યો નહીં. હાર્દિક પંડ્યાએ ખૂબ પ્રયાસ કર્યો પરંતુ 23 બોલમાં 20 રન બનાવીને આઉટ થયો હતો. અક્ષર પટેલ 21 બોલમાં 21 રન બનાવીને આઉટ થયો હતો. અભિષેક શર્માએ ઝડપી શરૂઆત કરી પરંતુ 8 બોલમાં 2 છગ્ગાની મદદથી 17 રન બનાવી શક્યો હતો. શુભમન ગિલ અણનમ રહ્યો હતો, જ્યારે કેપ્ટન સૂર્યકુમાર યાદવ 5 રન બનાવીને પેવેલિયન પાછો ફર્યો હતો. અંતે, જીતેશ શર્મા (૧૭ બોલમાં ૨૭ રન) એ પ્રયાસ કર્યો અને રન બનાવ્યા હતા.

ભારતીય બોલિંગ ખરાબ સ્થિતિમાં

ન્યૂ ચંદીગઢમાં પ્રથમ T20 આંતરરાષ્ટ્રીય ક્રિકેટ મેચ રમાઈ રહી હતી. ઝડપી બોલરો અર્શદીપ સિંહ અને જસપ્રીત બુમરાહને ભારે નિરાશા સાંપડી હતી. અર્શદીપે 4 ઓવરમાં 54 રન આપ્યા હતા, જ્યારે બુમરાહે 4 ઓવરમાં 45 રન આપ્યા હતા. હાર્દિક પંડ્યાએ પણ 3 ઓવરમાં 34 રન આપ્યા હતા. શિવમ દુબેએ 2 ઓવરમાં 18 રન આપ્યા હતા. અક્ષર પટેલે 3 ઓવરમાં 27 રન આપીને 1 વિકેટ લીધી હતી. વરુણ ચક્રવર્તીએ શ્રેષ્ઠ બોલિંગ કરી, 4 ઓવરમાં 29 રન આપીને 3 બેટ્સમેનોને આઉટ કર્યા હતા.

આ પણ વાંચો ------  Arshdeep Singh ની વાઇડ બોલથી Gautam Gambhir ગુસ્સે: વીડિયો થયો વાયરલ