ભારત અને અફઘાનિસ્તાન વચ્ચે રમાયેલી 3 મેચોની વનડે સીરીઝનો અંતિમ રોમાંચક મુકાબલો 20 જૂને ચેન્નાઈના મેદાન પર રમાયો હતો. આ ભારત અને અફધાનિસ્તાન વચ્ચેની ODI મેચમાં ભારતીય ટીમે પહેલા બોલિંગ અને બાદમાં શાનદાર બેટિંગનું પ્રદર્શન કરીને શ્રેણી ૩-૦થી જીતી લીધી હતી. કેપ્ટન રોહિત શર્મા અને યશસ્વી જાયસ્વાલની વિસ્ફોટક ઓપનિંગે આ મેચને એકતરફી બનાવી દીધી હતી.
અફઘાનિસ્તાનનો ધબડકો અને શાહિદીની લડાયક સદી
ચેન્નાઈ (Chennai) ના એમ. એ. ચિદમ્બરમ સ્ટેડિયમ ખાતે રમાયેલી ત્રીજી વનડે મેચમાં અફઘાનિસ્તાનની ટીમે ટોસ જીતીને પહેલા બેટિંગ કરવાનો નિર્ણય કર્યો હતો. પરંતુ, તેમની શરૂઆત અત્યંત ખરાબ રહી હતી. સલામી બેટ્સમેન રહેમાનુલ્લાહ ગુરબાઝ (Rahmanullah Gurbaz) માત્ર 5 રન બનાવીને પેવેલિયન પરત ફર્યો હતો. તેની પાછળ ઇબ્રાહિમ ઝાદરાન પણ 11 રન અને રહમત શાહ માત્ર 5 રન બનાવી આઉટ થયા હતા.
કેપ્શન હશમતુલ્લાહે ફટકારી સદી
જોકે, નંબર 4 પર બેટિંગ કરવા આવેલા અફઘાનિસ્તાનના કેપ્ટન હશમતુલ્લાહ શાહિદીએ (Hashmatullah Shahidi) શાનદાર સદી ફટકારીને ટીમને મુશ્કેલ પરિસ્થિતિમાંથી બહાર કાઢી હતી. શાહિદીએ131 બોલમાં 13 ચોગ્ગા અને 1 છગ્ગાની મદદથી 102 રનની લડાયક ઇનિંગ રમી હતી. તેને અઝમતુલ્લાહ ઓમરઝાઈનો સારો સાથ મળ્યો, જેણે ૫૬ બોલમાં 50 રનનું યોગદાન આપ્યું હતું. પરિણામે, અફઘાનિસ્તાનની આખી ટીમ 44.2 ઓવરમાં 218 રન બનાવીને ઓલઆઉટ થઈ ગઈ હતી.
પ્રસિદ્ધ કૃષ્ણાની ઘાતક બોલિંગ સામે બોલરો લાચાર
ભારતીય ટીમ વતી ફાસ્ટ બોલર પ્રસિદ્ધ કૃષ્ણાએ (Prasidh Krishna) ઘાતક બોલિંગ પ્રદર્શન કર્યું હતું. તેણે પોતાની લાઈન અને લેન્થથી અફઘાન બેટ્સમેનોને સેટ થવાની કોઈ તક આપી ન હતી. પરિણામે, પ્રસિદ્ધ કૃષ્ણાએ વનડે ક્રિકેટમાં શાનદાર પ્રદર્શન કરતા ૫ વિકેટ (5-Wicket Hall) ઝડપીને અફઘાનિસ્તાનની કમર તોડી નાખી હતી. તદુપરાંત, યુવા બોલર ગુરનૂર બ્રાર અને હર્ષ દુબેને પણ 1-1 સફળતા મળી હતી. ભારતીય બોલરોના આ પ્રહારના કારણે જ પ્રવાસી ટીમ મોટો સ્કોર બનાવવામાં નિષ્ફળ રહી હતી.
રોહિત શર્મા અને યશસ્વી જાયસ્વાલની વિધ્વંસક ઓપનિંગ જોડી
૨૧૯ રનના લક્ષ્યનો પીછો કરવા ઉતરેલી ભારતીય ટીમને ઓપનર રોહિત શર્મા (Rohit Sharma) અને યશસ્વી જાયસ્વાલે (Yashasvi Jaiswal) ધમાકેદાર શરૂઆત અપાવી હતી. બંનેએ મેદાનની ચારેય બાજુ આકર્ષક શૉટ્સ રમીને અફઘાનિસ્તાનના મુખ્ય બોલરોની લાઇન-લેન્થ બગાડી નાખી હતી. હિટમેન રોહિત શર્મા અને યુવા સ્ટાર યશસ્વી જાયસ્વાલે પ્રથમ વિકેટ માટે 22.5 ઓવરમાં જ 170 રનની વિરાટ ઓપનિંગ પાર્ટનરશીપ નોંધાવી દીધી હતી.
રોહિત શર્માએ રમી કેપ્ટન ઈનિંગ
રોહિત શર્માએ કેપ્ટન ઇનિંગ રમતા માત્ર 69 બોલમાં 79 રનની તોફાની ઇનિંગ રમી હતી, જેમાં 9 ચોગ્ગા અને 3 આકાશી છગ્ગા સામેલ હતા. જોકે, મોહમ્મદ નબીની બોલિંગમાં મોટો શોટ રમવાના ચક્કરમાં રોહિત શર્મા કેચ આઉટ થયો હતો અને તે પોતાની સદી ચૂક્યો હતો. પરંતુ, ત્યાં સુધીમાં ભારતે મેચ પર સંપૂર્ણ પકડ બનાવી લીધી હતી અને બાકીના બેટ્સમેનોએ સરળતાથી જીત મેળવી શ્રેણીમાં ક્લીન સ્વીપ કર્યું હતું.
આ પણ વાંચો : Yusuf Pathan Land Dispute: વડોદરા મનપાનું આક્રમક વલણ, યુસુફ પઠાણના વિવાદિત પ્લોટ સહિત 7 જમીનોની થશે હરાજી
