IPL 2027 Hardik Pandya KKR: શું હાર્દિક પંડ્યા હવે કેકેઆરની જર્સીમાં જોવા મળશે? મુંબઈ ઈન્ડિયન્સમાં મોટો ફેરફાર!

IPL 2027 Hardik Pandya KKR: કોલકાતા નાઈટ રાઈડર્સ સાથે વાતચીત

શાહરૂખ ખાનના સહ-સ્વામિત્વ વાળી ટીમ કોલકાતા નાઈટ રાઈડર્સ (KKR) એ હાર્દિક પંડ્યાને જોડાવવા માટે રજૂઆત કરી છે. સૂત્રોના જણાવ્યા અનુસાર કેકેઆરનું ટોચનું મેનેજમેન્ટ અને મુંબઈ ઈન્ડિયન્સના માલિકો વચ્ચે ખેલાડીઓની લે-વેચ મુદ્દે ચર્ચા થઈ છે. અગાઉના સીઝન બાદ ટીમ કેકેઆરએ મુંબઈના માલિકોનો સંપર્ક સાધ્યો હતો. જોકે તે સમયે રિલાયન્સની વાર્ષિક બેઠક મુખ્ય પ્રાથમિકતા હતી. હવે ફરીથી આ મામલે વાતચીત શરૂ થઈ છે.

IPL 2027 Hardik Pandya KKR: શું હાર્દિકને મળશે કેપ્ટનશીપ?

મળતી માહિતી મુજબ, જો હાર્દિક પંડ્યા કેકેઆરમાં જોડાય છે, તો તેને ટીમની કમાન મળી શકે છે. હાલના કેપ્ટનશિપના વિકલ્પો કેકેઆર માટે સ્પષ્ટ નથી. રિન્કુ સિંહને અત્યારે સંપૂર્ણ વિકલ્પ માનવામાં આવી રહ્યો નથી. ચર્ચા એવી પણ છે કે, હાર્દિક કેશ ડીલ અથવા ખેલાડીઓની અદલા-બદલી બંનેમાંથી કોઈ પણ રીતે ટીમમાં આવી શકે છે. જો કે, મુંબઈ ઈન્ડિયન્સ હાર્દિક માટે કયો વિકલ્પ પસંદ કરશે તે સ્પષ્ટ નથી.

IPL ટ્રેડના નિયમો

IPL ના નિયમો અનુસાર કોઈ પણ ખેલાડી અન્ય ફ્રેન્ચાઈઝી સાથે વ્યક્તિગત રીતે વાત કરી શકતો નથી. વાતચીત માત્ર ફ્રેન્ચાઈઝી વચ્ચે જ થવી જોઈએ. આ પ્રકારના ટ્રેડમાં ખેલાડીની સંમતિ અનિવાર્ય છે. જો ખેલાડી સંમતિ આપતો નથી, તો તેને રિલીઝ કરીને ફરીથી હરાજીમાં મોકલવા પડે છે.

યશસ્વી જયસ્વાલ અને રાજસ્થાન રોયલ્સ

મુંબઈ ઈન્ડિયન્સને મળેલો બીજો પ્રસ્તાવ યશસ્વી જયસ્વાલ અને હાર્દિક પંડ્યાની અદલા-બદલીનો હોવાની ચર્ચા છે. જોકે આ વાતચીત કેટલી આગળ વધી છે તે જાણી શકાયું નથી. રાજસ્થાન રોયલ્સની ટીમ રિયાન પરાગને લાંબા ગાળાના કેપ્ટન તરીકે જોઈ રહી છે. તેથી હાર્દિક માટે ત્યાં કેપ્ટનશીપ મેળવવી મુશ્કેલ છે. રાજસ્થાન રોયલ્સની સરખામણીમાં હાલના તબક્કે હાર્દિક માટે કેકેઆર વધુ સારો વિકલ્પ દેખાઈ રહ્યો છે.

આ પણ વાંચો--- FIH Pro League 2026 : હાઈ-વોલ્ટેજ ડ્રામાથી ભરપૂર મેચમાં ભારતે પાકિસ્તાનને 4-3 થી હરાવ્યું