Lizelle Lee in WPL 2026 : એમ્પાયર સામે દલીલ આ ખેલાડીને મોંઘી પડી!
- Lizelle Lee in WPL 2026
- WPL 2026 માં મેદાનમાં જ જોવા મળી નારાજગી
- દિલ્હી કેપિટલ્સની સ્ટાર ઓપનરે નારાજગી વ્યક્ત કરી
- આ વર્તન બદલ કરવામાં આવ્યો ભારે દંડ
Lizelle Lee in WPL 2026 : મહિલા પ્રીમિયર લીગ (WPL) 2026 માં મેદાન પર રસાકસીની સાથે સાથે હવે વિવાદો પણ સામે આવવા લાગ્યા છે. મંગળવારે રાત્રે બરોડાના બીસીએ (BCA) સ્ટેડિયમ ખાતે દિલ્હી કેપિટલ્સ અને મુંબઈ ઇન્ડિયન્સ વચ્ચે રમાયેલી રોમાંચક મેચમાં એક ઘટનાએ ક્રિકેટ જગતમાં ચર્ચા જગાવી છે. દિલ્હી કેપિટલ્સની સ્ટાર ઓપનર લિઝેલ લીને અમ્પાયરના નિર્ણય પ્રત્યે નારાજગી વ્યક્ત કરવા બદલ ભારે દંડનો સામનો કરવો પડ્યો છે.
શું હતી સમગ્ર ઘટના?
આ વિવાદ મેચની બીજી ઇનિંગ દરમિયાન 11મી ઓવરમાં સર્જાયો હતો. દિલ્હીની ટીમ લક્ષ્યાંકનો પીછો કરી રહી હતી અને લિઝેલ લી માત્ર 28 બોલમાં 46 રનની તોફાની ઇનિંગ રમીને ક્રીઝ પર સેટ હતી. મુંબઈની બોલર અમનજોત કૌરના એક બોલને લેગ સાઇડ પર ફ્લિક કરવાના પ્રયાસમાં લી પોતાનું સંતુલન ગુમાવી બેઠી હતી. આ તકનો લાભ ઉઠાવીને વિકેટકીપર રહીરા ફિરદોસે તેને સ્ટમ્પ આઉટ કરી દીધી હતી. મેદાન પરના એમ્પાયરે નિર્ણય માટે ત્રીજા એમ્પાયરની મદદ લીધી હતી. ત્રીજા એમ્પાયરે સ્ટમ્પ કેમેરા અને વિવિધ એંગલથી લાંબા સમય સુધી રિપ્લે જોયા બાદ તારણ કાઢ્યું કે જ્યારે બેલ્સ (ગિલ્લીઓ) વિખેરાઈ ત્યારે લીનું બેટ હવામાં હતું. જે કારણે તેને આઉટ જાહેર કરવામાં આવી હતી.
Even with all the tech we have on Cricket, it is still not enough. Lizelle Lee given out.
The question is about the tech and not about the decision.#wpl pic.twitter.com/Gw96rIBTlb
— Anand L (@kharshad0) January 20, 2026
મેદાન પર જોવા મળી નારાજગી
લિઝેલ લી આ નિર્ણયથી બિલકુલ સંતુષ્ટ નહોતી. આઉટ થયા બાદ તેણે મેદાન પર જ એમ્પાયરો સાથે દલીલ કરી હતી અને મેદાનની બહાર જતી વખતે પણ તેની નારાજગી સ્પષ્ટ દેખાઈ રહી હતી. તેણે મેચ દરમિયાન ક્રિકેટના સાધનો પ્રત્યે અયોગ્ય વર્તન કર્યું હોવાનું પણ સામે આવ્યું છે. આ વર્તનને આચારસંહિતાનું ઉલ્લંઘન ગણવામાં આવ્યું હતું.
ફટકારવામાં આવ્યો દંડ
WPLની આચારસંહિતા હેઠળ લિઝેલ લીને કલમ 2.2 મુજબ લેવલ-1ના ગુનામાં દોષિત ઠેરવવામાં આવી છે. પરિણામે તેને મેચ ફીના 10 ટકા દંડની સજા ફટકારવામાં આવી છે અને તેના શિસ્તભંગના રેકોર્ડમાં એક ડિમેરિટ પોઈન્ટ ઉમેરાયો છે. લિઝેલ લીએ પોતાનો ગુનો સ્વીકારી લીધો હોવાથી આ મામલે કોઈ સત્તાવાર સુનાવણીની જરૂર પડી નથી.
“Umpire Lizelle Lee? 👀”
New role unlocked 🔓
Teammate approval pending 😁#TATAWPL | #KhelEmotionKa | #DCvMI️ | @DelhiCapitals | @kappie777 pic.twitter.com/CNFCXjujlT
— Women's Premier League (WPL) (@wplt20) January 21, 2026
દિલ્હી કેપિટલ્સની જીત અને પોઈન્ટ ટેબલની સ્થિતિ
જોકે, આ વિવાદ અને લિઝેલ લીના આઉટ થયા છતાં દિલ્હી કેપિટલ્સના પ્રદર્શન પર તેની કોઈ નકારાત્મક અસર પડી નહોતી. દિલ્હીએ મુંબઈ ઇન્ડિયન્સને પરાજય આપીને આ સિઝનની પોતાની બીજી જીત નોંધાવી હતી. આ જીત સાથે દિલ્હીના હવે કુલ 4 પોઈન્ટ્સ થઈ ગયા છે અને ટીમ ટેબલમાં મજબૂત સ્થિતિમાં પહોંચી ગઈ છે.
આ પણ વાંચો : 'Lady Sehwag' Shafali Verma એ રચ્યો ઇતિહાસ, જાણો શું છે ખાસ