MI vs GG : ગુજરાત જાયન્ટ્સની ધમાકેદાર બેટિંગ, મુંબઈ સામે 193 રનનું લક્ષ્ય
- મુંબઈ ઈન્ડિયન્સે ટોસ જીતી બોલિંગ લીધી, પણ દાવ ઊંધો પડ્યો
- ગુજરાત જાયન્ટ્સે 20 ઓવરમાં 5 વિકેટ ગુમાવી 192 રનનો જંગી સ્કોર બનાવ્યો
- જ્યોર્જિયા વેરહામ (43) અને ભારતી ફુલમાલી (36) ની વિસ્ફોટક અણનમ ભાગીદારી
- ધીમી બેટિંગને કારણે આયુષી સોનીને 'રિટાયર્ડ આઉટ' જાહેર કરાઈ
- મુંબઈ ઈન્ડિયન્સ સામે જીતવા માટે હવે 193 રનનો પહાડ જેવો લક્ષ્યાંક
MI vs GG : મહિલા પ્રીમિયર લીગ (WPL) 2026 ના છઠ્ઠા મુકાબલામાં ક્રિકેટ ચાહકોને ચોગ્ગા-છગ્ગાની રમઝટ જોવા મળી છે. મુંબઈ ઈન્ડિયન્સ અને ગુજરાત જાયન્ટ્સ વચ્ચે રમાઈ રહેલી આ હાઈ-વોલ્ટેજ મેચમાં મુંબઈના કેપ્ટને ટોસ જીતીને પ્રથમ બોલિંગ કરવાનો નિર્ણય લીધો હતો, જે શરૂઆતમાં સાચો લાગતો હતો પરંતુ અંતે ગુજરાતના બેટરો ભારે પડ્યા હતા. ગુજરાતે નિર્ધારિત 20 ઓવરમાં 5 વિકેટ ગુમાવીને 192 રનનો પહાડ જેવો સ્કોર ખડક્યો છે.
MI vs GG :ગુજરાત જાયન્ટ્સની તોફાની શરૂઆત અને મધ્યમ ક્રમ
ટોસ હારીને પ્રથમ બેટિંગ કરવા ઉતરેલી ગુજરાત જાયન્ટ્સની શરૂઆત મિશ્ર રહી હતી. ઓપનર સોફી ડિવાઈન માત્ર 8 રન બનાવીને સસ્તામાં પેવેલિયન પરત ફરી હતી. જોકે, ત્યારબાદ બેથ મૂની અને કનિકા આહુજાએ બાજી સંભાળી લીધી હતી. બેથ મૂનીએ 26 બોલમાં 3 ચોગ્ગા અને 1 છગ્ગાની મદદથી 33 રન બનાવ્યા હતા. જ્યારે કનિકા આહુજાએ આક્રમક અંદાજમાં રમતા માત્ર 18 બોલમાં 35 રન ફટકાર્યા હતા, જેમાં 4 ચોગ્ગા અને 2 છગ્ગાનો સમાવેશ થાય છે. કેપ્ટન એશ્લે ગાર્ડનર પણ 20 રન (11 બોલ) નું યોગદાન આપી આઉટ થઈ હતી.
MI vs GG : આયુષી સોની 'રિટાયર્ડ આઉટ'
આ મેચમાં એક રસપ્રદ અને ભાગ્યે જ જોવા મળતી ઘટના બની હતી. ગુજરાતની બેટર આયુષી સોની ક્રિઝ પર સંઘર્ષ કરતી જોવા મળી હતી. તેણે 14 બોલમાં માત્ર 11 રન બનાવ્યા હતા. રનની ગતિ ધીમી પડતી જોઈને ટીમ મેનેજમેન્ટે મોટો નિર્ણય લીધો અને તેને 'રિટાયર્ડ આઉટ' જાહેર કરી મેદાનમાંથી પરત બોલાવી લીધી. T20 ક્રિકેટમાં રનરેટ જાળવી રાખવા માટે લેવાયેલો આ એક વ્યૂહાત્મક નિર્ણય હતો.
Pressure of early wicket?
Kanika Ahuja says no 😎
She has raced to 20* off 8 deliveries already 🔥
Updates ▶️ https://t.co/Dxufu4Pisz#TATAWPL | #KhelEmotionKa | #MIvGG | @Giant_Cricket pic.twitter.com/r4TxzdwXCE
— Women's Premier League (WPL) (@wplt20) January 13, 2026
વેરહામ અને ફુલમાલીની આતશબાજી
અંતિમ ઓવરોમાં જ્યોર્જિયા વેરહામ અને ભારતી ફુલમાલીએ મુંબઈના બોલરોની ધોલાઈ કરી નાખી હતી. બંને વચ્ચે માત્ર 24 બોલમાં 56 રનની અણનમ ભાગીદારી નોંધાઈ હતી, જેના કારણે ટીમનો સ્કોર 192 સુધી પહોંચ્યો હતો. જ્યોર્જિયા વેરહામે 33 બોલમાં સર્વાધિક અણનમ 43 રન બનાવ્યા હતા, જ્યારે ભારતી ફુલમાલીએ માત્ર 15 બોલમાં 36 રનની વિસ્ફોટક ઈનિંગ રમી હતી.
બંને ટીમોની પ્લેઈંગ 11
મુંબઈ ઈન્ડિયન્સ: જી કમલિની (વિકેટકીપર), હેલી મેથ્યુઝ, અમેલિયા કેર, હરમનપ્રીત કૌર (કેપ્ટન), નિકોલા કેરી, સજીવન સજના, અમનજોત કૌર, પૂનમ ખેમનાર, શબનીમ ઈસ્માઈલ, સંસ્કૃતિ ગુપ્તા, ત્રિવેણી વશિષ્ઠ.
ગુજરાત જાયન્ટ્સ: બેથ મૂની (વિકેટકીપર), સોફી ડિવાઈન, આયુષી સોની, એશ્લે ગાર્ડનર (કેપ્ટન), જ્યોર્જિયા વેરહામ, ભારતી ફુલમાલી, કાશવી ગૌતમ, કનિકા આહુજા, તનુજા કંવર, રાજેશ્વરી ગાયકવાડ, રેણુકા સિંહ.
આ પણ વાંચો : IND vs NZ Rajkot: મેચ જોવા જાવ છો? તો પહેલા જાણી લો ટ્રાફિક અને પાર્કિંગના આ નવા નિયમો