સલમાનની પાર્ટીમાં ધોનીની કારમાં શું દેખાયું? વાયરલ વીડિયોએ સોશિયલ મીડિયા ગજવ્યું
- સલમાન ખાનની બર્થડે પાર્ટીમાં પહોંચેલા ધોનીનો વીડિયો વાયરલ (MS Dhoni Cigarette Video)
- કારની પાછળની સીટ પર સિગારેટનું પેકેટ દેખાતા ફેન્સ ચોંક્યા
- ધોની પોતે આગળની સીટ પર પત્ની સાક્ષી સાથે બેઠા હતા
- અગાઉ ધોનીનો હુક્કા પીતો વીડિયો પણ સોશિયલ મીડિયા પર ગાજ્યો હતો
- IPL 2026 પહેલા 'કેપ્ટન કૂલ'ની ફિટનેસ અને આદતો પર ઉઠ્યા સવાલ
MS Dhoni Cigarette Video : ભારતીય ક્રિકેટ ટીમના પૂર્વ કેપ્ટન અને 'કેપ્ટન કૂલ' તરીકે જાણીતા મહેન્દ્ર સિંહ ધોની ફરી એકવાર ચર્ચામાં આવ્યા છે. જોકે, આ વખતે ચર્ચાનું કારણ ક્રિકેટનું મેદાન નહીં પણ સોશિયલ મીડિયા પર વાયરલ થયેલો એક વીડિયો છે. તાજેતરમાં ધોની બોલિવૂડ સુપરસ્ટાર સલમાન ખાનના 60મા જન્મદિવસની ઉજવણીમાં હાજરી આપવા તેના પનવેલ સ્થિત ફાર્મહાઉસ પહોંચ્યા હતા, જ્યાંથી એક ચોંકાવનારો વીડિયો સામે આવ્યો છે.
સલમાન ખાનની બર્થડે પાર્ટીમાં ધોનીની એન્ટ્રી
મહેન્દ્ર સિંહ ધોની તેની પત્ની સાક્ષી સાથે સલમાન ખાનના ફાર્મહાઉસ પર પહોંચ્યા ત્યારે પેપરાજીએ તેમની કારને ઘેરી લીધી હતી. આ દરમિયાન કેમેરામાં કંઈક એવું કેદ થયું જેણે ફેન્સમાં ચર્ચા જગાવી છે. કારની પાછળની સીટના આર્મરેસ્ટ પર સિગારેટનું એક પેકેટ જોવા મળ્યું હતું. વીડિયોમાં ધોની આગળની સીટ પર બેઠેલા દેખાય છે, જ્યારે પાછળની સીટ પર તેમના કેટલાક મિત્રો હતા.
MS Dhoni Cigarette Video : સોશિયલ મીડિયા પર ફેન્સમાં ચર્ચા
આ વીડિયો વાયરલ થતા જ સોશિયલ મીડિયા પર યુઝર્સે સવાલો પૂછવાનું શરૂ કર્યું છે. ઘણા લોકો પૂછી રહ્યા છે કે શું ફિટનેસ આઈકોન ગણાતા ધોનીને ધૂમ્રપાનની આદત છે? જોકે, એ વાત સ્પષ્ટ નથી કે તે પેકેટ ધોનીનું જ હતું, કારણ કે કારમાં અન્ય મુસાફરો પણ સવાર હતા. તેમ છતાં, 'કેપ્ટન કૂલ'ની કારમાં આવી વસ્તુ જોઈને ચાહકોમાં નિરાશા અને આશ્ચર્ય જોવા મળી રહ્યું છે.
Cigarette in the car of MS DHONI and Sakshi Dhoni 🤯 on Salman khan birthday. pic.twitter.com/nr6mukFKyX
— . (@instalcon1) December 29, 2025
MS Dhoni Cigarette Video : ધૂમ્રપાન સાથે જોડાયેલા જૂના વિવાદો
મહેન્દ્ર સિંહ ધોની અને ધૂમ્રપાનનો વિવાદ નવો નથી. અગાઉ દુબઈમાં ધોનીનો હુક્કા પીતો વીડિયો સોશિયલ મીડિયા પર વાયરલ થયો હતો, જેના પર ઘણો વિવાદ થયો હતો. આ સિવાય ઓસ્ટ્રેલિયન દિગ્ગજ માઈકલ હસીએ પણ એક પોડકાસ્ટમાં ખુલાસો કર્યો હતો કે ધોનીને ઘણીવાર હુક્કા પીવો ગમે છે. ધોનીને હંમેશા શિસ્તબદ્ધ એથલીટ માનવામાં આવે છે, ત્યારે આવા વીડિયો તેની છબી પર સવાલ ઉભા કરે છે.
IPL 2026ની તૈયારીઓ વચ્ચે ચર્ચા
એક તરફ ચાહકો ધોનીને IPL 2026માં ફરી એકવાર ચેન્નાઈ સુપર કિંગ્સ તરફથી રમતા જોવા માટે ઉત્સાહિત છે, ત્યારે બીજી તરફ આ પ્રકારના વિવાદોએ હેડલાઈન્સ બનાવી છે. ધોનીની ફિટનેસ હંમેશા અન્ય ખેલાડીઓ માટે ઉદાહરણ રહી છે, પરંતુ સિગારેટના પેકેટવાળી આ ક્લિપે હવે ઈન્ટરનેટ પર એક નવી જંગ છેડી દીધી છે.
આ પણ વાંચો : હિટમેન રોહિત શર્મા કેમ રડી પડ્યો? જુઓ અંબાણી સ્કૂલના એન્યુઅલ ડેના વાયરલ વીડિયો