Nat Sciver-Brunt WPL Century : નેટ સાયવર-બ્રન્ટે રચ્યો ઈતિહાસ, ફટકારી પ્રથમ સદી
- WPL ઈતિહાસની પ્રથમ સદી: નેટ સાયવર-બ્રન્ટે રચ્યો નવો કીર્તિમાન
- મુંબઈ ઈન્ડિયન્સની નેટ સાયવર-બ્રન્ટે ફટકારી ઐતિહાસિક સદી
- WPL ઈતિહાસમાં 100 રનનો આંકડો પાર કરનાર પ્રથમ ખેલાડી
- RCB સામે રમાયેલી મેચમાં માત્ર 57 બોલમાં મચાવ્યું તોફાન
- ઈનિંગ દરમિયાન 16 ચોગ્ગા અને 1 ગગનચુંબી છગ્ગો ફટકાર્યો
Nat Sciver-Brunt WPL Century : વિમેન્સ પ્રીમિયર લીગ [WPL] ના ઈતિહાસમાં સોમવારે એક સુવર્ણ પ્રકરણ લખાયું છે. મુંબઈ ઈન્ડિયન્સ [Mumbai Indians] ની સ્ટાર ઓલરાઉન્ડર નેટ સાયવર-બ્રન્ટે [Nat Sciver-Brunt] તે જાદુઈ આંકડો હાંસલ કરી લીધો છે, જેના માટે વિશ્વભરની મહિલા ક્રિકેટરો છેલ્લા સાડા ત્રણ વર્ષથી રાહ જોઈ રહી હતી. રોયલ ચેલેન્જર્સ બેંગ્લોર [RCB] સામેની મેચમાં સાયવર-બ્રન્ટે વિસ્ફોટક બેટિંગ કરી ટૂર્નામેન્ટની પ્રથમ સદી [First Century in WPL] ફટકારી છે.
રોયલ ચેલેન્જર્સ બેંગ્લોર સામે ‘સાયવર-તુફાન’
બેંગ્લોર સામેની આ મહત્વની મેચમાં નેટ સાયવર-બ્રન્ટે મેદાનની ચારેબાજુ શોર્ટ્સ ફટકારી વિરોધી ટીમના બોલરોને લાચાર કરી દીધા હતા. તેમની આક્રમક રમત જોઈને વિરોધી કેપ્ટન સ્મૃતિ મંધાના [Smriti Mandhana] પણ પ્રશંસા કરવા મજબૂર થઈ ગઈ હતી. સાયવર-બ્રન્ટની આ ઈનિંગે સાબિત કરી દીધું છે કે કેમ તેને વિશ્વની સૌથી ખતરનાક બેટ્સમેન માનવામાં આવે છે.
🚨 NAT SCIVER-BRUNT - THE FIRST EVER CENTURION OF THE WPL HISTORY. 🚨pic.twitter.com/pgQ6sPnyFp
— Mufaddal Vohra (@mufaddal_vohra) January 26, 2026
Nat Sciver-Brunt WPL Century : માત્ર 57 બોલમાં ઐતિહાસિક સદી
નેટ સાયવર-બ્રન્ટે માત્ર 57 બોલમાં પોતાની સદી પૂરી કરી હતી. આ ઈનિંગમાં તેણે 16 ચોગ્ગા અને 1 ગગનચુંબી છગ્ગો ફટકાર્યો હતો. અત્યાર સુધી ઘણા દિગ્ગજો માનતા હતા કે WPL ની પિચો કદાચ સદી માટે અનુકૂળ નથી, પરંતુ ઈંગ્લેન્ડની આ ખેલાડીએ તમામ ધારણાઓ ખોટી સાબિત કરી દીધી છે.
મુંબઈ ઈન્ડિયન્સ માટે આશાનું કિરણ
આ સીઝનમાં સંઘર્ષ કરી રહેલી મુંબઈ ઈન્ડિયન્સ [Mumbai Indians] માટે આ સદી એક સંજીવની સમાન છે. ટેબલ ટોપર RCB ના બોલરો આ તોફાન સામે સંપૂર્ણપણે બેબસ દેખાયા હતા. હવે જોવાનું એ રહેશે કે આ સદી બાદ ટૂર્નામેન્ટમાં સદીઓનો વરસાદ ક્યારે શરૂ થાય છે અને બીજું નામ કોનું હશે.
આ પણ વાંચો : Sir Don Bradman ની Green Cap ની કિંમત જાણીને તમે ચોંકી ઉઠશો !