WWEને Survivor Series 2025 પહેલા અચાનક મળી નવી ચેમ્પિયન! NXT Gold Rush માં મોટો અપસેટ

• NXT Gold Rush ઇવેન્ટમાં વિમેન્સ ચેમ્પિયનશિપ બદલાઈ (NXT Gold Rush Results)
• ટૅટમ પેક્સલીને તેમની સાથી ઇઝી ડેમ તરફથી દગો મળ્યો
• ઇઝી ડેમના હુમલાનો ફાયદો ઉઠાવી જેસી જેન નવા ચેમ્પિયન બન્યા
• પેક્સલીનો ટાઇટલ રન માત્ર 24 દિવસમાં જ સમાપ્ત થયો
• સર્વાઇવર સિરીઝ પહેલા WWE ને અચાનક નવો વિમેન્સ ચેમ્પિયન મળ્યો

NXT Gold Rush Results : WWEમાં આ દિવસોમાં 'Survivor Series 2025' માટેની તૈયારીઓ પૂરજોશમાં ચાલી રહી છે, જેનું બિલ્ડઅપ Raw અને SmackDown બંને શોમાં જોવા મળી રહ્યું છે. આ દરમિયાન, NXTમાં પણ મોટા ફેરફારો થયા છે.

તાજેતરમાં યોજાયેલા NXT Gold Rush ઇવેન્ટમાં એક જોરદાર સરપ્રાઇઝ જોવા મળ્યું, જ્યાં ચાહકોને અણધાર્યો નવી વિમેન્સ ચેમ્પિયન મળી છે. કંપનીએ આ કાર્ડમાં અનેક મોટા ટાઇટલ મેચો રાખી હતી, પરંતુ સૌથી સનસનીખેજ અને યાદગાર મુકાબલો મુખ્ય ઇવેન્ટમાં યોજાયો.

NXT Gold Rushમાં મળ્યો નવો વિમેન્સ ચેમ્પિયન – WWE NXT Women's Championship

NXT Gold Rushની મુખ્ય ઇવેન્ટમાં, 29 વર્ષીય ટૅટમ પેક્સલીએ (Tatum Paxley) પોતાની NXT વિમેન્સ ચેમ્પિયનશિપ જેસી જેન (Jacy Jayne) સામે ડિફેન્ડ કરી. આ મેચ માત્ર ટાઇટલ માટેની નહોતી, પણ તેમાં એક મોટી શરત પણ ઉમેરવામાં આવી હતી: જો જેસી જેન આ મેચ હારી જશે, તો જ્યાં સુધી પેક્સલી ચેમ્પિયન રહેશે ત્યાં સુધી તે ફરીથી ચેમ્પિયનશિપ માટે પડકાર નહીં આપી શકે.

પેક્સલી અને જેન બંનેએ જીત મેળવવા માટે રિંગમાં પોતાની તમામ શક્તિ લગાવી દીધી. મેચ એટલો તીવ્ર હતો કે ઘણી વખત એવું લાગ્યું કે જેસી જેન જીતની નજીક છે, પરંતુ તેમને સફળતા મળી નહોતી. મેચના નિર્ણાયક તબક્કે, જ્યારે લાગ્યું કે પેક્સલી પોતાનો ટાઇટલ જાળવી રાખશે, ત્યારે તેમને એક મોટો આંચકો લાગ્યો.

ઇઝી ડેમનો વિશ્વાસઘાત – Gigi Dolin

પેક્સલીને તેમની સાથીદાર ઇઝી ડેમ (Izzy Dame) તરફથી જ દગો મળ્યો. ડેમે સમગ્ર મેચ દરમિયાન પેક્સલીને મદદ કરવાનો પ્રયાસ કર્યો હતો, પરંતુ અંતિમ ક્ષણે તેમણે પોતાની જ મિત્ર પર પલટવાર કર્યો અને તેમના પર હુમલો કરી દીધો.

રેફરી આ હુમલો જોઈ શક્યા નહોતા. રિંગમાં રહેલી જેસી જેનને આ પરિસ્થિતિનો પૂરેપૂરો ફાયદો મળ્યો. તેમણે તાત્કાલિક પેક્સલી પર પોતાનો ફિનિશિંગ મૂવ લગાવ્યો અને મેચ જીતીને NXT વિમેન્સ ટાઇટલ પોતાના નામે કરી લીધું.

ટૅટમ પેક્સલીનો ટાઇટલ રન માત્ર 24 દિવસમાં સમાપ્ત – WWE NXT Results

ટૅટમ પેક્સલીએ ગયા મહિને 'Halloween Havoc' ઇવેન્ટમાં જેસી જેનને હરાવીને NXT વિમેન્સ ચેમ્પિયનશિપ જીતી હતી. કંપનીએ તેમને જોરદાર પુશ આપ્યો હતો, પરંતુ માત્ર 24 દિવસના ટૂંકા ગાળામાં જ તેમણે પોતાનો ટાઇટલ ગુમાવ્યો. WWEએ આટલા ટૂંકા સમયમાં તેમના ચેમ્પિયનશિપ શાસનનો અંત કેમ લાવ્યો, તે એક મોટો સવાલ છે.

આ પણ વાંચો : જાપાનમાં ભયાનક અગ્નિકાંડ: ઓઇતામાં 170થી વધુ ઇમારતો બળીને રાખ, માછીમારી બંદર નજીક દુર્ઘટના