Pakistan cricketers: પાકિસ્તાન ક્રિકેટનું અસ્તિત્વ જોખમમાં? T20 વર્લ્ડકપના બહિષ્કારની ચીમકી સામે ICC નો શું છે એક્શન પ્લાન
- Pakistan cricketers: પાકિસ્તાન ક્રિકેટનું અસ્તિત્વ સંકટમાં
- જો T20 વર્લ્ડકપ બહિષ્કારની ચીમકી પડી શકે છે ભારે
- આંતરરાષ્ટ્રીય ક્રિકેટ એસોસિએશન કરી શકે છે કડક કાર્યવાહી!
Pakistan cricketers: ICC મેન્સ T20 વર્લ્ડકપ 2026 (T20 World Cup 2026) ના બહિષ્કારની ધમકી પાકિસ્તાન ક્રિકેટ (Pakistan Cricket) માટે ખૂબ જ મોંઘી સાબિત થઈ શકે છે. જો પાકિસ્તાન ક્રિકેટ બોર્ડ (Pakistan Cricket Board) (PCB) ટુર્નામેન્ટમાંથી ખસી જવાનો નિર્ણય લે છે, તો દેશની ક્રિકેટ વ્યવસ્થા વર્ચ્યુઅલ રીતે અલગ થઈ શકે છે. સૂત્રો કહે છે કે આંતરરાષ્ટ્રીય ક્રિકેટ પરિષદ (International Cricket Council) (ICC) એ PCB ને સ્પષ્ટપણે સંકેત આપ્યો છે કે T20 વર્લ્ડકપમાં ભાગ લેવો ફરજિયાત છે. અને તે ખસી જવાથી કડક પ્રતિબંધો લાગશે.
ICC ના સૂત્રોએ ચેતવણી આપી છે કે, જો પાકિસ્તાન ટુર્નામેન્ટનો બહિષ્કાર કરે છે, તો તેના પરિણામો પણ એટલા જ ગંભીર હોઈ શકે છે. આંતરરાષ્ટ્રીય ક્રિકેટ મંચ પર પાકિસ્તાનનું અસ્તિત્વ સંકટમાં મૂકાઈ શકે છે. પાકિસ્તાની ક્રિકેટ આંતરરાષ્ટ્રીય મંચ પર અસ્તિત્વના સંકટનો સામનો કરી શકે છે. આ સંભવિત પ્રતિબંધો ફક્ત મેદાન જ નહીં, પરંતુ પાકિસ્તાનના સમગ્ર ક્રિકેટ અર્થતંત્રને અસર કરશે.
Pakistan cricketers: ICC આ પ્રમાણે કડક પગલાં લઈ શકે છે
1. વિદેશી ખેલાડીઓને પાકિસ્તાન સુપર લીગ (PSL) માટે NOC મળશે નહીં, જે લીગની ચમક છીનવી લેશે
2.PSL ને સત્તાવાર રીતે માન્યતા આપવામાં આવશે નહીં, જે લીગની આંતરરાષ્ટ્રીય વિશ્વસનીયતાને નષ્ટ કરી શકે છે
3. ભારે આવકનું નુકસાન, જે પ્રસારણ, સ્પોન્સરશિપ અને ફ્રેન્ચાઇઝ મૂલ્યને ગંભીર અસર કરશે
4. પાકિસ્તાનને એશિયા કપમાંથી બાકાત રાખવામાં આવી શકે છે
5. કોઈપણ દેશ સાથે કોઈ દ્વિપક્ષીય શ્રેણી નહીં, એટલે કે કોઈ ટીમ પાકિસ્તાન સામે રમવા નહીં આવે.
સૂત્રોના જણાવ્યા અનુસાર, ICC આ મુદ્દાને ખૂબ જ ગંભીરતાથી લઈ રહ્યું છે. ક્રિકેટની સંચાલક સંસ્થા માને છે કે, આંતરરાષ્ટ્રીય ટુર્નામેન્ટ (International tournament)માંથી ખસી જવાથી વૈશ્વિક ક્રિકેટ વ્યવસ્થા માટે ખતરો ઉભો થઈ શકે છે. "સંદેશ સ્પષ્ટ છે, ટુર્નામેન્ટ રમો અથવા આંતરરાષ્ટ્રીય ક્રિકેટથી દૂર થઈ જાઓ." જો આ પ્રતિબંધો લાગુ કરવામાં આવે છે, તો તેની સૌથી મોટી અસર પાકિસ્તાનના ખેલાડીઓ પર પડશે.
આ પણ વાંચો---- પલાશ મુચ્છલ બીજી મહિલા સાથે પકડાયો હતો? મિત્ર વિદ્યાન માનેના ગંભીર આરોપ
પાકિસ્તાની ક્રિકેટની કરોડરજ્જુ ગણાતી PSSL, એક સામાન્ય સ્થાનિક લીગ રહી શકે છે. વૈશ્વિક ક્રિકેટ ફ્રેન્ચાઇઝી અને ICC ઇવેન્ટ્સ પર વધુને વધુ નિર્ભર બનતું જાય છે. તેથી આ નિર્ણય પાકિસ્તાનના ભવિષ્ય માટે એક વળાંક સાબિત થઈ શકે છે. PCB તરફથી કોઈ સત્તાવાર નિવેદન આવ્યું નથી. પરંતુ સૂત્રોનો દાવો છે કે આ મુદ્દા પર બોર્ડમાં કટોકટીની બેઠકો ચાલી રહી છે.
Pakistan cricketers: T20 વર્લ્ડકપ અંગે PCB એ શું કહ્યું?
પાકિસ્તાન ક્રિકેટ બોર્ડ (PCB) ના ચેરમેન મોહસીન નકવી (Mohsin Naqvi) એ સ્પષ્ટ કર્યું છે કે, તેઓ T20 વર્લ્ડકપમાં ભાગ લેવા અંગે કોઈ એકપક્ષીય નિર્ણય લેશે નહીં. મીડિયા સાથે વાત કરતા નકવીએ કહ્યું કે, પાકિસ્તાનનું વલણ સંપૂર્ણપણે સરકારી નિર્દેશો પર નિર્ભર રહેશે. વડાપ્રધાન શાહબાઝ શરીફ (Prime Minister Shahbaz Sharif) તેમના વિદેશ પ્રવાસ પરથી પાછા ફર્યા પછી અંતિમ નિર્ણય લેવામાં આવશે.
મોહસીન નકવીએ કહ્યું, "પાકિસ્તાન સરકાર જે પણ સૂચના આપશે તે અમારું વલણ રહેશે. વડાપ્રધાન પાછા ફર્યા પછી હું તમને અંતિમ નિર્ણયની જાણ કરી શકીશ. આ સરકારનો નિર્ણય છે. અમે સરકારના આદેશોનું પાલન કરીએ છીએ, ICCના નહીં."જ્યારે તેમને પૂછવામાં આવ્યું કે જો પાકિસ્તાન T20 વર્લ્ડકપ નહીં રમે તો PCB પાસે કોઈ વૈકલ્પિક યોજના છે?, ત્યારે નકવીએ કહ્યું કે બોર્ડ પાસે A, B, C અને D યોજનાઓ છે. જ્યારે તેમણે આ યોજનાઓ વિશે કોઈ વિગતો આપી ન હતી, ત્યારે સૂત્રો કહે છે કે PCB એ પણ જાણે છે કે સમગ્ર ટુર્નામેન્ટનો બહિષ્કાર કરવાથી પાકિસ્તાન ક્રિકેટને ન ભરવાપાત્ર નુકસાન થઈ શકે છે.
Pakistan cricketers: બાંગ્લાદેશે T20 વર્લ્ડ કપનો બહિષ્કાર કેમ કર્યો?
સુરક્ષા વ્યવસ્થા અને સ્થળો અંગે આંતરરાષ્ટ્રીય ક્રિકેટ પરિષદ (ICC) સાથે વધતા વિવાદ પછી બાંગ્લાદેશે T20 વર્લ્ડકપમાંથી ખસી જવાનો નિર્ણય લીધો. કોલકાતા નાઈટ રાઈડર્સ (Kolkata Knight Riders) (KKR) એ બાંગ્લાદેશના સ્ટાર ફાસ્ટ બોલર મુસ્તફિઝુર રહેમાન (Fast bowler Mustafizur Rahman) ને તેમની ટીમમાંથી મુક્ત કર્યા પછી તણાવ વધુ ઉગ્ર થયો. બાંગ્લાદેશમાં આ નિર્ણય રાજકીય રીતે સંવેદનશીલ માનવામાં આવતો હતો. જોકે કોઈ સત્તાવાર કારણ જાહેર કરવામાં આવ્યું ન હતું. આનાથી ICC અને બાંગ્લાદેશ ક્રિકેટ બોર્ડ વચ્ચેના સંબંધોમાં વધુ ખટાશ આવી ગઈ. જેના પરિણામે T20 વર્લ્ડકપનો બહિષ્કાર થયો.
આ પણ વાંચો----WPL 2026 : RCB ને પાંચ મેચ બાદ મળી હાર, Smriti Mandhana નો વિજયરથ રોકાયો
આ પણ વાંચો---- શું પાકિસ્તાન પણ કરશે T20 વર્લ્ડ કપનો બહિષ્કાર? બાંગ્લાદેશ બહાર થતા PCB ચીફે ICC પર લગાવ્યા આરોપ