PM મોદીએ Under-19 World Cup જીતવા બદલ ટીમ ઈન્ડિયાના કર્યા વખાણ,જાણો રાહુલ ગાંધી સહિતના નેતાઓએ શું કહ્યું....
- ઈંગ્લેન્ડને હરાવી છઠ્ઠી વખત વર્લ્ડ કપ જીતવા બદલ PM મોદીએ કરી પ્રશંસા (PM Modi Congratulates U19 Team)
- "ભારતની ક્રિકેટ પ્રતિભા ચમકી રહી છે" - પીએમ નરેન્દ્રભાઇ મોદી
- વૈભવ સૂર્યવંશીની 175 રનની ઇનિંગે જીત અપાવવામાં ભજવી મહત્વની ભૂમિકા
- પીએમ મોદીએ સોશિયલ મીડિયા પર ખેલાડીઓના જુસ્સાને વધાવ્યો
ભારતીય અંડર-19 ક્રિકેટ ટીમે (India U19 Cricket Team) ફરી એકવાર વિશ્વ સ્તરે ભારતનું નામ રોશન કર્યું છે. આઈસીસી અંડર-19 વર્લ્ડ કપ 2026 ની (ICC U19 World Cup 2026) ફાઈનલમાં ઈંગ્લેન્ડને (England) હરાવીને છઠ્ઠી વખત ટાઈટલ જીતવા બદલ પ્રધાનમંત્રી નરેન્દ્રભાઇ મોદીએ (PM Narendra Modi) ટીમ ઈન્ડિયાને હાર્દિક અભિનંદન પાઠવ્યા છે. પીએમ મોદીએ યુવા ખેલાડીઓની રમતને દેશ માટે ગર્વની ક્ષણ ગણાવી છે.
PM Modi Congratulates U19 Team: પીએમ મોદીનો સંદેશ
વડાપ્રધાન નરેન્દ્રભાઇ મોદીએ સોશિયલ મીડિયા પ્લેટફોર્મ X પર ટીમની પ્રશંસા કરતા લખ્યું કે, "ભારતની ક્રિકેટ પ્રતિભા ચમકી રહી છે! અમને અમારી અંડર-19 ટીમ પર ગર્વ છે કે તેઓ ભારત માટે વર્લ્ડ કપ લાવ્યા છે. આ જીત માત્ર એક ટાઈટલ નથી, પણ લાખો યુવા ખેલાડીઓ માટે પ્રેરણાનો સ્ત્રોત છે."
India’s cricketing talent shines!
Proud of our U-19 team for bringing home the World Cup. The team has played very well through the tournament, showcasing exceptional skill. This win will inspire several young sportspersons too. Best wishes to the players for their upcoming…
— Narendra Modi (@narendramodi) February 6, 2026
વૈભવ સૂર્યવંશીની ઐતિહાસિક ઇનિંગ
ફાઈનલ મેચમાં ભારતનો દબદબો જોવા મળ્યો હતો. ઓપનર વૈભવ સૂર્યવંશીએ (Vaibhav Suryavanshi) ઈંગ્લેન્ડના બોલરોની લાઇન-લેન્થ બગાડતા 175 રનની આતશી ઇનિંગ રમી હતી. તેમની આ ઇનિંગના જોરે ભારતે ઈંગ્લેન્ડને 100 રનના વિશાળ અંતરથી હરાવી વિશ્વ વિજેતાનો તાજ પહેર્યો હતો.
કેન્દ્રીય ગૃહમંત્રી અમિતભાઇ શાહ
સોશિયલ મીડિયા પર અમિતભાઇ શાહે પોસ્ટ કરીને ભારતીય ટીમને શુભેચ્છા પાઠવી હતી. તેમણે લખ્યું, "આઈસીસી મેન્સ અંડર-19 વર્લ્ડ કપ જીતવા બદલ અમારા યુવા ચેમ્પિયન્સને હાર્દિક અભિનંદન! છઠ્ઠી વખત કપ જીતીને ઐતિહાસિક રેકોર્ડ બનાવનાર તમારા શાનદાર પ્રદર્શને દેશના યુવા ખેલાડીઓને આનંદ, ઉત્સાહ અને પ્રેરણાથી ભરી દીધા છે. આજે આખો દેશ તમારી આ જીતનો જશ્ન મનાવી રહ્યો છે."
Congratulations to our young champs as Team India lifts ICC Men's #U19WorldCup. Your blazing performance, setting the crowning record of winning the cup for the sixth time, thrilled young players with joy, enthusiasm, and motivation.
The nation celebrates your victory. pic.twitter.com/nHKqy7bT8W
— Amit Shah (@AmitShah) February 6, 2026
રાજનાથ સિંહે ખેલાડીઓના દૃઢ સંકલ્પને બિરદાવ્યો
દેશના રક્ષામંત્રી રાજનાથ સિંહે ( Rajnath Singh) પણ ટીમની સિદ્ધિને ગૌરવશાળી ગણાવતા પોસ્ટ કર્યું કે, "આઈસીસી અંડર-19 વર્લ્ડ કપમાં ઐતિહાસિક વિજય મેળવવા બદલ ભારતીય ટીમને ખૂબ ખૂબ અભિનંદન. છઠ્ઠી વખત આ ખિતાબ જીતીને આપણા યુવાનોએ તેમની નોંધપાત્ર પ્રતિભા અને રમત પ્રત્યેનું સમર્પણ સાબિત કર્યું છે. આ વિજય યુવા ભારતની અવિશ્વસનીય હિંમત અને દૃઢ સંકલ્પને પ્રતિબિંબિત કરે છે."
રાહુલ ગાંધીએ ખેલાડીઓના પ્રદર્શનને ગણાવ્યું 'શાનદાર'
વિપક્ષના નેતા રાહુલ ગાંધીએ ( Rahul Gandhi) પણ ભારતીય યુવા ટીમની મુક્તકંઠે પ્રશંસા કરી હતી. તેમણે પોસ્ટમાં જણાવ્યું કે, "વર્લ્ડ કપમાં શાનદાર વિજય માટે અમારી અંડર-19 મેન્સ ટીમને હાર્દિક અભિનંદન! તમારી રમત પ્રત્યેનો સંયમ, નિર્ભયતા અને મક્કમતા એ આજની ભારતીય પેઢીની સાચી ઓળખ છે. છઠ્ઠો અંડર-19 વર્લ્ડ કપ ખિતાબ એ ભારતીય ક્રિકેટના ઉજ્જવળ અને ગૌરવપૂર્ણ ભવિષ્યનો મજબૂત પુરાવો છે. શાનદાર રમત, ચેમ્પિયન!"
આ પણ વાંચો : India Won U19 World Cup : એક પણ મેચ હાર્યા વગર ભારતે જીત મેળવી