Rinku Singh Controversy : વર્લ્ડ કપ પહેલા રિંકુ સિંહ જેલમાં જશે? કરણી સેનાએ કરી કડક માંગ
ટીમ ઈન્ડિયાનો એક એવો ખેલાડી જે મેદાન પર પોતાના શાનદાર પ્રદર્શન માટે જાણીતો છે, તે હવે પોલીસ સ્ટેશનના ચક્કરમાં પડી શકે છે. કારણ છે એક AI વીડિયો. સોશિયલ મીડિયા પર મનોરંજન માટે મૂકવામાં આવેલી એક પોસ્ટ હવે ધાર્મિક વિવાદનું કારણ બની ગઈ છે. કરણી સેના ગુસ્સામાં છે અને પોલીસ તપાસ શરૂ થઈ છે. આખરે રિંકુ સિંહે એવું તે શું પોસ્ટ કર્યું?
Advertisement
- ટીમ ઈન્ડિયાના ક્રિકેટર રિંકુ સિંહ સામે પોલીસ ફરિયાદ
- સોશિયલ મીડિયા પર દેવી-દેવતાઓનો AI વીડિયો શેર કરતા વિવાદ
- હનુમાનજી અને શિવજીને ચશ્મા પહેરી કાર ચલાવતા દર્શાવ્યા
- ધાર્મિક લાગણી દુભાતા કરણી સેનાએ પોલીસ સ્ટેશનમાં કરી અરજી
- સાસની ગેટ પોલીસ સ્ટેશનમાં ક્રિકેટર વિરુદ્ધ તપાસ શરૂ
Rinku Singh Controversy : ભારતીય ક્રિકેટ ટીમના ઉભરતા સિતારા અને ટી-20 સ્પેશિયાલિસ્ટ ગણાતા રિંકુ સિંહ (Rinku Singh) મોટી મુશ્કેલીમાં મુકાયા છે. સોશિયલ મીડિયા (Social Media) પર એક વીડિયો શેર કરવો આ યુવા ક્રિકેટરને ભારે પડી ગયો છે. રિંકુ સિંહે આર્ટિફિશિયલ ઈન્ટેલિજન્સ (AI) ની મદદથી બનાવેલો હિન્દુ દેવી-દેવતાઓનો એક વીડિયો પોસ્ટ કર્યો હતો, જેના કારણે વિવાદ સર્જાયો છે અને તેમની સામે પોલીસ ફરિયાદ પણ નોંધવામાં આવી છે.