Shikhar Dhawan: ભૂતપૂર્વ ભારતીય ક્રિકેટર (Former Indian cricketer) શિખર ધવનના જીવનમાં બીજી વખત લગ્નની શરણાઈ વાગશે. ભારતીય ક્રિકેટના "ગબ્બર" તરીકે જાણીતા ધવન તેની ગર્લફ્રેન્ડ (Girlfriend) સાથે લગ્ન કરવા માટે તૈયાર છે. મળતી માહિતી મુજબ તે ફેબ્રુઆરીમાં લગ્ન કરવા જઈ રહ્યો છે. ફેબ્રુઆરીના ત્રીજા અઠવાડિયામાં દિલ્હી-એનસીઆરમાં એક ભવ્ય કાર્યક્રમ યોજાશે. જેમાં ક્રિકેટ (Cricket) અને બોલિવૂડ (Bollywood) ની મોટી મોટી હસ્તીઓ હાજરી આપશે. લગ્નની તૈયારીઓ પહેલાથી જ શરૂ થઈ ગઈ છે.
![Shikhar Dhawan 01_GUJARAT_FIRST]()
Shikhar Dhawan: કોણ છે દુલ્હન?
શિખર ધવન તેની ગર્લફ્રેન્ડ સોફી સાઈન (sophie shine) સાથે લગ્ન કરવાનો છે. બંને વચ્ચે છેલ્લા લાંબા સમયથી પ્રેમસંબંધ ચાલી રહ્યો છે. આપને જણાવી દઈએ કે, સોફી સાઈન આયર્લેન્ડની મોડલ પણ છે. ICC ચેમ્પિયન્સ ટ્રોફી 2025 (ICC Champions Trophy 2025) દરમિયાન શિખર ધવન અને સાઇન સાથે જોવા મળ્યા હતા. ત્યારબાદથી બંનેના સંબંધોને લઈને અફવાઓ શરૂ થઈ ગઈ હતી. સમય જતાં, સોશિયલ મીડિયા પર નાના-નાના સંકેતો અને જાહેરમાં બંને સ્પોટ થવા લાગ્યા હતા. જેથી ફેન્સે તેમના સંબંધોની પુષ્ટિ કરી હતી.
મિત્રતા ધીમે ધીમે પ્રેમમાં પરિણમી
અહેવાલો અનુસાર, શિખર અને સોફી થોડા વર્ષો પહેલા દુબઈમાં મળ્યા હતા. તેઓ પહેલા મિત્ર બન્યા, બાદમાં મિત્રતા ધીમે ધીમે પ્રેમમાં પરિણમી. આ પછી સોફી IPL 2024 દરમિયાન ઘણી વખત જોવા મળી હતી.
આ પણ વાંચો--------Pakistan Video: પાકિસ્તાનમાં પણ ધુરંધર ફિલ્મના ચાહકો, "શરારત" ગીત પર પાકિસ્તાની યુવતીઓએ લગાવ્યા ઠુમકા, વીડિયો વાયરલ
સોફી શાઇન કોણ છે?
સોફી એક આઇરિશ પ્રોડક્ટ કન્સલ્ટન્ટ (Irish Product Consultant) છે. જે એક પ્રતિષ્ઠિત વ્યાવસાયિક કંપની છે. તેણે લિમેરિક ઇન્સ્ટિટ્યૂટ ઓફ ટેકનોલોજી (Limerick Institute of Technology) માંથી માર્કેટિંગ અને મેનેજમેન્ટમાં ડિગ્રી મેળવી છે. અગાઉ આયર્લેન્ડ (Ireland) ની કાસલરોય કોલેજમાં અભ્યાસ કર્યો છે. તે હાલમાં યુએઈના અબુ ધાબીમાં નોર્ધન ટ્રસ્ટ કોર્પોરેશનમાં સેકન્ડ વાઇસ પ્રેસિડેન્ટ તરીકે સેવા આપે છે. ચર્ચામાં ન હોવા છતાં, સોફીએ તેના ગ્લેમરસ લુક્સ અને સ્ટાઇલિશ ફોટાથી ધ્યાન ખેંચ્યું છે.
નોંધનીય છે કે, શિખરના પહેલા લગ્ન ઓસ્ટ્રેલિયન નાગરિક (Australian citizen) આયેશા સાથે થયા હતા. જેનાથી તેમને ઝોરાવર ધવન નામનો દીકરો પણ છે. શિખરથી ઉંમરમાં 10 વર્ષ મોટી આયેશા કિકબોક્સર (Kickboxer) છે. ધવને 2012 માં આયેશા સાથે લગ્ન કર્યા હતા. સપ્ટેમ્બર 2021 માં આયેશાએ ધવનથી અલગ થવાની જાહેરાત કરી હતી. અને અંતે તેમણે વર્ષ 2023 માં છૂટાછેડા લઈ લીધા હતા.
આ પણ વાંચો-------- United in Triumph : World Cup Winner ટીમોના સન્માનમાં નીતાબેન અંબાણી દ્વારા વિશેષ કાર્યક્રમ યોજાયો
આ પણ વાંચો--------Kapil Dev Birthday Special: ભારતને પહેલો વર્લ્ડ કપ જીતાડનાર કપિલ દેવનો જન્મદિવસ, કેવી રીતે એક જીતે ક્રિકેટની આખી તસ્વીર બદલી નાખી?
