આફ્રિકાના મેદાન પર 'વૈભવ'ની ગર્જના, 10 સિક્સર સાથે ફિફ્ટી ફટકારી રચ્યો ઈતિહાસ
ભારત અંડર-19 ના કેપ્ટન વૈભવ સૂર્યવંશીએ સાઉથ આફ્રિકાની ધરતી પર બેટિંગનું એવું પ્રદર્શન કર્યું કે સ્કોરબોર્ડ પણ હાંફવા લાગ્યું! માત્ર 19 બોલમાં અડધી સદી અને મેદાનની બહાર જતી 10 ગગનચુંબી સિક્સરોએ વિરોધી ટીમના આત્મવિશ્વાસના લીરેલીરા ઉડાડી દીધા છે. ડોમેસ્ટિક ક્રિકેટનો આ ફોર્મ આંતરરાષ્ટ્રીય સ્તરે કેવી રીતે આફત બનીને તૂટી પડ્યો, તે જાણવું રસપ્રદ છે.
Advertisement
- વૈભવ સૂર્યવંશીએ સાઉથ આફ્રિકામાં મચાવ્યું પ્રચંડ વાવાઝોડું (Vaibhav Suryavanshi fastest fifty)
- માત્ર 19 બોલમાં તોફાની અડધી સદી ફટકારી
- 24 બોલની ઇનિંગમાં ફટકારી 10 ગગનચુંબી સિક્સર
- સાઉથ આફ્રિકા સામે 68 રનની વિસ્ફોટક ઇનિંગ રમી
- વિજય હજારે ટ્રોફીનું શાનદાર ફોર્મ રાખ્યું અકબંધ
Vaibhav Suryavanshi fastest fifty : ભારત અંડર-19 અને દક્ષિણ આફ્રિકા અંડર-19 વચ્ચે રમાઈ રહેલી ત્રણ મેચોની વનડે શ્રેણીના બીજા મુકાબલામાં ભારતીય સુકાની વૈભવ સૂર્યવંશીએ મેદાન પર ચોતરફ રનનો વરસાદ કરીને સનસનાટી મચાવી દીધી છે. સાઉથ આફ્રિકાની ધરતી પર ભારતીય યુવા બેટ્સમેનનું આવું આક્રમક વલણ જોઈને ક્રિકેટ જગત સ્તબ્ધ થઈ ગયું છે.