SRH vs DC Result : સનરાઇઝર્સ હૈદરાબાદે દિલ્હી કેપિટલ્સને 47 રને આપ્યો કારમો પરાજય

• SRH vs DC Result :  અભિષેક શર્માના 68 બોલમાં 135 રનની મદદથી SRH એ બનાવ્યા 242 રન
• 243 રનના લક્ષ્યાંક સામે દિલ્હીની ટીમ 20 ઓવરમાં 9 વિકેટે 195 રન બનાવી શકી
• અભિષેકે પોતાની ઇનિંગ દરમિયાન 10 સિક્સર અને 10 ચોગ્ગા ફટકારી રેકોર્ડ સર્જ્યો

ઇન્ડિયન પ્રીમિયર લીગ 2026 (IPL 2026) ની 31મી મેચમાં સનરાઇઝર્સ હૈદરાબાદે (Sunrisers Hyderabad) દિલ્હી કેપિટલ્સને [Delhi Capitals] 47 રને પરાજય આપીને પોઈન્ટ ટેબલમાં પોતાની પકડ મજબૂત કરી છે. હૈદરાબાદના રાજીવ ગાંધી સ્ટેડિયમમાં રમાયેલી આ મેચમાં અભિષેક શર્માના [Abhishek Sharma] તોફાની 135 રનની મદદથી હૈદરાબાદે 242 રનનો વિશાળ સ્કોર ખડક્યો હતો, જેના જવાબમાં દિલ્હીની ટીમ નિર્ધારિત 20 ઓવરમાં 9 વિકેટે 195 રન જ બનાવી શકી હતી.

SRH vs DC Result :  અભિષેક શર્માની તોફાની બેટિંગ

મેચની શરૂઆતથી જ અભિષેક શર્મા દિલ્હીના બોલરો પર તૂટી પડ્યો હતો. તેણે માત્ર 47 બોલમાં પોતાની IPL કારકિર્દીની બીજી સદી [IPL Century] ફટકારી હતી. પોતાની 135 રનની અણનમ ઈનિંગ દરમિયાન અભિષેકે 10 ચોગ્ગા અને 10 ગગનચુંબી છગ્ગા ફટકાર્યા હતા. દિલ્હીના અનુભવી બોલરો અક્ષર પટેલ [Axar Patel] અને કુલદીપ યાદવ [Kuldeep Yadav] પણ તેને રોકવામાં નિષ્ફળ રહ્યા હતા. હૈદરાબાદે 20 ઓવરમાં માત્ર 2 વિકેટ ગુમાવીને 242 રન બનાવ્યા હતા.

Explosive with the bat 🔥
Lethal with the ball ⚡#SRH clinch a 4️⃣7️⃣-run win to make it three-in-a-row at home 🧡

Updates ▶️ https://t.co/VgUjXDlrDh#TATAIPL | #KhelBindaas | #SRHvDC | @SunRisers pic.twitter.com/Vcmp5r5sh1

— IndianPremierLeague (@IPL) April 21, 2026

દિલ્હીની ટીમ વિશાળ સ્કોર સામે નતમસ્તક

243 રનના વિશાળ લક્ષ્યાંકનો પીછો કરવા ઉતરેલી દિલ્હી કેપિટલ્સની શરૂઆત નબળી રહી હતી. જોકે, મધ્યક્રમમાં બેટ્સમેનોએ રન રેટ જાળવી રાખવા પ્રયાસ કર્યો હતો, પરંતુ હૈદરાબાદના બોલરોએ સમયાંતરે વિકેટ ઝડપીને દિલ્હીને બેકફૂટ પર ધકેલી દીધું હતું. દિલ્હીની ટીમ 20 ઓવરમાં 195 રન સુધી પહોંચી શકી હતી અને 47 રને મેચ ગુમાવી દીધી હતી. હૈદરાબાદ તરફથી શાનદાર બોલિંગ પ્રદર્શન જોવા મળ્યું હતું, જેના કારણે દિલ્હીના 9 બેટ્સમેનો પેવેલિયન ભેગા થયા હતા.

આ પણ વાંચો:  Abhishek Sharmaની તોફાની સદી, દિલ્હી સામે 68 બોલમાં 135 રન બનાવી રચ્યો ઈતિહાસ