IPL 2025 Opening Ceremony: ભારતમાં ક્રિકેટનો તહેવાર કહેવાતી ઈન્ડિયન પ્રીમિયર લીગની 18મી સીઝન 22 માર્ચથી શરૂ થવા જઈ રહી છે. ટુર્નામેન્ટની પહેલી મેચમાં ડિફેન્ડિંગ ચેમ્પિયન કોલકાતા નાઈટ રાઈડર્સનો મુકાબલો આરસીબી સામે થશે. IPL 2025 નો ઉદ્ઘાટન સમારોહ શાનદાર બનવાનો છે. દિશા પટાણી તેના ડાન્સ મૂવ્સથી ઇવેન્ટમાં ગ્લેમર ઉમેરશે, જ્યારે શ્રેયા ઘોષાલ તેના મધુર અવાજથી ઇડન ગાર્ડન્સના મેદાનને આગ લગાડતી જોવા મળશે.KKR એ ગયા સિઝનમાં સનરાઇઝર્સ હૈદરાબાદને હરાવીને ટાઇટલ જીત્યું હતું.આવી સ્થિતિમાં IPL 2025 માં પણ ટીમ જીત સાથે ટુર્નામેન્ટની શરૂઆત કરવા પર નજર રાખશે.
ઉદ્ઘાટન સમારોહ ભવ્ય રહેશે
IPL 2025 ના ઉદ્ઘાટન સમારોહમાં ઘણા સ્ટાર્સ પરફોર્મ કરતા જોવા મળશે.બોલિવૂડ અભિનેત્રી દિશા પટણી (Disha Patani)ઇડન ગાર્ડન્સમાં હાજર તમામ ચાહકોને તેના ડાન્સ મૂવ્સથી નાચવા મજબૂર કરશે જ્યારે શ્રેયા ઘોષાલનો (Shreya Ghoshal)મધુર અવાજ ઇડન ગાર્ડન્સનું વાતાવરણ બનાવશે.આ સાથે પંજાબી ગાયક Karn Aujla પણ પોતાના અવાજથી શોનું ધ્યાન ખેંચતા જોવા મળશે.આ સ્ટાર્સના પ્રદર્શનની સાથે,ઘણા અન્ય રંગબેરંગી કાર્યક્રમોનું પણ આયોજન કરવામાં આવશે.કોલકાતાના ઇડન ગાર્ડન્સ મેદાનમાં IPL 2025 ની શરૂઆતની મેચ રમાશે.પ્રથમ મેચમાં KKRનો મુકાબલો RCB સામે થશે.
આ પણ વાંચો -Shocking News : ક્રિકેટના ઈતિહાસનો ચોંકાવનારો રેકોર્ડ! 1 બોલ પર બન્યા હતા 286 રન
KKR નો દબદબો જોવા મળ્યો
IPL 2024 માં,કોલકાતા નાઈટ રાઈડર્સે રોયલ ચેલેન્જર્સ બેંગ્લોર પર સંપૂર્ણ પ્રભુત્વ જમાવ્યું.ગયા સિઝનમાં બંને ટીમો બે વાર ટકરાઈ હતી અને બંને વખત KKR જીત્યું હતું. પહેલી મેચમાં રોયલ ચેલેન્જર્સ બેંગ્લોરે 7 વિકેટે જીત મેળવી હતી.જ્યારે બીજી મેચમાં કોલકાતા નાઈટ રાઈડર્સે એક રનથી જીત મેળવી.આ વખતે KKR નવા કેપ્ટનના નેતૃત્વમાં રમતા જોવા મળશે. કોલકાતાની કમાન અજિંક્ય રહાણેને સોંપવામાં આવી છે.તે જ સમયે રજત પાટીદાર IPL 2025 માં RCB ની કેપ્ટનશીપ કરતો જોવા મળશે.
આ પણ વાંચો -Team India માં સ્થાન ન મળવા પર ચહલે તોડ્યું મૌન,કહ્યું- 'કુલદીપ..!
આ વખતે મેગા ઓક્શનમાં, KKR એ ક્વિન્ટન ડી કોક,રહાણે,રોવમેન પોવેલ,મનીષ પાંડે,મોઈન અલી જેવા મજબૂત ખેલાડીઓને પોતાની ટીમમાં ઉમેર્યા છે.તે જ સમયે ટીમે વેંકટેશ ઐયર માટે 23.75 કરોડ રૂપિયા ખર્ચ્યા છે.બોલિંગમાં KKR પાસે એનરિચ નોર્ટજે,સ્પેન્સર જોહ્ન્સન,હર્ષિત રાણા જેવા ઝડપી બોલરો છે.જ્યારે સ્પિન વિભાગમાં ટીમ પાસે વરુણ ચક્રવર્તી,સુનીલ નારાયણ અને મયંક છે.જે તેમના સ્પિનથી કોઈપણ ટીમના બેટિંગ ક્રમને નષ્ટ કરી શકે છે.
