તિલક વર્મા આઉટ, શુભમન ગિલ ઈન? ન્યૂઝીલેન્ડ સીરીઝ પહેલા મોટો ફેરફાર
- Tilak Varma Injury News : તિલક વર્મા ન્યૂઝીલેન્ડ શ્રેણીમાંથી બહાર
- પેટની ગંભીર સમસ્યાના કારણે તિલક વર્માની કરાઈ સર્જરી
- ન્યૂઝીલેન્ડ સામેની પ્રથમ 3 ટી-20 મેચોમાંથી થયો આઉટ
- હાલ હોસ્પિટલમાંથી રજા અપાઈ, રિકવરી પર BCCIની નજર
- તિલકની જગ્યાએ શુભમન ગિલની વાપસીની પ્રબળ શક્યતા
Tilak Varma Injury News : ભારતીય ક્રિકેટ ચાહકો માટે ન્યૂઝીલેન્ડ સામેની શ્રેણી પહેલા એક ચિંતાજનક સમાચાર સામે આવ્યા છે. ટીમ ઈન્ડિયાનો સ્ટાર મિડલ ઓર્ડર બેટ્સમેન તિલક વર્મા અચાનક ઈજાગ્રસ્ત થતા આગામી T20 શ્રેણીની શરૂઆતની મેચોમાંથી બહાર થઈ ગયો છે. પેટની ગંભીર સમસ્યાને કારણે તિલકને ઈમરજન્સી સર્જરી કરાવવી પડી છે, જેના કારણે તે મેદાનથી દૂર રહેશે.
તિલક વર્માની સર્જરી અને BCCIનું અપડેટ
BCCI દ્વારા જારી કરાયેલ સત્તાવાર અહેવાલ મુજબ, તિલક વર્માની સર્જરી 7 જાન્યુઆરીએ સફળતાપૂર્વક પૂર્ણ થઈ હતી અને 8 જાન્યુઆરીએ તેમને હોસ્પિટલમાંથી રજા આપવામાં આવી છે. હાલમાં તેઓ રિકવરીના તબક્કામાંથી પસાર થઈ રહ્યા છે. બોર્ડે સ્પષ્ટ કર્યું છે કે જ્યાં સુધી સર્જરીના ઘા સંપૂર્ણ રીતે મટી ન જાય ત્યાં સુધી તે ટ્રેનિંગ કે મેચ રમી શકશે નહીં. તે પ્રથમ ત્રણ T20 મેચોમાં ચોક્કસપણે રમી શકશે નહીં.
🚨 NEWS 🚨
Tilak Varma ruled out of the first three T20Is against New Zealand.
His availability for the remaining two matches will be assessed based on his progress during the return-to-training and skill phases.
Details 🔽 | #TeamIndia | #INDvNZ | @IDFCFIRSTBank…
— BCCI (@BCCI) January 8, 2026
Tilak Varma Injury News : શું તિલક વર્મા T20 વર્લ્ડ કપ માટે ફિટ થશે?
ભારત અને ન્યૂઝીલેન્ડ વચ્ચે 21 જાન્યુઆરીથી પાંચ T20 મેચોની શ્રેણી રમાવાની છે. T20 વર્લ્ડ કપ નજીક હોવાથી તિલકની આ ઈજા પસંદગીકારો માટે માથાનો દુખાવો બની શકે છે. બાકીની બે મેચોમાં તે રમશે કે નહીં તેનો નિર્ણય તેની રિકવરીની ગતિ પરથી લેવામાં આવશે. તિલક તેની આક્રમક બેટિંગ અને સ્પિન બોલરો સામેના શાનદાર પ્રદર્શન માટે જાણીતો છે.
શુભમન ગિલની થશે વાપસી?
તિલક વર્માના બહાર થવાથી હવે ટીમમાં એક જગ્યા ખાલી પડી છે. આ સંજોગોમાં શુભમન ગિલની વાપસીની ચર્ચાઓ તેજ થઈ છે. ગિલ દક્ષિણ આફ્રિકા શ્રેણીમાં વાઇસ કેપ્ટન હતો, પરંતુ ખરાબ ફોર્મને કારણે તે વર્લ્ડ કપની યોજનામાંથી બહાર દેખાતો હતો. હવે તિલકની ઈજા ગિલ માટે ટીમમાં ફરી જગ્યા બનાવવાની તક સાબિત થઈ શકે છે.
આ પણ વાંચો : T20 World Cup Ticket : શું તમે વર્લ્ડ કપની ટિકિટ બુક કરી? જાણો કેવી રીતે મળશે સૌથી સસ્તી ટિકિટ