U19 Women T20 WC:ટીમ ઈન્ડિયાની શાનદાર જીત,5 ઓવરમાં જીતી મેચ

• U19 Women T20 WCમાં ભારતની શાનદાર જીત
• વેસ્ટ ઈન્ડિઝ 44 રનમાં ઓલઆઉટ થયું
• આયુષી શુક્લાએ બે-બે વિકેટ લીધી

U19 Women T20 WC:કુઆલાલંપુરમાં આઈસીસી મહિલા અંડર-19 વર્લ્ડકપની (U19 Women T20 WC)શરુઆત થઈ ગઈ છે અને હવે ભારતીય ટીમે પણ તેમાં પોતાનું અભિયાન શરૂ કરી દીધું છે. ગ્રુપ A માં સમાવિષ્ટ ટીમ ઈન્ડિયાએ સારી શરૂઆત કરી છે અને તેની પહેલી જ મેચમાં વેસ્ટ ઈન્ડિઝને 9 વિકેટથી હરાવ્યું છે.

વેસ્ટ ઈન્ડિઝ 44 રનમાં ઓલઆઉટ થયું

પ્રથમ બેટિંગ કરતા, વેસ્ટ ઈન્ડિઝ મોટો સ્કોર કરવામાં નિષ્ફળ ગયું અને 13.2 ઓવરમાં ઓલઆઉટ થઈને 44 રન બનાવ્યા. જવાબમાં ભારતને લક્ષ્યનો પીછો કરવામાં બહુ મુશ્કેલીનો સામનો કરવો પડ્યો નહીં અને માત્ર 4.2 ઓવરમાં 1 વિકેટ ગુમાવીને 47 રન બનાવીને જીત મેળવી. ભારતીય બોલર વીજે જોશીતાને પ્લેયર ઓફ ધ મેચ જાહેર કરવામાં આવી.

ભારતીય બોલરોએ વેસ્ટ ઈન્ડીઝના બેટ્સમેનોને કર્યા હેરાન

ભારતે ટોસ જીતીને પહેલા બોલિંગ કરવાનો નિર્ણય લીધો અને શરૂઆતથી જ આ નિર્ણય સાચો લાગતો હતો. કેરેબિયન ટીમે પ્રથમ પાંચ ઓવરમાં જ ત્રણ વિકેટ ગુમાવી દીધી હતી. વિકેટો વધુ પડતી રહી અને સ્કોર 26/5 થયો. આ દરમિયાન એસ્બી કેલેન્ડરે સૌથી વધુ 12 રન અને કેપ્ટન સમારા રામનાથે 3 રન બનાવ્યા, જ્યારે નજાની કમ્બરબેચ, જહઝારા ક્લાક્સટન અને બ્રિઆના હરિચરણ પોતાનું ખાતું પણ ખોલાવી શક્યા નહીં.

આ પણ  વાંચો- Cricket : ચેમ્પિયન્સ ટ્રોફી પહેલા સ્ટાર ખેલાડી સામે અરેસ્ટ વોરંટ જાહેર!

આયુષી શુક્લાએ બે-બે વિકેટ લીધી

કેનિકા કૈસરે 15 રન બનાવ્યા અને તે ઈનિંગ્સમાં સૌથી વધુ સ્કોરર રહી. બીજા કોઈના બેટથી કોઈ નોંધપાત્ર યોગદાન ન હતું અને તેથી વેસ્ટ ઈન્ડિઝની ટીમ 50 રનના સ્કોર સુધી પણ પહોંચી શકી નહીં. વેસ્ટ ઈન્ડીઝની ઈનિંગ્સમાં પાંચ બેટ્સમેન ખાતું પણ ખોલાવી શક્યા ન હતા. ભારતીય ટીમ તરફથી પરુણિકા સિસોદિયાએ સૌથી વધુ ત્રણ વિકેટ લીધી. વીજે જોશીતા અને આયુષી શુક્લાએ બે-બે વિકેટ લીધી.

આ પણ  વાંચો- Manu Bhaker:સ્ટાર શૂટર મનુ ભાકરના નાની અને મામાનું મોત, માર્ગ અકસ્માતમાં ગુમાવ્યો જીવ

ટીમ ઈન્ડિયાએ સરળતાથી લક્ષ્ય હાંસલ કર્યું

નાના લક્ષ્યનો પીછો કરવા ઉતરેલી ભારતીય ટીમને વધુ સંઘર્ષ કરવો પડ્યો નહીં. શરૂઆત બહુ સારી ન હતી કારણ કે ગોંગડી ત્રિશા 4 રન બનાવીને પહેલી જ ઓવરમાં આઉટ થઈ ગઈ હતી. જી કમાલિની અને સાનિકા ચલકેની જોડીએ ભારતને પાંચમી ઓવરમાં જ લક્ષ્ય સુધી પહોંચાડ્યું. કમલિનીએ 16 રનની અણનમ ઈનિંગ રમી, જ્યારે સાનિકાએ 18* રન બનાવ્યા. વેસ્ટ ઈન્ડિઝ માટે એકમાત્ર સફળતા જહઝારા ક્લૈક્સટનને મળી.