Vaibhav Suryavanshi Century: વૈભવે આફ્રિકન બોલરોને બરાબરના ધોયા, 63 બોલમાં સદી
દક્ષિણ આફ્રિકાના પ્રવાસ પર રમાઈ રહેલી અંડર-19 વનડે શ્રેણીમાં ભારતીય ટીમના યુવા કેપ્ટન વૈભવ સૂર્યવંશીએ બેટિંગમાં એવો જાદુ ચલાવ્યો છે કે આખું આફ્રિકા સ્તબ્ધ થઈ ગયું છે. વિજય હજારે ટ્રોફીમાં ડબલ સેન્ચુરીની નજીક પહોંચનાર આ ખેલાડીએ હવે આંતરરાષ્ટ્રીય સ્તરે માત્ર થોડા જ બોલમાં સદી ફટકારીને પોતાની તાકાત બતાવી દીધી છે. શું ભારત આ શ્રેણીમાં ક્લીન સ્વીપ કરી શકશે?
Advertisement
- અંડર-19 કેપ્ટન વૈભવે માત્ર 63 બોલમાં ફટકારી શાનદાર સદી (Vaibhav Suryavanshi Century)
- ત્રીજી વનડે મેચમાં 7 ચોગ્ગા અને 8 છગ્ગા સાથે આક્રમક રમત
- ભારત પહેલા જ શ્રેણીમાં 2-0 થી અજેય સરસાઈ ધરાવે છે
- અગાઉ બીજી મેચમાં માત્ર 24 બોલમાં બનાવ્યા હતા 68 રન
- ભારતીય ટીમની નજર હવે આફ્રિકા વિરુદ્ધ ક્લીન સ્વીપ કરવા પર
Vaibhav Suryavanshi Century : ભારત અને દક્ષિણ આફ્રિકાની અંડર-19 ટીમો વચ્ચે રમાઈ રહેલી ત્રણ મેચોની વનડે શ્રેણીમાં ભારતીય યુવા ખેલાડીઓએ શાનદાર પ્રદર્શન કર્યું છે. પ્રથમ બે મેચ જીતીને ભારત પહેલા જ શ્રેણી 2-0 થી પોતાના નામે કરી ચૂક્યું છે, ત્યારે ત્રીજી મેચમાં ભારતીય કેપ્ટન વૈભવ સૂર્યવંશીએ દક્ષિણ આફ્રિકાના મેદાન પર રનની રમઝટ બોલાવી દીધી છે.