Vaibhav Suryavanshi Century: વૈભવે આફ્રિકન બોલરોને બરાબરના ધોયા, 63 બોલમાં સદી

• અંડર-19 કેપ્ટન વૈભવે માત્ર 63 બોલમાં ફટકારી શાનદાર સદી (Vaibhav Suryavanshi Century)
• ત્રીજી વનડે મેચમાં 7 ચોગ્ગા અને 8 છગ્ગા સાથે આક્રમક રમત
• ભારત પહેલા જ શ્રેણીમાં 2-0 થી અજેય સરસાઈ ધરાવે છે
• અગાઉ બીજી મેચમાં માત્ર 24 બોલમાં બનાવ્યા હતા 68 રન
• ભારતીય ટીમની નજર હવે આફ્રિકા વિરુદ્ધ ક્લીન સ્વીપ કરવા પર

Vaibhav Suryavanshi Century  : ભારત અને દક્ષિણ આફ્રિકાની અંડર-19 ટીમો વચ્ચે રમાઈ રહેલી ત્રણ મેચોની વનડે શ્રેણીમાં ભારતીય યુવા ખેલાડીઓએ શાનદાર પ્રદર્શન કર્યું છે. પ્રથમ બે મેચ જીતીને ભારત પહેલા જ શ્રેણી 2-0 થી પોતાના નામે કરી ચૂક્યું છે, ત્યારે ત્રીજી મેચમાં ભારતીય કેપ્ટન વૈભવ સૂર્યવંશીએ દક્ષિણ આફ્રિકાના મેદાન પર રનની રમઝટ બોલાવી દીધી છે.

વૈભવ સૂર્યવંશીની વિસ્ફોટક સદી

શ્રેણીની ત્રીજી મેચમાં કેપ્ટન વૈભવ સૂર્યવંશીએ આફ્રિકન બોલરોની લાઇન અને લેન્થ બગાડી નાખી હતી. સલામી બેટ્સમેન તરીકે મેદાનમાં ઉતરેલા વૈભવે આરુષ જ્યોર્જ સાથે મળીને પ્રથમ વિકેટ માટે શાનદાર શતકીય ભાગીદારી નોંધાવી હતી. વૈભવે માત્ર 63 બોલમાં પોતાની સદી પૂરી કરી હતી. સમાચાર લખાય છે ત્યાં સુધી તે 65 બોલમાં 104 રન બનાવી ક્રિઝ પર અડીખમ છે, જેમાં તેણે 7 ચોગ્ગા અને 8 ગગનચુંબી છગ્ગા ફટકાર્યા છે.

Captain Vaibhav suryavanshi launches a spectacular six then holds the pose for the cameras in the 3rd youth ODI with SA. 🥵 pic.twitter.com/TG2rSICYn5

— Gangadhar (@90_andypycroft) January 7, 2026

Vaibhav Suryavanshi Century : બીજી મેચમાં પણ મચાવ્યો હતો તરખાટ

વૈભવ સૂર્યવંશીનું ફોર્મ આ આખી શ્રેણીમાં લાજવાબ રહ્યું છે. બીજી વનડે મેચમાં તેણે માત્ર 24 બોલમાં 68 રનની તોફાની ઇનિંગ રમી હતી, જેમાં 10 છગ્ગા અને 1 ચોગ્ગો સામેલ હતો. ભારત આ મેચ DLS પદ્ધતિથી 8 વિકેટે જીત્યું હતું. શ્રેણીની પ્રથમ મેચ પણ ભારતે DLS પદ્ધતિ દ્વારા 25 રને જીતી લીધી હતી.

ડોમેસ્ટિક ક્રિકેટમાં પણ શાનદાર રેકોર્ડ

વૈભવ માત્ર આંતરરાષ્ટ્રીય સ્તરે જ નહીં, પરંતુ ઘરેલું ક્રિકેટમાં પણ ધમાલ મચાવી રહ્યો છે. આ શ્રેણી પહેલા તેણે વિજય હજારે ટ્રોફી 2025-26 માં બિહાર તરફથી રમતા અરુણાચલ પ્રદેશ સામે 190 રનની ઐતિહાસિક ઇનિંગ રમી હતી.

આ પણ વાંચો : Vadodara Airport પર King Kohli ને જોવા ભીડ ઉમટી, ODI પહેલા ખેલાડીઓનું આગમન