RR vs LSG: વૈભવ સૂર્યવંશીની ઐતિહાસિક સિદ્ધિ, છગ્ગો ફટકારીને IPLમાં ડેબ્યૂ કરનાર 10મો ખેલાડી બન્યો

• વૈભવ સૂર્યવંશીની ઐતિહાસિક સિદ્ધિ
• IPLમાં ડેબ્યૂ કરનાર 10મો ખેલાડી બન્યો
• વૈભવે રિયાન પરાગનો રેકોર્ડ તોડ્યો

IPL 2025: IPL ઇતિહાસના સૌથી યુવા ખેલાડી વૈભવ સૂર્યવંશીએ આખરે 14 વર્ષની ઉંમરે ડેબ્યૂ કર્યું. બધા વૈભવના ડેબ્યૂની રાહ જોઈ રહ્યા હતા અને જ્યારે સંજુ સેમસન ઘાયલ થઈને લખનૌ સામેની મેચમાંથી બહાર થઈ ગયો, ત્યારે વૈભવે યશસ્વી જયવાલ સાથે મળીને રાજસ્થાન માટે ઇનિંગની શરૂઆત કરી. જોકે, વૈભવ આઉટ થયા બાદ બહાર નીકળ્યો ત્યારે તેની આંખમાંથી આંસુ નીકળી ગયા હતા.

આ લીગમાં વૈભવની શરૂઆત સારી રહી. પહેલી જ મેચમાં તેણે 20 બોલમાં 3 છગ્ગા અને 2 ચોગ્ગા ફટકારી 34 રનની શાનદાર ઇનિંગ રમી. આ સમયગાળા દરમિયાન તેનો સ્ટ્રાઇક રેટ 170.00 હતો. વૈભવે પોતાની ઇનિંગની શરૂઆત છગ્ગાથી કરી અને 34 રનની ઇનિંગ સાથે તેણે પોતાના કેપ્ટન રિયાન પરાગનો રેકોર્ડ તોડ્યો. આ મેચમાં સંજુની જગ્યાએ રિયાન પરાગે ટીમનું નેતૃત્વ કર્યું.

વૈભવ સૂર્યવંશી રિયાન પરાગથી આગળ નીકળી ગયો

વૈભવે 14 વર્ષ અને 23 દિવસની ઉંમરે IPLમાં ડેબ્યૂ કર્યું હતુ અને લખનૌ સામે 34 રન બનાવ્યા હતા. આ પછી, તે IPL ઇતિહાસમાં કોઈપણ ટીમ સામે 30 રનની ઇનિંગ રમનાર સૌથી યુવા બેટ્સમેન બન્યો. આ પહેલા આ લીગમાં સૌથી નાની ઉંમરે 30 થી વધુની ઇનિંગ્સ રમવાનો રેકોર્ડ રિયાન પરાગના નામે હતો, જેમણે 17 વર્ષ અને 161 દિવસની ઉંમરે આ સિદ્ધિ મેળવી હતી.

આ પણ વાંચો :  RR vs LSG: લખનૌ સુપરજાયન્ટ્સે છેલ્લા બોલે મેચ પલટી નાખી, રાજસ્થાનને તેના ઘરઆંગણે હરાવ્યું

IPLમાં 30 રન બનાવનાર સૌથી યુવા ખેલાડી

• 14 વર્ષ 023 દિવસ – વૈભવ સૂર્યવંશી
• 17 વર્ષ 161 દિવસ – રિયાન પરાગ
• 17 વર્ષ 189 દિવસ – સરફરાઝ ખાન
• 17 વર્ષ 250 દિવસ – અભિષેક શર્મા
• 18 વર્ષ 169 દિવસ - સંજુ સેમસન
• 18 વર્ષ 169 દિવસ - પૃથ્વી શો

તમને જણાવી દઈએ કે નિયમિત કેપ્ટન સંજુ સેમસન ઈજાના કારણે લખનૌ સુપર જાયન્ટ્સ સામેની મેચમાં રમી રહ્યો ન હતો. આવી સ્થિતિમાં, રાજસ્થાન રોયલ્સ દ્વારા વૈભવને પ્લેઇંગ ઇલેવનમાં તક આપવામાં આવી. વૈભવ સૂર્યવંશી પહેલા, નવ બેટ્સમેન એવા છે જેમણે તેમના IPL ડેબ્યૂ મેચમાં પહેલા બોલ પર સિક્સર ફટકારી છે.

પહેલા બોલ પર છગ્ગો ફટકારનારા ખેલાડીઓ

• રોબ ક્વીની: રાજસ્થાન રોયલ્સ
• કેવોન કૂપર: રાજસ્થાન રોયલ્સ
• આન્દ્રે રસેલ: કોલકાતા નાઈટ રાઈડર્સ
• કાર્લોસ બ્રેથવેટ: દિલ્હી ડેરડેવિલ્સ
• અનિકેત ચૌધરી: રોયલ ચેલેન્જર્સ બેંગ્લોર
• જેવોન સીર્લ્સ: કોલકાતા નાઈટ રાઈડર્સ
• સિદ્ધેશ લાડ: મુંબઈ ઈન્ડિયન્સ
• મહેશ તીક્ષાના: ચેન્નાઈ સુપર કિંગ્સ
• સમીર રિઝવી: ચેન્નાઈ સુપર કિંગ્સ

આ પણ વાંચો :  GT vs DC: ગુજરાત ટાઈટન્સે(GT) 7 વિકેટે દિલ્હી કેપિટલ્સ(DC)ને હરાવ્યું