Virat Kohli Angry : કોહલીને આવ્યો ભયંકર ગુસ્સો, ચાલુ મેચમાં જે કર્યું તે જોઈને ફેન્સ ચોંક્યા

Virat Kohli Angry : વિરાટ કોહલીનો વાયરલ વીડિયો

સોશિયલ મીડિયા પર હાલ એક વીડિયો વાયરલ થઈ રહ્યો છે, જેમાં વિરાટ કોહલીનો અલગ જ અંદાજ જોવા મળી રહ્યો છે. મેચ દરમિયાન બોલને પકડવા માટે કોહલીએ સ્પ્રિન્ટ લગાવી હતી. બોલ સુધી પહોંચ્યા બાદ તેમણે ઝડપથી થ્રો કરવાનો પ્રયાસ કર્યો, પરંતુ ઉતાવળમાં બોલ તેમના હાથમાંથી બે-ત્રણ વાર છટકી ગયો. એક સિમ્પલ ફિલ્ડિંગમાં થયેલી આ ચૂકથી વિરાટ પોતાની જાત પર એટલા ખફા થઈ ગયા કે તેમણે ગુસ્સામાં આવીને બોલને લાત મારવાનો પ્રયાસ પણ કર્યો હતો. તેમનું આ રિએક્શન જોઈને ફેન્સ પણ ચોંકી ગયા હતા.

Virat Kohli looks disappointed after his fumble.

His commitment towards the game 🙌🏻🔥pic.twitter.com/Bmc2MBmyEj

— Suprvirat (@Mostlykohli) January 18, 2026

મિડલ ઓવર્સમાં ફસાઈ ટીમ

ત્રીજી વન-ડે મેચની વાત કરીએ તો, કેપ્ટન શુભમન ગિલે ટોસ જીતીને કિવી ટીમને બેટિંગ માટે આમંત્રિત કરી હતી. ભારતીય બોલરો અર્શદીપ સિંહ અને હર્ષિત રાણાએ શાનદાર શરૂઆત અપાવી હતી. અર્શદીપે હેનરી નિકોલ્સને ખાતું ખોલાવ્યા વિના જ પેવેલિયન ભેગા કર્યા હતા, જ્યારે હર્ષિત રાણાએ ડેવોન કોનવે અને વિલ યંગને આઉટ કરીને ભારતને મજબૂત સ્થિતિમાં મૂક્યું હતું. જોકે, શરૂઆતી સફળતા બાદ ફરી એકવાર મિડલ ઓવર્સમાં ભારતીય બોલરો વિકેટ લેવામાં નિષ્ફળ રહ્યા હતા. ડેરીલ મિચેલે ફરી એકવાર ભારતીય બોલરોની ધોલાઈ કરતા સતત બીજી મેચમાં સદી ફટકારી હતી.

આ પણ વાંચો : Rohit Virat Comeback News: શું હવે 6 મહિના સુધી નહીં રમે રોહિત-વિરાટ? જાણો વાપસીનો પ્લાન