Virat Kohli Instagram Account : શું કિંગ કોહલીએ સોશિયલ મીડિયાને કહી દીધું અલવિદા? એકાઉન્ટ ગાયબ થતા ફફડાટ!
- કિંગ કોહલીનું ઓફિશિયલ એકાઉન્ટ અચાનક થયું ડિએક્ટિવેટ
- 274 મિલિયનથી વધુ ફોલોઅર્સ ધરાવતું પેજ ગાયબ થતા ફેન્સમાં ફાળ
- ચિંતિત ચાહકોએ વિગતો જાણવા અનુષ્કા શર્માના પ્રોફાઇલ પર કરી કોમેન્ટ્સ
- ટેકનિકલ ખામી બાદ વિરાટનું એકાઉન્ટ ફરી પ્લેટફોર્મ પર થયું રિસ્ટોર
- મેદાનમાં સદીઓનો વરસાદ કરનાર વિરાટ હવે વર્લ્ડ કપની તૈયારીમાં વ્યસ્ત
Virat Kohli Instagram Account : ભારતીય ક્રિકેટના દિગ્ગજ ખેલાડી અને 'કિંગ' તરીકે ઓળખાતા વિરાટ કોહલી (Virat Kohli) ના ચાહકો માટે આજની સવાર આંચકાજનક રહી હતી. વિશ્વના સૌથી લોકપ્રિય એથ્લેટ્સમાંના એક વિરાટ કોહલીનું ઇન્સ્ટાગ્રામ એકાઉન્ટ (Instagram Account) અચાનક પ્લેટફોર્મ પરથી અદ્રશ્ય થઈ ગયું હતું. 274 મિલિયનથી વધુ ફોલોઅર્સ ધરાવતી આ પ્રોફાઇલ અચાનક ડિએક્ટિવેટ (Deactivated) થઈ જતાં સોશિયલ મીડિયા પર ખળભળાટ મચી ગયો હતો. જ્યારે યુઝર્સે તેમનું હેન્ડલ સર્ચ કર્યું, ત્યારે ફોટો કે વીડિયોને બદલે માત્ર 'એરર મેસેજ' જોવા મળી રહ્યો હતો.
અનુષ્કા શર્માની પોસ્ટ પર કોમેન્ટ્સનો મારો
વિરાટ કોહલી માત્ર ભારત જ નહીં પરંતુ સમગ્ર એશિયામાં ઇન્સ્ટાગ્રામ પર સૌથી વધુ ફોલો કરવામાં આવતી વ્યક્તિ છે. કોઈપણ પૂર્વ સૂચના વિના તેમનું એકાઉન્ટ ગાયબ થતાં ચાહકો ચિંતિત બન્યા હતા. લોકોએ વિરાટ વિશે જાણવા માટે તેની પત્ની અને અભિનેત્રી અનુષ્કા શર્મા (Anushka Sharma) ના ઇન્સ્ટાગ્રામ પેજ પર જઈને પૂછપરછ શરૂ કરી હતી. અનુષ્કાની લેટેસ્ટ પોસ્ટ્સ પર હજારોની સંખ્યામાં કોમેન્ટ્સ આવી હતી, જેમાં લોકો વિરાટના એકાઉન્ટ વિશે સવાલો કરી રહ્યા હતા.
View this post on Instagram
Virat Kohli Instagram Account : થોડા સમય બાદ એકાઉન્ટ થયું રિસ્ટોર
ચાહકોનો હંગામો અને અટકળો વધતાની સાથે જ થોડા સમય બાદ વિરાટ કોહલીનું એકાઉન્ટ ફરીથી પ્લેટફોર્મ પર દેખાવા લાગ્યું હતું. એકાઉન્ટ પરત આવતા જ ચાહકોએ રાહતનો શ્વાસ લીધો હતો. ટેકનિકલ ગ્લિચ (Technical Glitch) અથવા સિક્યોરિટી રીઝનને કારણે આવું થયું હોવાની શક્યતા સેવાઈ રહી છે, જોકે સત્તાવાર રીતે કોઈ કારણ હજુ સામે આવ્યું નથી.
વિરાટ કોહલીનું શાનદાર ફોર્મ અને રેકોર્ડ્સ
મેદાન પર વિરાટ કોહલી અત્યારે પ્રચંડ ફોર્મમાં છે. દક્ષિણ આફ્રિકા (South Africa) થી લઈને ન્યૂઝીલેન્ડ (New Zealand) સામેની વન-ડે શ્રેણીમાં તેના બેટથી રનોનો વરસાદ થયો છે. ઇન્ટરનેશનલ ક્રિકેટમાં તેણે સદીઓની હેટ્રિક લગાવી છે. સચિન તેંડુલકર (Sachin Tendulkar) ના 100 આંતરરાષ્ટ્રીય સદીના રેકોર્ડની બરાબરી કરવાથી તે હવે માત્ર 15 સદી જ દૂર છે. આગામી વન-ડે વર્લ્ડ કપ (ODI World Cup) પર અત્યારે કિંગ કોહલીની નજર છે.
આ પણ વાંચો : Yuvraj Singh એ ક્રિકેટમાંથી નિવૃત્તિ અંગેના નિર્ણયને લઇને મન ખોલ્યું