Virat Kohli Mahakaleshwar Visit : મહાકાલની ભક્તિમાં વિરાટ મગ્ન: ઈન્દોર વનડે પહેલા ઉજ્જૈનમાં ભસ્મ આરતી કરી
મેદાન પર વિરોધી ટીમના છક્કા છોડાવનાર વિરાટ કોહલી અને કુલદીપ યાદવ અચાનક ઉજ્જૈનમાં ભસ્મ આરતીમાં જોવા મળતા ચાહકો ચોંકી ગયા છે. ન્યૂઝીલેન્ડ સામેની સીરીઝ હાલ રોમાંચક વળાંક પર છે અને આગામી મેચમાં ભારત માટે કરો યા મરોની સ્થિતિ છે. આ હાઈ-વોલ્ટેજ ડ્રામા પહેલા ખેલાડીઓનું આ આધ્યાત્મિક રૂપ ઘણું બધું કહી જાય છે, જેની પાછળ એક ખાસ કારણ છુપાયેલું છે.
Advertisement
- નિર્ણાયક મેચ પહેલા વિરાટ કોહલી અને કુલદીપ યાદવ મહાકાલના શરણે
- ઉજ્જૈનમાં વહેલી સવારે ભસ્મ આરતીમાં સહભાગી થયા ટીમ ઈન્ડિયાના સ્ટાર્સ
- વિરાટ કોહલી ભક્તિમાં લીન થઈ કીર્તન કરતા કેમેરામાં થયા કેદ
- ભારત અને ન્યૂઝીલેન્ડ વચ્ચે સીરીઝનો અંતિમ જંગ હવે ઈન્દોરમાં ખેલાશે
- રાજકોટમાં મળેલી હાર બાદ ખેલાડીઓએ લીધા બાબા મહાકાલના આશીર્વાદ
Virat Kohli Mahakaleshwar Visit : મેદાન પર ચોગ્ગા-છગ્ગાની રમઝટ બોલાવનારા ભારતીય ક્રિકેટના સિતારાઓ આજે આધ્યાત્મિક રંગમાં રંગાયેલા જોવા મળ્યા હતા. ન્યૂઝીલેન્ડ સામે ઈન્દોરમાં રમાનારા નિર્ણાયક વનડે મુકાબલા પહેલા સ્ટાર બેટ્સમેન વિરાટ કોહલી, સ્પિનર કુલદીપ યાદવ અને હેડ કોચ ગૌતમ ગંભીરે ઉજ્જૈનના વિશ્વ પ્રસિદ્ધ મહાકાલેશ્વર મંદિરમાં શીશ ઝુકાવ્યું હતું.